| e-texts navigator |
| Wylie |
64a1 ཡང་ཡང་དག་པར་བརྡུངས་པ་ན་སྒྲ་འབྱུང་བར་འགྱུར་ན། བདག་གིས་རྒྱལ་སྲིད་འབྱོར་པ་གང་ཡིན་པ་ལོངས་སྤྱད་པ་ཞེས་བྱ་བའི་བར་ལྟ་སྨོས་ཀྱང་ཅི་དགོས་པས་རྒྱལ་སྲིད་ཀྱིས་ཆོག་གོ་སྙམ་དུ་བསམས་ཏེ། བདག་གིས་རྒྱལ་སྲིད་སྤངས་ནས་ཉེས་པ་དང
64a2 སྐྱོན་ཆུང་ངུ་མཐོང་བའི་རྐྱེན་རྙེད་པས་ངེས་པར་བྱུང་སྟེ་རབ་ཏུ་བྱུང་ནས་རང་སངས་རྒྱས་ཀྱི་བྱང་ཆུབ་མངོན་སུམ་དུ་བྱས་སོ། ། ཡང་སྨྲས་པ། གསེར་མགར་གྱིས་ནི་ལེགས་པར་བརྡུངས་པ་ཡི།། གསེར་གྱི་འོད་གསལ་ལག་པའི་མཁྲིག་མ་གཉིས།། རྡུང་བ་ཐོས་པ་དེ
64a3 ལྟར་བདག་དང་ནི། ། གཞན་དང་ལྷན་ཅིག་གཞི་ནི་འདི་ཡི་རྒྱུས།། ཚིག་ངན་སྣ་ཚོགས་འཐོན་ཅིང་སེམས་འཁྲུགས་པ།། དེ་ལྟར་འདོད་པའི་ཡོན་ཏན་རིག་བྱས་ཏེ།། བསེ་རུ་ལྟ་བུར་གཅིག་པུ་སྤྱོད་པར་གྱུར།། དེ་ལྟར་དེ་དག་གཅིག་ལ་གཅིག་སྨྲས་ནས་འདུག་གོ།། དེ
64a4 ནས་རྫ་མཁན་དང་ཆུང་མ་ལྷན་ཅིག་ཏུ་འདི་སྙམ་དུ་བདག་ཉིད་ཆེན་པོ་འདི་དག་གིས་རིགས་རྒྱུད་རྒྱ་ཆེ་བའི་རྒྱལ་སྲིད་ཡངས་པ་ཡང་སྤངས་ནས་རབ་ཏུ་བྱུང་བར་གྱུར་ན། བདག་ཅག་གིས་ཅིའི་ཕྱིར་ཁྱིམ་དང་ཕྲུ་རྟོག་དང་། གཟར་བུ་དང་། བྲལ་བྲུལ་གྱིས་ཁྱིམ་གྱི་འཚོ་ཚིས་བྱས་པ
64a5 ལ་ལོངས་སྤྱོད་ཀྱི་འདུ་ཤེས་འབྱུང་བའི་རྣམ་པ་འདི་ལྟ་བུ་ཡོངས་སུ་སྤངས་ནས། བདག་ཅག་ཅིའི་ཕྱིར་རབ་ཏུ་འབྱུང་བར་མི་བྱ་སྙམ་དུ་བསམས་སོ།། ཡང་སྨྲས་པ། གྲོང་དང་ཡུལ་འཁོར་རིགས་རྒྱུད་འབྱོར་པའི་ས་སྤངས་ནས།། ཆགས་མེད་སེམས་ཀྱིས་མི་ཡི་འཇིག་རྟེན
64a6 རྒྱུ་བྱེད་ན། ། བདག་ཅག་ཅི་ཕྱིར་བཀྲེན་པའི་ཚུལ་གྱིས་བསྒྲུབས་པའི་ཡུལ།། ཆུ་ཡིས་ཁྱེར་བ་ལྟ་བུ་མངོན་དུ་སྤྱོད་པར་བྱེད།། དེ་ལྟར་དེ་དག་ནམ་ནངས་ཏེ། མཚན་མོ་ཟད་ནས་ནམ་ནངས་པ་དང་། རྫ་མཁན་ཁྱོ་ཤུག་གིས་ཞེ་སའི་སེམས་བསྐྱེད་དེ། རང་སངས
64a7 རྒྱས་དེ་དག་སྤྱན་དྲངས་ནས་བསོད་སྙོམས་ཕུལ་ཏེ་ཞེས་བྱ་བའི་བར་དང་། དེ་དག་སྟེང་གི་ནམ་མཁའ་ལ་འཕགས་སོ་ཞེས་བྱ་བའི་བར་ནས་རྫ་མཁན་ཁྱོ་ཤུག་གིས་སྨོན་ལམ་བཏབ་པ། ཨ་ལ་ལ་བདག་ཅག་གིས་སྦྱིན་པར་བྱ་བའི་ཆོས་ཡོངས་སུ་བཏང་བ་དང་། སེམས་བསྐྱེད
iiif viewer powered by OpenSeadragon
