| e-texts navigator |
| Wylie |
63a1 དེ་ནི་གཏོང་བར་བྱེད་ན། བདག་རྒྱལ་སྲིད་རྒྱས་པ་ཡོངས་སུ་ལོངས་སྤྱོད་པ་འདིའི་རྒྱུས་བདག་དང་ཉི་འོག་གི་རྒྱལ་པོ་དང་ལྷན་ཅིག་ཏུ་འཐབ་པ་དང་། རྩོད་པ་དང་། འགྱེད་པར་འགྱུར་བར་གདོན་མ་ཟོས་ཏེ། བདག་ནི་རྒྱལ་སྲིད་ཀྱི་བདེ་བ་དེས་ཆོག་གོ
63a2 སྙམ་ནས་རྒྱུ་དེ་དང་། རྐྱེན་དེ་རྙེད་པས་བདག་ངེས་པར་བྱུང་སྟེ། དཀའ་ཐུབ་ཀྱི་ནགས་ཚལ་དུ་ཡང་དག་པར་བརྟེན་ནས། དེར་བདག་གིས་རང་སངས་རྒྱས་ཀྱི་བྱང་ཆུབ་མངོན་སུམ་དུ་བྱས་སོ།། ཡང་སྨྲས་པ། བྱ་ཡིས་ཤ་ཡི་དུམ་བུ་ཁྱེར་བ་ན།། བྱ་གཞན་ཀུན་ནས་བསྐོར་ཞིང
63a3 འབྲང་བ་མཐོང་། ། དེ་ལྟར་འདོད་པའི་ཡོན་ཏན་རིག་བྱས་ཏེ།། བསེ་རུ་ལྟ་བུར་གཅིག་པུ་སྤྱོད་པར་གྱུར།། དེ་རྣམས་ཀྱིས་སྨྲས་པ་དེའི་ཚིག་ཐོས་ནས་གཉིས་པ་ལ་ཇི་ལྟར་རབ་ཏུ་བྱུང་ཞེས་དྲིས་པའི་བར་ནས་ཚེ་དང་ལྡན་པ་རྣམས་ཀྱིས་ཡུལ་མི་ཐི་ལར་རྒྱལ་པོ་གདོང་མ་ལེགས་ཞེས་བྱ
63a4 བ་བྱུང་བ་ཐོས་སམ་ཞེས་བྱ་བའི་བར་ནས། སྟེང་གི་ཁང་ཐོག་ན་འདུག་པའི་ཚེ་ཞེས་བྱ་བའི་བར་དུའོ།། ཇི་ཙམ་ན་གླང་ཁྱུ་བ་གཉིས་འདོད་པའི་རྒྱུས་ཕན་ཚུན་སྣད་ཅིང་སྨས་པ་མཐོང་བ་ན་བདག་ཚུལ་བཞིན་ཡིད་ལ་བྱེད་པ་སྐྱེས་པར་གྱུར་ཏེ། འདི་ལྟར་རེ་ཞིག་དུད
63a5 འགྲོའི་སྐྱེ་གནས་སུ་གྱུར་པ་འདི་གཉིས་ཀྱང་འདོད་པའི་རྒྱུས་ཕན་ཚུན་སྣད་པ་དང་། སྨས་པར་གྱུར་ན་ཞེས་བྱ་བའི་བར་ནས། བདག་ཉི་འོག་གི་རྒྱལ་པོ་དང་ལྷན་ཅིག་ཏུ་འཐབ་པ་དང་། རྩོད་པ་དང་། མཚང་འདྲུ་བ་དང་། འགྱེད་པ་ཞེས་བྱ་བའི་བར་དང་། རབ་ཏུ་བྱུང
63a6 སྟེ་རང་སངས་རྒྱས་ཀྱི་བྱང་ཆུབ་མངོན་སུམ་དུ་བྱས་སོ་ཞེས་བྱ་བའི་བར་དུའོ། ། ཡང་སྨྲས་པ། འདོད་པའི་གཞི་དང་རྒྱུ་ཡི་ནོག་གཡོ་ཞིང་།། སྣད་དང་ཅིག་ཤོས་སྨས་པར་གྱུར་མཐོང་བ།། དེ་ལྟར་འདོད་པའི་ཡོན་ཏན་རིག་བྱས་ཏེ།། བསེ་རུ་ལྟ་བུར་གཅིག་པུ་སྤྱོད་པར
63a7 གྱུར། ། དེའི་ཚིག་ཀྱང་ཐོས་པ་དང་། གསུམ་པ་ལ་ཁྱོད་ག་ལས། ཇི་ལྟར་རབ་ཏུ་བྱུང་ཞེས་དྲིས་སོ།། དེས་སྨྲས་པ། བདག་ཡུལ་བཱ་རཱ་ཎ་སཱིའི་ཁྱེར་གྱི་ཕོ་བྲང་འདི་ཉིད་དུ་རྒྱལ་པོ་ཚངས་བྱིན་ཞེས་བྱ་བ་ནས། བཞོན་པ་གླང་པོ་ཆེ་བརྒྱ་ཕྲག་དུ་མ་བདོག་པར་གྱུར
iiif viewer powered by OpenSeadragon
