| e-texts navigator |
| Wylie |
61a1 ཆེན་པོ་རྣམས་དང་། རྣམས་དང་། ཤ་ཟ་རྣམས་དང་། གྲུལ་བུམ་རྣམས་དང་། སྲུལ་པོ་རྣམས་དང་། ལུས་སྲུལ་པོ་རྣམས་དང་། ཁས་འཆེས་པ་ཞེས་བྱ་བ་ནི་སྨྲས་པའོ།། དེ་ལྟུང་བ་བྱུང་བ་ཞེས་བྱ་བ་ནི་གཞི་དེའི་འོ།། རྣམ་པར
61a2 དག་པར་འདོད་ནས་ཞེས་བྱ་བ་ནི་རྣམ་པར་ལྡང་བར་འདོད་ནས་སོ། ། དུས་གཞན་ཞིག་ན་ཞེས་བྱ་བ་ནི་དུས་གཞན་ནའོ།། དྲིས་ཀྱང་རུང་ཞེས་བྱ་བ་ནི་གཞན་གྱིས་སོ།། མ་དྲིས་ཀྱང་རུང་ཞེས་བྱ་བ་ནི་བདག་ཉིད་འགྱོད་པ་དང་། རྣམ་པར་འགྱོད་པ་དང་། ཡིད་ལ་གཅགས་པ
61a3 སྐྱེས་པས་སོ། ། འདི་སྐད་ཅེས་ཚེ་དང་ལྡན་པ་བདག་གིས་ནི་མི་ཤེས་པར་ཤེས་སོ་ཞེས་སྨྲས་ཞེས་བྱ་བ་ནི་ཡིད་ཀྱི་རྣམ་པར་ཤེས་པས་སོ།། མ་མཐོང་བར་མཐོང་ངོ་ཞེས་སྨྲས་ཏེ་ཞེས་བྱ་བ་ནི་མིག་གི་རྣམ་པར་ཤེས་པས་སོ།། གསོག། གསོབ། དུ་སྨྲས་སོ་ཞེས
61a4 བྱ་བ་ནི་སྨྲས་པའི་ཚིག་གི་རྣམ་གྲངས་སོ། ། ཟེར་ན་ཞེས་བྱ་བ་ནི་རྗོད་ནའོ།། མངོན་པའི་ང་རྒྱལ་མ་གཏོགས་ཏེ་ཞེས་བྱ་བ་ནི་མངོན་པའི་ང་རྒྱལ་བཞག་སྟེའོ།། དགེ་སློང་མ་ཞེས་བྱ་བ་ནི་གང་ལ་དགེ་སློང་མའི་དངོས་པོ་ཡོད་པ་སྟེ་སྔ་མ་བཞིན་ནོ།། དེ་ཡང་ཞེས་བྱ་བ་ནི་ཉེ་བར
61a5 བསྟན་པ་དང་། ཀུན་དུ་བསྟན་པའི་ཚིག་ཡིན་ནོ།། ཇི་ལྟར་ཕས་ཕམ་པར་གྱུར་པ་དང་པོ་དེར་ལྟུང་བ་བརྗོད་པ་དེ་བཞིན་དུ་བརྗོད་པར་བྱའོ།། དེ་ལ་ལྟུང་བར་ཇི་ལྟར་འགྱུར་ཞེ་ན།། །། སྡོམ་ལ། འདུ་ཤེས་བསྒྱུར་དང་དགོན་པ་དང་།། ཁྱིམ་རྣམས་སུ
61a6 ནི་སྟན་བཀྲ་དང་། ། རང་གི་མཚན་ཉིད་འཛིན་པ་དང་།། བདག་ཉིད་ཉེ་བར་སྟོན་པའོ།། ཡང་དགེ་སློང་མ་གང་ཞིག་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་ལྷ་རྣམས་མཐོང་ངོ་ཞེས་ཟེར་ན་ཕས
61a7 ཕམ་པར་འགྱུར་རོ། ། དེ་བཞིན་དུ་ཀླུ་རྣམས་དང་། གནོད་སྦྱིན་རྣམས་དང་། སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་ངོ་ཞེས་ཟེར་ན་ཕས་ཕམ་པར་འགྱུར་རོ།། དེ་ལྟར་སྡོམ་གྱི་ཚིགས་བཅད་འདི་ཡང་དགེ་སློང་གི་འདུལ་བ་ལས་དགེ་སློང་ཞེས་འབྱུང་བ་དགེ་སློང་མ་ཞེས
iiif viewer powered by OpenSeadragon
