| e-texts navigator |
| Wylie |
58a1 སྤྱན་གྱིས་འཇིག་རྟེན་ལ་རྣམ་པར་གཟིགས་ནས་སུ་ནི་ཉམས་པར་གྱུར། སུ་ནི་འཕེལ་བར་གྱུར། སུ་ནི་གནོད་པར་གྱུར། སུ་ནི་ཉམ་ང་བར་གྱུར། སུ་ནི་གནོད་པ་དང་། ཉམ་ང་བ་དང་མི་བདེ་བར་གྱུར། གང་གི་དགེ་བའི་རྩ་བ་མ་བསྐྱེད་པ་ནི
58a2 བསྐྱེད་པར་བྱ། གང་གི་དགེ་བའི་རྩ་བ་བསྐྱེད་པ་རྣམས་ནི་ཡོངས་སུ་སྨིན་པར་བྱ། གང་གི་དགེ་བའི་རྩ་བ་ཡོངས་སུ་སྨིན་པ་རྣམས་ནི་ཐར་བར་བྱ། གང་ཞིག་འཕགས་པ་རྣམས་ཀྱི་ནོར་གྱི་དབྱིག་དང་བྲལ་བ་ནི་འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་ནི་མིའི་འབྲས
58a3 བུ་ལ་གནས། གང་ནི་སངས་རྒྱས་ཀྱིས་འདུལ། གང་ནི་ཉན་ཐོས་ཀྱིས་འདུལ། གང་ནི་སངས་རྒྱས་དང་ཉན་ཐོས་ཀྱིས་འདུལ། གང་ནི་འདོད་ཆགས་ལ་སྤྱོད། གང་ནི་ཞེ་སྡང་ལ་སྤྱོད། གང་ནི་གཏི་མུག་ལ་སྤྱོད། གང་ནི་འདོད་ཆགས་དང་། ཞེ་སྡང་དང་།
58a4 གཏི་མུག་ལ་སྤྱོད། གང་ནི་ཉེས་པ་རྣམས་ཀྱིས་གནོད་པར་གྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བབ། ངས་གང་ནི་ངན་སོང་ལས་བསླང་སྟེ་མཐོ་རིས་དང་། འབྲས་བུ་ལ་རབ་ཏུ་གཞག་པར་བྱ། ཉེས་པར་སྤྱོད་པའི
58a5 འདམ་དུ་བྱིང་བ་གང་གི་ལག་ནས་ནི་དྲང་བར་བྱ། གང་གིས་སངས་རྒྱས་འབྱུང་བས་བརྒྱན་པའི་འཇིག་རྟེན་ནི་འབྲས་བུ་དང་བཅས་པར་བྱ་ཞེས་མཁྱེན་པ་དང་གཟིགས་པ་འཇུག་གོ།། ཡང་སྨྲས་པ། རྒྱ་མཚོ་ཆུ་སྲིན་རྣམས་ཀྱི་གནས།། དུས་ལས་འདའ་བར་འགྱུར་སྲིད
58a6 ཀྱི། ། གདུལ་བྱ་ལ་བྱམས་སངས་རྒྱས་ནི།། དུས་ལས་འདའ་བར་མི་མཛད་དོ།། ཇི་ལྟར་མ་ནི་བུ་སྡུག་གཅིག་པུ་ལ།། རྟོག་ཅིང་དེ་སྲོག་སྲུང་བར་བྱེད་པ་ལྟར།། དེ་བཞིན་གཤེགས་པའང་གདུལ་བའི་སྐྱེ་བོ་ལ།། རྟོག་པར་མཛད་ཅིང་དེ་སྲོག་སྲུང་བར་མཛད།། ཀུན
58a7 མཁྱེན་རྒྱུད་ལ་མངའ་བའི་ཐུགས་རྗེ་ཡི། ། བ་བཞོན་གདུལ་བྱའི་བུ་ཚོལ་མི་སྐྱོ་སྟེ།། སྲིད་དང་ངན་འགྲོས་ཉམས་ལ་བྱམས་པ་ནི།། བེའུ་སྡུག་སྟོར་ལ་བྱམས་པའི་བ་བཞོན་བཞིན།། དེ་ནས་བཅོམ་ལྡན་འདས་ཀྱི་ཡེ་ཤེས་གཟིགས་པ་སྒྲིབ་པ་མི་མངའ་བའི་སྤྱན། སངས
iiif viewer powered by OpenSeadragon
