| e-texts navigator |
| Wylie |
55a1 ཚུར་ཤོག། ཁྱོད་ཀྱིས་བདག་ཉིད་ཐོང་ཤིག། བདག་ཉིད་སོད་ཅིག། བདག་ཉིད་སྲོག་དང་བྲལ་བར་བྱེད་དུ་ཆུག་ཤིག། ཁྱོད་ཤི་དང་བསོད་ནམས་མ་ཡིན་པའི་རྣམ་པ་མང་པོ་འདི་ལྟ་བུ་འཕེལ་བར་མི་འགྱུར་ལ། ཚོར་བ་སྡུག
55a2 བསྔལ་བའི་རྣམ་པ་མི་བཟད་པ། རྩུབ་པ། ཚ་བ་ཡིད་དུ་མི་འོང་བ་དེ་ལྟ་བུ་ཉམས་སུ་མྱོང་བར་མི་འགྱུར་རོ་ཞེས་སྨྲས་ལ། དེས་དེ་སྐད་སྨྲས་པས་དེ་བདག་ཉིད་གཏོང་ངམ། བདག་ཉིད་གསོད་དམ། བདག་ཉིད་སྲོག་དང་བྲལ་བར་བྱེད་དུ་འཇུག་ན་འཆིར་བཅུག་པ
55a3 དེ་ཉིད་ཀྱིས་ཕམ་པར་འགྱུར་རོ། ། གལ་ཏེ་དེ་འདི་སྙམ་དུ་འདི་ལྟར་དེ་འདི་སྐད་ཅེས་ཟེར་མོད་ཀྱི། འོན་ཀྱང་འཚོ་བ་ནི་རྙེད་པར་དཀའ་བའོ།། བདག་ཉིད་གསོད་པ་ནི་ནུས་པར་དཀའ་བ་ཡིན་པས་བདག་གིས་བདག་ཉིད་མི་གཏང་ངོ་།། བདག་གིས་བདག་ཉིད་མི་གསད་དོ།།
55a4 བདག་གིས་བདག་ཉིད་སྲོག་དང་བྲལ་བར་བྱེད་དུ་མི་གཞུག་གོ་སྙམ་དུ་བསམས་ནས། གལ་ཏེ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུག་ན་ཡང་འཆིར་བཅུག་པའི་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ
55a5 པོར་འགྱུར་རོ། ། གལ་ཏེ་དེ་དེ་སྐད་སྨྲས་པས་བདག་ནི་འདི་ལྟར་བྱིས་པ་བླུན་པ། མི་གསལ་བ། མི་མཁས་པ་ཡིན་པས་བདག་གིས་གྱ་ཚོམ་དང་བྱུང་རྒྱལ་དུ་སྨྲས། བདག་གིས་མ་བརྟགས་པའི་ཚིག་སྨྲས་སོ་སྙམ་དུ་འགྱོད་པར་གྱུར་ནས། དེ་དེའི་གན་དུ་སོང
55a6 ནས་འདི་སྐད་ཅེས་བདག་གིས་ཁྱོད་ལ་བདག་ཉིད་སྲོག་དང་བྲལ་བར་གྱིས་ཤིག་ཅེས་སྨྲས་མོད་ཀྱི། འོན་ཀྱང་ཁྱོད་བདག་ཉིད་སྲོག་དང་བྲལ་བར་མ་བྱེད་ཅིག། དེ་ཅིའི་ཕྱིར་ཞེ་ན། གལ་ཏེ་ཁྱོད་ཀྱིས་དགེ་བའི་བཤེས་གཉེན་འགའ་ཞིག་མགུ་བར་བྱས་ན་ཁྱོད་ཀྱི་ལུས་ཀྱི
55a7 ལས་ཀྱི་ཀུན་དུ་སྤྱོད་པ་ཡོངས་སུ་མ་དག་པ་གང་ཡིན་པ་ལས་བསླང་སྟེ་དགེ་བའི་ལས་ལ་འཇོག་པར་འགྱུར་རོ། ། ངག་དང་ཡིད་ཀྱི་ལས་མི་དགེ་བ་ལས་བསླང་སྟེ་ངག་དང་ཡིད་ཀྱི་ལས་དགེ་བ་ལ་རབ་ཏུ་འཇོག་པར་འགྱུར་རོ།། དེ་ལྟར་ཁྱོད་ཀྱི་ལུས་དང་། ངག་དང་། ཡིད་ཀྱི
iiif viewer powered by OpenSeadragon
