| e-texts navigator |
| Wylie |
45a1 མོས་གོས་དང་རྒྱན་རྣམས་རྒྱལ་པོ་ལ་བྱིན་ནོ། ། རྒྱལ་པོས་ཀྱང་གོས་ངུར་སྨྲིག་དག་སེར་སྐྱའི་བུ་མོ་བཟང་མོ་ལ་བྱིན་ནས་རྐང་པ་གཉིས་ལ་ཕྱག་འཚལ་ཏེ་འདི་སྐད་ཅེས་ཀྱང་སྨྲས་སོ།། འཕགས་མ་ཁྱོད་ལ་ཇི་སྲིད་འཚོའི་བར་དུ་ཆོས་གོས་དང་། བསོད
45a2 སྙོམས་དང་། མལ་སྟན་དང་། ནད་ཀྱི་གསོས་སྨན་དང་། ཡོ་བྱད་རྣམས་ཀྱིས་བསྟབས་པར་བགྱིའོ།། དེ་ནས་སེར་སྐྱའི་བུ་མོ་བཟང་མོས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ།། ལྷ་ཕལ་ཆེར་བདག་གི་ལས་ཀྱི་ཉེས་པ་ལགས་ཀྱི། ཁྱོད་ཀྱི་ཉེས་པ་ནི
45a3 མ་ཡིན་ནོ། ། ཅིའི་སླད་དུ་ཞེ་ན། ལྷ་བཅོམ་ལྡན་འདས་ཀྱིས། གང་དུ་གནས་ན་ལས་ཀྱིས་མི་ཚུགས་པའི།། ས་ཕྱོགས་དེ་ནི་ཡོད་པ་མ་ཡིན་ཏེ།། བར་སྣང་ལ་མེད་རྒྱ་མཚོའི་ནང་ན་མེད།། རི་རྣམས་ཀྱི་ནི་གསེབ་ཏུ་ཞུགས་ནའང་མེད་ཅེས་གསུངས་སོ།། ལྷ་གཞན
45a4 ཡང་། ཇི་ལྟར་གྲིབ་མ་མི་ཡི་རྗེས་འབྲང་བ།། འདུག་ན་འདུག་ལ་འགྲོ་ན་འགུལ་བ་ལྟར།། དེ་བཞིན་དགེ་དང་མི་དགེ་གྲིབ་མ་ལྟར།། སངས་རྒྱས་སྨྲ་བའི་བླ་ན་མེད་པ་གསུང་།། དེ་ནས་སེར་སྐྱའི་བུ་མོ་བཟང་མོས་རྒྱལ་པོ་མ་སྐྱེས་དགྲ་ལ་ཚིག་སྙིང་སྡུད་པར
45a5 བྱེད་པ་དེ་ལྟ་བུའི་ཆོས་ཀྱི་གཏམ་རྣམ་གྲངས་དུ་མས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟེང་གི་ནམ་མཁའ་ལ་མངོན་དུ་འཕགས་ཏེ་སླར་ཡང་དགེ་སློང་མའི་དབྱར་ཁང་དུ་སོང
45a6 ངོ་། ། ཡང་བཅུ་གཉིས་སྡེ་རྣམས་ཀྱིས་འདི་སྐད་ཅེས་བདག་ཅག་ནི་དགེ་སློང་མ་ཉམས་པ་དང་ལྷན་ཅིག་གསོ་སྦྱོང་མི་བྱའོ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་སྨྲས་སོ།། དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ།། དེ་ནས
45a7 བཅོམ་ལྡན་འདས་ཀྱིས་ངའི་གཉི་གའི་དགེ་འདུན་གྱིས་དོན་ཤེས་པ་དང་། ངས་བསླབ་པའི་གཞི་ཡང་ལེགས་པར་བཅས་པར་འགྱུར་རོ་སྙམ་དུ་དགོངས་ནས་བྱུང་བ་འདི་དང་། གླེང་གཞི་འདི་དང་། དངོས་པོ་འདི་དང་། སྐབས་འདི་ལ་གཉི་གའི་དགེ་འདུན་བསྡུ་བ
iiif viewer powered by OpenSeadragon
