| e-texts navigator |
| Wylie |
44b1 མོའམ། གནོད་སྦྱིན་མོའམ། སྲིན་མོ་ཡིན་སྙམ་དུ་སེམས་ཏེ། ཚིགས་སུ་བཅད་པ་ཡང་སྨྲས་པ། ཁྱོད་ཅི་ལྷ་མོ་འམ་ཀླུ་མོ་འམ།། གནོད་སྦྱིན་སྲིན་མོ་དྲི་ཟ་མོ།། བུད་མེད་འདྲེ་མོའམ་ཅི་ཡིན་པ།། དྲིས་པ་དེ་ནི་བདག་ལ་གསུངས།། དེ་སྐད
44b2 ཅེས་སྨྲས་པ་དང་། སེར་སྐྱའི་བུ་མོ་བཟང་མོས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ།། བདག་ནི་ལྷ་མོ་ཀླུ་མོ་མིན།། དྲི་ཟ་གནོད་སྦྱིན་སྲིན་མོ་མིན།། མི་དབང་བདག་ནི་བདེ་གཤེགས་ཀྱི།། བྱ་བ་བྱས་པའི་ཉན་ཐོས་མའོ།། དེ་ནས་རྒྱལ་པོ་མ་སྐྱེས
44b3 དགྲས་ཚིག་དེ་ཐོས་ནས་དང་འདྲ་བར་ཟུག་རྔུ་གཉིས་པས་གནད་དུ་བསྣུན་ནས་ཀྱི་ཧུད་ཀྱེ་མ་ཨ་ལ་ལ་སྡིག་པ་ཆེན་པོ་བྱས་སོ་སྙམ་ནས་ཚིགས་སུ་བཅད་པ་ཡང་སྨྲས་པ། བདག་ནི་རྒྱ་མཚོའི་ཕ་མཐའ་འདྲ་བ་ཡི།། སྡུག་བསྔལ་གཅིག་མཐར་རེ་ཞིག་མི་ཕྱིན་ན།།
44b4 ད་ནི་གཉིས་པ་ཉེ་བར་གནས་གྱུར་ཏེ།། གླགས་ཡོད་པས་ན་བདག་ལ་གནོད་མང་འབྱུང་།། དེ་དེ་ལྟར་སེམས་པ་ལས་བརྒྱལ་ནས་སའི་སྟེང་དུ་འགྱེལ་བ་ལས་རེ་ཞིག་ན་ཆུས་གཏོར་ནས་བསླང་ངོ་།། དེ་ནས་རྒྱལ་པོ་མ་སྐྱེས་དགྲས་རང་གི་སེམས་རྙེད་ནས་སེར
44b5 སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། ། ཀྱེ་མ་ཨ་ལ་ལ་བདག་ནི་སྨས་ཤིང་སྣད་པས་འཁོར་བར་འཁོར་བ་ན་ཤིན་ཏུ་སྨས་པར་གྱུར་ན་མི་རུང་བས་འཕགས་མ་མར་གཤེགས་མར་གཤེགས། ཉེས་པར་སྤྱོད་པའི་འདམ་གྱི་ཆུ་བོར་བྱིང་བ་བདག་གི་སུག་པ
44b6 ནས་དྲང་དུ་གསོལ། དེ་ནས་སེར་སྐྱའི་བུ་མོ་བཟང་མོས་དེ་རྗེས་སུ་གཟུང་བའི་ཕྱིར་བབས་སོ།། བབས་ནས་སྟན་བཤམས་པ་ལ་འདུག་གོ།། དེ་ནས་རྒྱལ་པོ་མ་སྐྱེས་དགྲས་ལྗོན་ཤིང་རྩ་བ་ནས་བཅད་པ་བཞིན་དུ་སེར་སྐྱའི་བུ་མོ་བཟང་མོའི་རྐང་པ་གཉིས་ལ
44b7 གཏུགས་ནས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། ། འཕགས་མ་གདུལ་དཀའ་བ་རྣམས་ལ་བཟོད་པ་མཛད་དུ་གསོལ། སེར་སྐྱའི་བུ་མོ་བཟང་མོས་འདི་སྐད་ཅེས་སྨྲས་སོ།། རྒྱལ་པོ་ཆེན་པོ་བདག་བཟོད་དོ།། རེ་ཞིག་ན་སེར་སྐྱའི་བུ་མོ་བཟང
iiif viewer powered by OpenSeadragon
