| e-texts navigator |
| Wylie |
44a1 དུས་ནས་གོམས་པ་ཁམས་གསུམ་པའི་ཉོན་མོངས་པ་རྣམས་དྲལ། སྤངས། བསལ། ཡོངས་སུ་བཏང་ན་ཅིའི་ཕྱིར་ཁྱོད་ཀྱིས་རྫུ་འཕྲུལ་རོ་དང་འདྲ་བ་མུ་སྟེགས་པ་ཐམས་ཅད་དང་ཐུན་མོང་པ་འདི་མངོན་དུ་མ་བྱས། དེ་སྐད་ཅེས་སྨྲས་པ་དང་།
44a2 སེར་སྐྱའི་བུ་མོ་བཟང་མོས་ཨུཏྤ་ལའི་མདོག་ལ་འདི་སྐད་ཅེས་སྨྲས་སོ།། ཕུ་ནུ་མོ་རྫུ་འཕྲུལ་གྱི་ལམ་མི་ཤེས་སོ།། དེ་ནས་ཨུཏྤ་ལའི་མདོག་གིས་སེར་སྐྱའི་བུ་མོ་བཟང་མོ་ལ་རྫུ་འཕྲུལ་གྱི་ལམ་བསྟན་ཏོ།། དེ་ནས་སེར་སྐྱའི་བུ་མོ་བཟང་མོས་འཇིག་རྟེན་པའི་ལམ་གྱིས
44a3 བསམ་གཏན་བཞི་ལ་བརྟེན་ཏེ་རྫུ་འཕྲུལ་མངོན་པར་བསྒྲུབས་སོ། ། དེ་ནས་སེར་སྐྱའི་བུ་མོ་བཟང་མོ་རྒྱན་ཐམས་ཅད་ཀྱིས་བརྒྱན་པ་དགེ་སློང་མའི་དབྱར་ཁང་ག་ལ་བ་དེར་སོང་ངོ་།། དགེ་སློང་མ་བཅུ་གཉིས་སྡེས་སེར་སྐྱའི་བུ་མོ་བཟང་མོ་རྒྱན་ཐམས་ཅད་ཀྱིས་བརྒྱན་པ
44a4 མཐོང་ངོ་། ། མཐོང་ནས་ཀྱང་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་འདི་སྐད་ཅེས་སྨྲས་སོ།། བདག་ཅག་ནི་རྒྱལ་པོའི་ཆུང་མ་དང་ལྷན་ཅིག་གསོ་སྦྱོང་ཉམས་སུ་མྱོང་བར་མི་བགྱིད་དོ།། དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིས་སེར་སྐྱའི་བུ་མོ་བཟང་མོ་ལ་འདི་སྐད
44a5 ཅེས་སྨྲས་སོ། ། ཕུ་ནུ་མོ་ཁྱོད་སོང་ལ་རྒྱལ་པོའི་གན་དུ་སོང་སྟེ་གོས་དང་རྒྱན་སླར་བྱིན་ལ་རྒྱལ་པོས་གནང་བར་གྱིས་གོས་ངུར་སྨྲིག་གྱོན་ལ་སླར་བདག་ཅག་གི་དྲུང་དུ་ཤོག་ཤིག། དེ་ནས་སེར་སྐྱའི་བུ་མོ་བཟང་མོས་སྐྱེ་དགུའི་བདག་མོ་ཆེན་མོ་གཽ་ཏ་མཱིའི་ཚིག་མཉན་ནས་རྒྱལ་པོ
44a6 མ་སྐྱེས་དགྲའི་ཁྱིམ་ག་ལ་བ་དེར་སོང་ངོ་། ། དེའི་ཚེ་རྒྱལ་པོ་མ་སྐྱེས་དགྲ་སད་ནས་སེར་སྐྱའི་བུ་མོ་བཟང་མོ་མཐོང་སྟེ་འཁྱུད་པར་བརྩམས་སོ།། དེ་ནས་སེར་སྐྱའི་བུ་མོ་བཟང་མོ་སྟེང་གི་ནམ་མཁའ་ལ་མངོན་པར་འཕགས་སོ།། དེ་ནས་རྒྱལ་པོ་མ་སྐྱེས་དགྲས་སེར་སྐྱའི
44a7 བུ་མོ་བཟང་མོ་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་པར་མཐོང་ངོ་། ། མཐོང་ནས་འཇིགས་ཤིང་སྐྲག་ལ་ཡིད་བྱུང་སྟེ་སྐྱི་བུང་ཞེས་བྱེད་ནས་བསམས་པ། ཅི་རེ་ཞིག་ལྷ་མོ་ཡིན་ནམ། འོན་ཏེ་ཀླུ་མོའམ། དྲི་ཟ
iiif viewer powered by OpenSeadragon
