| e-texts navigator |
| Wylie |
42a1 སྲུང་གིས་ཁྱད་པར་ཆེན་པོ་འདི་རྟོགས་པས་མིང་འོད་སྲུང་ཆེན་པོ་འོད་སྲུང་ཆེན་པོ་ཞེས་བྱ་བ་བྱུང་ངོ་། ། དེ་ནས་བཅོམ་ལྡན་འདས་མཐར་གྱིས་ལྗོངས་རྒྱུ་བ་རྒྱུ་ཞིང་རྒྱལ་པོའི་ཁབ་ཏུ་གཤེགས་ནས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ
42a2 ན་བཞུགས་སོ། ། དེའི་ཚེ་རྒྱལ་པོའི་ཁབ་ན་རི་བོ་དང་། མཛེས་པ་ཕྲད་པའི་དུས་སྟོན་བྱེད་དོ།། དེར་མུ་སྟེགས་པ་ཐམས་ཅད་གདོན་མི་ཟ་བར་འདུ་བ་ཡིན་པས་ན་རེ་ཞིག་ན་གཅེར་བུ་པ་རྣམས་ཀྱང་རྒྱལ་པོའི་ཁབ་ཏུ་དོང་ངོ་།། དེ་ནས་སེར་སྐྱའི་བུ་མོ་བཟང་མོ་འདི་སྙམ་དུ
42a3 སུ་ཞིག་འདི་ལྟར་ཡུན་རིང་པོར་ཉོན་མོངས་པ་ཉམས་སུ་མྱོང་བར་བྱེད། རྒྱལ་པོའི་ཁབ་ཏུ་སློང་མོའི་ཕྱིར་འཇུག་པ་འདི་ནི་བདག་གི་དུས་ལ་བབ་བོ་སྙམ་དུ་སེམས་སོ།། དེ་ནས་དེ་ཉོན་མོངས་པས་ཡིད་བྱུང་བས་སྐབས་རྙེད་དེ་རྒྱལ་པོའི་ཁབ་ཏུ་སློང་མོ་ལ་སྙད་བཏགས་ཏེ་སོང་ངོ་།། ཚེ
42a4 དང་ལྡན་པ་འོད་སྲུང་ཆེན་པོ་ཡང་སྔ་དྲོ་ཤམ་ཐབས་བགོས་ཆོས་གོས་དང་ལྷུང་བཟེད་ཐོགས་ནས་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་ཞུགས་སོ། ། དེས་སེར་སྐྱའི་བུ་མོ་བཟང་མོ་ཁ་དོག་རྒྱས་པ་དང་ལྡན་པ་མ་ཡིན་པ་དེ་འདྲ་བར་གྱུར་པ་མཐོང་ངོ་།། མཐོང་ནས་ཀྱང་འདི་སྐད་ཅེས
42a5 སྨྲས་སོ། ། སྲིང་མོ་ཇི་ཡང་དག་པར་ཚངས་པར་སྤྱོད་པ་ལ་གནས་པ་ཡོངས་སུ་བསྐྱངས་སམ། དེས་འདི་སྐད་ཅེས་སྨྲས་སོ།། རྗེའི་སྲས་རང་གི་ཁྱིམ་ན་གནས་པ་དེ་ཁོ་ན་བདག་གི་ཚངས་པར་སྤྱོད་པར་གྱུར་གྱི། ད་ལྟར་ནི་མི་ཚངས་པར་སྤྱོད་པ་ཁོ་ནར་བས་ཏེ། ཚངས
42a6 པར་སྤྱོད་པ་མ་མཆིས་སོ། ། དེས་འདི་སྐད་ཅེས་སྨྲས་སོ།། སྲིང་མོ་ཚངས་པར་སྤྱོད་པ་ལ་གནས་པར་བྱ་བའི་ཕྱིར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ངམ། དེ་སྐད་ཅེས་སྨྲས་པ་དང་། སེར་སྐྱའི་བུ་མོ་བཟང་མོས་ཚེ་དང་ལྡན་པ་འོད་སྲུང་ཆེན་པོ་ལ་འདི
42a7 སྐད་ཅེས་སྨྲས་སོ། ། རྗེའི་སྲས་ཁྱེད་ལ་ཡང་རྒྱས་གཏོད་པ་མེད་གྲང་། རེ་ཞིག་ན་ཚེ་དང་ལྡན་པ་འོད་སྲུང་ཆེན་པོས་དགོངས་པར་བརྩམས་ན་ཉེས་པ་བཤད་པའི་ཆོས་ཅན། ཉེས་པའི་ཆོས་ཅན་དེ་རྣམས་ཀྱིས་དམ་པ་མ་ཡིན་པའི་ཆོས་ལ་སྦྱར་བར་མཐོང་སྟེ། དེས
iiif viewer powered by OpenSeadragon
