| e-texts navigator |
| Wylie |
40b1 བཞིན་དུ་བདག་ནི་ཀུན་མཐོང་བ་ཡིན་ནོ་ཞེས་སྨྲ། དེ་བཞིན་གཤེགས་པ་མ་ཡིན་བཞིན་དུ་བདག་ནི་དེ་བཞིན་གཤེགས་པ་ཡིན་ནོ་ཞེས་སྨྲ། དགྲ་བཅོམ་པ་མ་ཡིན་བཞིན་དུ་བདག་ནི་དགྲ་བཅོམ་པ་ཡིན་ནོ་ཞེས་སྨྲ་ཞིང་། ཡང་དག་པར་རྫོགས་པའི་སངས་རྒྱས་མ་ཡིན
40b2 བཞིན་དུ་བདག་ནི་ཡང་དག་པར་རྫོགས་པའི་སངས་རྒྱས་ཡིན་ནོ་ཞེས་ཁས་འཆེ་བར་བྱེད་ན་འོད་སྲུང་སྟོན་པ་དེའི་མགོ་བོ་ཚལ་པ་བདུན་དུ་འགས་པར་འགྱུར་རོ། ། འོད་སྲུང་ང་ནི་ཤེས་པ་ཡིན་པས་ང་ནི་ཀུན་དུ་ཤེས་པ་ཡིན་ནོ་ཞེས་སྨྲའོ།། མཐོང་བ་ཡིན་པས་ང་ནི་ཀུན་དུ་མཐོང
40b3 བ་ཡིན་ནོ་ཞེས་སྨྲའོ། ། དེ་བཞིན་གཤེགས་པ་ཡིན་པས་ང་ནི་དེ་བཞིན་གཤེགས་པ་ཡིན་ནོ་ཞེས་སྨྲ་ཞིང་། ཡང་དག་པར་རྫོགས་པའི་སངས་རྒྱས་ཡིན་པས་ང་ནི་ཡང་དག་པར་རྫོགས་པའི་སངས་རྒྱས་ཡིན་ནོ་ཞེས་ཞལ་གྱིས་འཆེའོ།། ང་ནི་ཉན་ཐོས་རྣམས་ལ་གླེང་གཞི
40b4 དང་བཅས་པ་ཁོ་ནའི་ཆོས་སྟོན་གྱི་གླེང་གཞི་མེད་པ་ནི་མ་ཡིན་ནོ། ། ངེས་པར་འབྱུང་བ་དང་བཅས་པ་ཡིན་གྱི་ངེས་པར་འབྱུང་བ་མེད་པ་ནི་མ་ཡིན་ནོ།། རྟོན་པ་དང་བཅས་པ་ཡིན་གྱི་རྟོན་པ་མེད་པ་ནི་མ་ཡིན་ནོ།། རྟུན་པ་དང་བཅས་པ་ཡིན་གྱི་རྟུན་པ་མེད་པ་ནི་མ་ཡིན་ནོ།།
40b5 ཆོ་འཕྲུལ་དང་བཅས་པ་ཡིན་གྱི་ཆོ་འཕྲུལ་མེད་པ་ནི་མ་ཡིན་ནོ།། འོད་སྲུང་དེ་ལྟ་བས་ན་ཁྱོད་ཀྱིས་འདི་ལྟར་བསླབ་པར་བྱ་སྟེ། ཆོས་དགེ་བའི་ཆོས་དང་ལྡན་པ་གང་ཅི་ཡང་རུང་བ་མཉན་པར་བྱའོ།། དེ་ཐམས་ཅད་བཀུར་སྟི་བྱས། བླ་མར་བྱས། ཆེད་ཆེར་བྱས། སེམས
40b6 རྩེ་གཅིག་ཏུ་བྱས། རྣ་བླགས། སེམས་ཐམས་ཅད་ཀྱིས་བསམས་ནས་མཉན་པར་བྱའོ།། འོད་སྲུང་དེ་ལྟ་བས་ན་འདི་ལྟར་བསླབ་པར་བྱ་སྟེ། ཉེ་བར་ལེན་པའི་ཕུང་པོ་ལྔ་པོ་རྣམས་ལ་སྐྱེ་བ་དང་འཇིག་པར་རྗེས་སུ་ལྟ་བས་གནས་པར་བྱའོ།། སྐྱེ་མཆེད་དྲུག་པོ་དག་ལ
40b7 ཀུན་དུ་འབྱུང་བ་དང་། ནུབ་པར་རྗེས་སུ་ལྟ་བས་གནས་པར་བྱའོ།། དྲན་པ་ཉེ་བར་གཞག་པ་བཞི་དག་ལ་སེམས་ལེགས་པར་ཉེ་བར་གནས་པས་གནས་པར་བྱའོ།། དྲན་པ་ཉེ་བར་གཞག་པ་བཞི་དག་ལ་སེམས་ལེགས་པར་ཉེ་བར་གནས་པས་གནས་པ་ན་བྱང
iiif viewer powered by OpenSeadragon
