| e-texts navigator |
| Wylie |
3a1 ཉུང་བ་ཡིན་པས་དགེ་འདུན་ཐོག་མར་བྱ་བ་ཅི་ཡོད། འཕགས་མ་དག་མ་ལྷགས་པ་རྣམས་ལ་འདུན་པ་དང་ཡོངས་སུ་དག་པ་དྲིས་ཤིག། དྲིས་ནས་ཀྱང་བརྗོད་པར་བྱའོ།། ཤཱཀྱ་སེང་གེ་དེ་ལ་ནི།། སོར་མོ་བཅུ་ཡིས་ཐལ་སྦྱར་ནས།། སོ་སོར་ཐར་པ་གདོན
3a2 པར་བྱ། ། གདུལ་བའི་དོན་དུ་ང་ལས་ཉོན།། ཐོས་ནས་དྲང་སྲོང་ཆེན་པོ་ཡིས།། ཇི་སྐད་གསུངས་བཞིན་བསྒྲུབ་བྱ་ཞིང་།། ཁ་ན་མ་ཐོ་ཕྲ་རྣམས་ལ།། བརྟུན་ཅིང་བྱེད་པ་ཉིད་དུ་གྱིས།། རྟག་ཏུ་འབད་པས་འདའ་བ་ཡི།། སེམས་རྟ་ཁ་བླན་དཀའ་བ་ལ།། མཐུན་པ
3a3 གཟེར་རྣོན་བརྒྱ་པ་ཡི། ། སྲབ་འདི་སོ་སོར་ཐར་འདི་ཡིན།། ཆེ་བ་གང་དག་ངག་ཙམ་གྱིས།། ལྡོག་ཅིང་མཚམས་ལས་མི་འདའ་བ།། དེ་དག་མི་རྟ་བཟང་པོ་སྟེ།། ཉོན་མོངས་གཡུལ་ལས་ངེས་རྒྱལ་འགྱུར།། སུ་ལ་སྲབ་འདི་མེད་པ་དང་།། ནམ་དུའང་འདོད་པར་མི་འགྱུར
3a4 བ། ། དེ་དག་ཉོན་མོངས་གཡུལ་གྱིས་དཀྲུགས།། འཇོག་བྲལ་རྣམ་པར་འཁྱམ་པར་འགྱུར།། དགེ་འདུན་འཕགས་མ་རྣམས་གསན་དུ་གསོལ། དེང་དགེ་འདུན་གྱི་གསོ་སྦྱོང་བཅུ་བཞི་པའམ་ལྔ་པ་ལགས་ཏེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ
3a5 འདུན་གྱིས་གནང་བར་མཛོད་ཅིག་དང་། དེང་དགེ་འདུན་གསོ་སྦྱོང་མཛད་དེ་སོ་སོར་ཐར་པའི་མདོ་གདོན་པ་གདོན་ཏོ།། འདི་ནི་གསོལ་བའོ།། འཕགས་མ་དག་བདག་ཅག་གསོ་སྦྱོང་བྱ་སྟེ། བདག་གིས་སོ་སོར་ཐར་པའི་མདོ་གདོན་པ་གདོན་གྱིས་ལེགས་པར་ཉོན་ལ་རབ
3a6 ཏུ་ཡིད་ལ་གྱིས་ཤིག་དང་བདག་གིས་ཁྱེད་ལ་བཤད་དོ། ། ཁྱེད་ཅག་སུ་ལ་ལྟུང་བ་ཡོད་པ་དེ་མཐོལ་ཅིག། ལྟུང་བ་མེད་ན་ཅང་མ་སྨྲ་ཤིག། ཅང་མི་སྨྲ་ན་བདག་གིས་འཕགས་མ་དག་ཡོངས་སུ་དག་པར་རིག་པར་བྱའོ།། ཇི་ལྟར་སོ་སོར་དྲིས་ནས་དགེ་སློང་མས་ལན་བཏབ་པ་དེ
3a7 བཞིན་དུ་དགེ་སློང་མའི་འཁོར་འདི་ལྟ་བུར་ཡང་ལན་གསུམ་གྱི་བར་དུ་བསྒྲགས་པར་བྱ་བ་ཡིན་ནོ། ། ཡང་དགེ་སློང་མ་གང་དགེ་སློང་མའི་འཁོར་འདི་ལྟ་བུར་ལན་གསུམ་གྱི་བར་དུ་བསྒྲགས་པ་ན་ལྟུང་བ་ཡོད་ལ་དྲན་བཞིན་དུ་མི་མཐོལ་ན་དེ་ཤེས་བཞིན་དུ་དུ་སྨྲ་བ་ཡིན་ནོ།།
iiif viewer powered by OpenSeadragon
