| e-texts navigator |
| Wylie |
39b1 པར་གྱིས་ཤིག། དེའི་ཚེ་ན་བཅོམ་ལྡན་འདས་བྱང་ཆུབ་སེམས་དཔའ་སྐུ་ཚེ་ལོ་ཉི་ཤུ་རྩ་དགུར་འདོད་པ་རྣམས་ལ་རོལ་ནས་རྒན་པོ་དང་། ནད་པ་དང་། ཤི་བ་གཟིགས་པས་ཐུགས་བྱུང་སྟེ། ནམ་ཕྱེད་ཀྱི་དུས་སུ་རྟ་རིན་པོ་ཆེ་བསྔགས་ལྡན་ལ་བཅིབས་ནས་ནགས
39b2 སུ་གཤེགས་ཏེ་ལོ་དྲུག་ཏུ་ཅིར་ཡང་མི་ཕན་པའི་དཀའ་བ་སྤྱད་ནས་ཆུ་བོ་ནཻ་རཉྫ་ནཱར་ཁྲུས་མཛད་དེ། དགའ་མོ་དང་། དགའ་སྟོབས་མ་གཉིས་ལས་ལན་བཅུ་དྲུག་ཏུ་སྙིང་ཁུར་བྱས་པའི་འོ་མའི་ཐུག་པ་ནི་གསོལ། ཀླུའི་རྒྱལ་པོ་དུས་ཅན་གྱིས་ཚིགས་སུ་བཅད་པ
39b3 དག་གིས་ནི་མངོན་པར་བསྟོད་ཅིང་། རྩཝ་འཚོང་བཀྲ་ཤིས་ལྡན་ལས་རྩཝ་དག་བཞེས་ཏེ་བྱང་ཆུབ་ཀྱི་ཤིང་གི་དྲུང་དུ་བཞུད་ནས་ཉིད་ཀྱིས་མ་འཁྲུགས་པ་དང་། མ་འཛིངས་པར་གདིང་བ་བཤམས་ཏེ། ཀླུའི་རྒྱལ་པོ་གཉིད་ལོག་པ་བསྐྱིལ་བ་བཞིན་དུ་སྐྱིལ་མོ་ཀྲུང
39b4 ཁྱིལ་ལེར་བཅས་ནས། ཟག་པ་ཟད་པ་མ་ཐོབ་ཀྱི་བར་དུ་སྐྱིལ་མོ་ཀྲུང་མི་གཞིག་གོ་ཞེས་ཐུགས་ཀྱང་བསྐྱེད་ཚིག་ཏུ་ཡང་གསུང་ངོ་།། རེ་ཞིག་ན་བདུད་འབྱུང་པོའི་རིགས་བྱེ་བ་ཕྲག་སུམ་བཅུ་རྩ་དྲུག་གི་འཁོར་ཅན་བཏུལ་ནས་བླ་ན་མེད་པ་ཡང་དག་པར་རྫོགས་པའི་བྱང
39b5 ཆུབ་མངོན་པར་རྫོགས་པར་སངས་རྒྱས་སོ། ། ཚངས་པས་བསྐུལ་བས་ཡུལ་བཱ་རཱ་ཎ་སཱིར་གཤེགས་ཏེ་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་ནས་ཀུན་ཤེས་ཀཽཎྜི་ནྱ་དང་། ལྷ་སྟོང་ཕྲག་བརྒྱད་བཅུ་བདེན་པ་རྣམས་ལ་བཀོད་དོ།། ལྔ་སྡེ་རྣམས་ཀྱང་བཏུལ། ཉེ་ལྔའི་སྡེ་རྣམས་ཀྱང་བཏུལ།
39b6 གྲོང་གི་ཁྱེའུ་གཙོ་བོ་གཙོ་བོ་ལྔ་བཅུ་ཡང་བཏུལ་ཏོ།། ཤིང་བལ་ཅན་གྱི་ནགས་ཁྲོད་དུ་གཤེགས་ནས་བཟང་སྡེའི་ཚོགས་དྲུག་བཅུ་བཏུལ་ཏོ།། དམག་ལྡན་གྱི་གྲོང་དུ་གཤེགས་ནས་གྲོང་གི་བུ་མོ་དགའ་མོ་དང་། དགའ་སྟོབས་མ་གཉིས་བདེན་པ་རྣམས་ལ་བཀོད་དོ།། ཡུལ
39b7 ལྟེང་རྒྱས་སུ་གཤེགས་ནས་ལྟེང་རྒྱས་འོད་སྲུང་རྫུ་འཕྲུལ་གྱི་ཆོ་འཕྲུལ་བརྒྱད་ལ་སོགས་པ་ལྔ་བརྒྱས་བཏུལ་ཏོ། ། ཡུལ་ག་ཡར་གཤེགས་ནས་ཆུ་ཀླུང་འོད་སྲུང་དང་། རལ་པ་ཅན་སྟོང་ཕྲག་དེ་རྣམས་ལ་ཆོ་འཕྲུལ་གསུམ་པོ་དག་གིས་གདམས་པ་མཛད་དོ།། ཡུལ་འོད
iiif viewer powered by OpenSeadragon
