| e-texts navigator |
| Wylie |
39a1 བཟང་མོ་ལ་འདི་སྐད་ཅེས་སྨྲས་སོ། ། བཟང་མོ་ཚུར་ཤོག། ཁྱིམ་ནས་ལྷན་ཅིག་ཁོ་ནར་འདོང་བར་བྱའོ།། དེ་དག་ཁྱིམ་ནས་ལྷན་ཅིག་ཁོ་ནར་དོང་ངོ་།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་དང་ཐེ་གི་ཙམ་གྱི་བར་དུ་ལྷན་ཅིག་ཁོ་ནར་དོང་ནས
39a2 སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། ། བཟང་མོ་སོང་ལ་སྤྱོད་པ་ཇི་ལྟར་འདོད་པ་ལ་གནས་པར་གྱིས་ཤིག། དེའི་ཚེ་ན་རྒྱལ་པོའི་ཁབ་ན་གཅེར་བུ་པ་རྫོགས་བྱེད་ཅེས་བྱ་བ་ཐམས་ཅད་མཁྱེན་པ་མ་ཡིན་པར་ཐམས་ཅད་མཁྱེན་པར་ཁས་འཆེ་བ་ཞིག་གནས་ཏེ།
39a3 དེ་ཡང་གཅེར་བུ་པ་དང་། གཅེར་བུ་པའི་སློབ་མ་དུ་མས་ཡོངས་སུ་བསྐོར་ཏོ།། དེ་ནས་སེར་སྐྱའི་བུ་མོ་བཟང་མོ་གཅེར་བུ་རྫོགས་བྱེད་ག་ལ་བ་དེར་སོང་སྟེ་ཕྱིན་ནས་གཅེར་བུ་པ་རྫོགས་བྱེད་ལ་འདི་སྐད་ཅེས་སྨྲས་སོ།། བཙུན་པ་བདག་ཁྱོད་ལས་རབ་ཏུ་འབྱུང་བར་འཚལ
39a4 ལོ། ། དེས་དེ་རབ་ཏུ་ཕྱུང་ནས་གཅེར་བུ་མ་རྣམས་ཀྱི་ནང་དུ་བཞག་གོ།། དེ་ནས་གཅེར་བུ་པ་དེ་རྣམས་ཀྱིས་སེར་སྐྱའི་བུ་མོ་བཟང་མོ་གཟུགས་བཟང་བ། བལྟ་ན་སྡུག་པ། མཛེས་པ། ཁ་དོག་རྒྱས་པ། མཆོག་དང་ལྡན་པ་མཐོང་ནས་གཅིག་ལ་གཅིག
39a5 སྨྲས་པ། བདག་ཅག་རབ་ཏུ་བྱུང་བ་གང་ཅི་ཡང་རུང་བ་དེ་ཐམས་ཅད་ནི་ལྷའི་འདོད་པའི་ཡོན་ཏན་ལྔ་རྣམས་ཀྱི་ཕྱིར་ཡིན་ལ། སེར་སྐྱའི་བུ་མོ་བཟང་མོ་འདི་ཡང་ལྷའི་བུད་མེད་འདྲ་ན་རེ་ཞིག་ལྷའི་འདོད་པའི་ཡོན་ཏན་རྣམས་རྙེད་དམ་མི་རྙེད་གཏོལ་མེད་ཀྱིས། ཇེ་སེར
39a6 སྐྱའི་བུ་མོ་བཟང་མོ་འདི་ལ་ལོངས་སྤྱད་པར་བྱའོ་ཞེས་སྨྲས་ནས་གཅེར་བུ་པ་ལྔ་བརྒྱ་ཙམ་གཅེར་བུ་པ་རྫོགས་བྱེད་ག་ལ་བ་དེར་དོང་ངོ་། ། རེ་ཞིག་ན་སྐབས་དེ་རྒྱས་པར་སྨྲས་ནས་དེ་ནས་དེ་རྣམས་ཀྱིས་སེར་སྐྱའི་བུ་མོ་བཟང་མོ་བསླངས་པ་དང་། དེས་ཀྱང་སློབ་མ་ལ
39a7 བྱམས་པའི་ཕྱིར་གནང་ངོ་། ། དེ་ནས་ལས་ཀྱི་རྣམ་པར་སྨིན་པའི་རྐྱེན་གྱིས་ཉི་མ་རེ་རེ་ཞིང་གཅེར་བུ་པ་ལྔ་བརྒྱ་པོ་རྣམས་ཀྱིས་དགའ་མགུར་སྤྱོད་པར་བྱེད་དོ།། ཇི་ཙམ་ན་དེ་ཡིད་བྱུང་བས་རྫོགས་བྱེད་ལ་གསོལ་པ་དང་། དེས་སྨྲས་པ། གང་ལ་རྒྱ་ཕོག་པ་དེ་དང་ཕྲད
iiif viewer powered by OpenSeadragon
