| e-texts navigator |
| Wylie |
38b1 ཞིག་ན་དེ་ཡང་ཡིད་བྱུང་སྟེ་ཚིགས་སུ་བཅད་པ་སྨྲས་པ། བྲེའུ་ཆུང་གང་གིས་འབྲས་ཆན་རུང་།། མལ་གཅིག་གིས་ནི་བདེ་བ་སྐྱེད།། རས་བཅོས་ཟུང་གཅིག་བཅང་བར་བྱ།། ལྷག་མ་གཏི་མུག་ཡོངས་སུ་འཛིན།། དུས་དེའི་བར་དུ་ཡང་སངས་རྒྱས་ད་དུང་དུ་མ
38b2 བྱུང་བར་གྱུར་ཏེ། དེ་གཞན་མུ་སྟེགས་ཅན་སྤྱོད་པ་པ་དང་། ཀུན་དུ་རྒྱུ་དང་། གཅེར་བུ་པ་དང་། ཀུན་དུ་འཚོ་བ་པ་དང་། ཐལ་བ་ཅན་ལ་སོགས་པ་རྣམས་དང་། བཀྲེན་པ་དང་། སྡུག་ཕོངས་པ་དང་། སློང་མོ་པ་རྣམས་ལ་སྦྱིན་པ་བཏང་བ་བྱས་ནས
38b3 དབུལ་པོ་ནི་མི་དབུལ་བར་བྱས། བྲན་དང་། གླ་མི་དང་། མངག་གཞུག་པ་རྣམས་ནི་མི་བཀོལ་བར་བྱས། བཤེས་གཉེན་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་ལ་ནི་རྫས་ཀུན་བགོས་ནས་ཁྱིམ་གྱི་ནང་དུ་ཞུགས་ཏེ། གོས་ཐ
38b4 ཆད་འགའ་ཅི་ཡོད་བླང་ངོ་སྙམ་ནས་གོས་ཀྱི་རྫས་ཀྱི་མཛོད་དུ་བལྟས་པ་དང་། དེས་གོས་ཀྱི་ཕྱི་ཚས་རས་ཡུག་ཆེན་ཐ་ཆད་སྟོང་ཕྲག་བརྒྱ་རི་བ་ཞིག་ནི་བདག་གིས་ཁྱེར། དེ་འདྲ་བ་གཅིག་ནི་བཟང་མོ་ལ་བྱིན་ནོ།། ཁྱིམ་ནི་ཉེ་དུ་རྣམས་ལ་གཏད་དོ།། དེ་ནས་བྲམ་ཟེའི
38b5 ཁྱེའུ་ནྱ་གྲོ་དྷ་སྐྱེས་ཀྱིས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། ། བཟང་མོ་གང་དུ་འགྲོ་བར་འདོད། དེས་སྨྲས་པ། ཁྱོད་ཁོ་ན་དང་ལྷན་ཅིག་ཏུ་དཀའ་ཐུབ་ཀྱི་ནགས་སུ་མཆིའོ།། དེས་སྨྲས་པ། གང་གི་ཕྱིར་བུད་མེད་དང་ལྷན་ཅིག་དཀའ་ཐུབ་ཀྱི་ནགས་སུ་འདུག
38b6 པར་བྱ་བ་དེ་ནི་ཆ་མ་ཡིན་ནོ། ། བཟང་མོས་སྨྲས་པ། གལ་ཏེ་དེ་ལྟ་ན་བདག་ཇེ་སྔར་ཁྱིམ་ནས་ཐོང་ཤིག། ཅིའི་ཕྱིར། བཟང་མོས་འདི་སྐད་ཅེས་སྨྲས་སོ།། གང་གི་ཕྱིར་ཁྱོད་སྔར་ཇེ་བཞུད་ན་བུད་མེད་ནི་འབྲས་ཆན་ཚོས་པ་དང་འདྲ་བར་སྐྱེ་བོ་མང་པོས་དོན་དུ་གཉེར
38b7 བར་བགྱི་བ་ལགས་ཏེ། ཁྱོད་བཞུད་ན་བདག་ཁ་ཅིག་གིས་དོན་དུ་གཉེར་བར་གྱུར་ན་མི་རུང་བ་དེ་སྲིད་དོ།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་བསམས་པ། བུ་མོ་འདི་ནི་མཁས་ཤིང་བློ་ཤིན་ཏུ་གཏན་ལ་བབ་པ་ཡིན་ནོ་སྙམ་དུ་བསམས་ཏེ། སེར་སྐྱའི་བུ་མོ
iiif viewer powered by OpenSeadragon
