| e-texts navigator |
| Wylie |
35b1 ཡབ་ཡུམ་ཆེས་སྔར་འཇུག་ངོགས་སུ་ཉེ་རེག་བགྱིའོ།། སླད་ཀྱིས་བག་མ་བླང་ངོ་།། དེ་ལ་དེ་གཉིས་གནང་ངོ་།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་བྲམ་ཟེའི་ཁྱེའུ་གཅིག་ཅིག་དང་ལྷན་ཅིག་ཏུ་གྲོང་ཁྱེར་ནྱ་གྲོ་དྷ་ཅན་ནས་བྱུང་སྟེ། གྲོང་ཁྱེར་ཀ་པི་ལ་ག་ལ་བ་དེར་ཆས་ནས་མཐར་གྱིས
35b2 གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དུ་རྒྱུ་ཞིང་གྲོང་ཁྱེར་ཀ་པི་ལར་ཕྱིན་ནོ།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ལམ་གྱིས་དུབ་པ་ངལ་བསོས་ཏེ་ལོ་མའི་ཕུར་མ་ཐོགས་ནས་གྲོང་ཁྱེར་ཀ་པི་ལར་སློང་མོའི་ཕྱིར་ཞུགས་སོ།། དེ་ཁྱིམ་ནས
35b3 ཁྱིམ་དུ་སློང་མོ་ལ་རྒྱུ་ཞིང་བྲམ་ཟེ་ཤིང་སཱ་ལ་ཆེན་པོ་ལྟ་བུ་སེར་སྐྱའི་ཁྱིམ་གྱི་སྒོར་ཕྱིན་ཏོ། ། དེ་ནས་སེར་སྐྱའི་བུ་མོ་བཟང་མོ་སློང་མོ་ཐོགས་ནས་བྱུང་བ་དང་། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་མཐོང་ངོ་།། མཐོང་ནས་ཀྱང་དེ་འདི་སྙམ་དུ་བུ་མོ་དེ་ནི་འདི་ཡིན་ནོ་སྙམ་དུ
35b4 བསམས་སོ། ། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་བུ་མོ་དེ་ལ་འདི་སྐད་ཅེས་སྨྲས་སོ།། ཁྱོད་སུའི་བུ་མོ་ཡིན། དེས་འདི་སྐད་ཅེས་སྨྲས་སོ།། སེར་སྐྱའི་ཡིན་ནོ།། ཁྱོད་གཞན་ལ་བྱིན་ནམ། དེས་འདི་སྐད་ཅེས་སྨྲས་སོ།། བདག་གིས་གྲོང་ཁྱེར་ནྱ་གྲོ་དྷ་ཅན་ན་བྲམ
35b5 ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཞེས་བྱ་བ་གནས་པ་དེའི་ནྱ་གྲོ་དྷ་སྐྱེས་ཞེས་བྱ་བ་དེ་ལ་བདག་ཕ་མ་གཉིས་ཀྱིས་བྱིན་པར་ཐོས་སོ། ། དེས་དེ་ལ་འདི་སྐད་ཅེས་སྨྲས་སོ།། བཟང་མོ་ཁྱོད་ལ་ཁྱིམ་ཐབ་དེ་འདྲ་བ་ཅིར་དགོས། གང་ལ་དེ་ཁྱིམ་ཐབ་ཏུ་གྱུར་པ་དེ་ནི་ཁྱིམ་ཐབ་མེད་པ་ཉིད་དུ
35b6 ཤེས་པར་གྱིས་ཤིག། དཔེར་ཇི་ལྟ་བུ་ཞིག། དེས་འདི་སྐད་ཅེས་སྨྲས་སོ།། དེ་ནི་འདོད་པ་རྣམས་ལ་དོན་དུ་གཉེར་བ་མ་ཡིན་ན་ཁྱིམ་ཐབ་དེ་ལྟ་བུ་དེས་ཅི་ཞིག་བྱ། རྗེའི་སྲས་ལེགས་སོ་ལེགས་སོ།། ཁྱོད་ཀྱིས་བདག་དབུགས་ཀུན་དུ་ཕྱུང་ངོ་།། ཁྱོད་ཀྱིས་ནི་བདག་ལ
35b7 བདུད་རྩི་ཁོ་ནས་དབང་བསྐུར་རོ་སྙམ་སེམས་སོ། ། དེས་འདི་སྐད་ཅེས་སྨྲས་སོ།། ཅིའི་ཕྱིར་བྲམ་ཟེའི་ཁྱེའུ་བདག་ཀྱང་འདོད་པ་རྣམས་ལ་དོན་དུ་གཉེར་བ་མ་ཡིན་ནོ།། འདི་སྐད་ཅེས་ཀྱང་སྨྲས་སོ།། ཕྱུག་པོ་དང་ནི་དབུལ་པོ་ལ།། འདྲ་བར་ཁྱོད་མཐོང་བདེ་བ་འདི།། སྙིང་དང
iiif viewer powered by OpenSeadragon
