| e-texts navigator |
| Wylie |
33b1 སྙམ་དུ་འཕྲིགས་ནས་དེ་རྣམས་ཀྱིས་བུ་མོ་དེ་ལ་དྲིས་པ། ཁྱོད་སུའི་བུ་མོ་ཡིན། དེས་སྨྲས་པ། བྲམ་ཟེ་སེར་སྐྱའི་བུ་མོ་བཟང་མོའོ།། དེ་ནས་བྲམ་ཟེའི་ཁྱེའུ་དེ་རྣམས་ཀྱིས་བུ་མོ་དེ་ལས་ཐོས་ནས་བྲམ་ཟེ་སེར་སྐྱའི་ཁྱིམ་ག་ལ་བ་དེར་དོང་སྟེ། ཕྱིན་ནས་ཁྱིམ་གྱི་སྒོ་དྲུང
33b2 དུ་འཁོད་དེ་སྨྲས་པ། ཤེས་ལྡན་སློང་མོ་བྱིན་ཅིག། བྲམ་ཟེ་སེར་སྐྱས་སློང་མོ་ཞེས་ཐོས་པས་བྲམ་ཟེའི་ཁྱེའུ་སློང་མོ་དོན་དུ་གཉེར་བ་ཡིན་སྙམ་སྟེ། ནང་མི་ལ་བསྒོ་བ་བྲམ་ཟེའི་ཁྱེའུ་རྣམས་ལ་ཤིང་མ་ལུ་ཏའི་མེ་ཏོག་གི་མདོག་འདྲ་བའི་ཕྱེ་དང་། མར་དང་བུ་རམ་དང་། རྒུན་འབྲུམ
33b3 དང་། བལ་པོ་སེའུ་དང་། ཏིན་ཏི་ལི་ཀ་བྱིན་ཅིག། ཡུལ་དབུས་ན་ཡང་ལུགས་ཀྱིས་བུ་མོ་རྣམས་ཀྱིས་ཕའི་ཁྱིམ་ནས་སློང་མོ་སྦྱིན་པར་བྱེད་དོ།། དེ་ཅིའི་ཕྱིར་ཞེ་ན། ཕའི་ཁྱིམ་ནས་སློང་མོ་བྱིན་པས་སྙིང་པོ་བླང་བ་བླངས་པར་འགྱུར་རོ།། དེ་ནས་སེར་སྐྱའི་བུ་མོ་བཟང་མོས་སློང
33b4 མོ་ཁྱེར་ཏེ་བྲམ་ཟེའི་ཁྱེའུ་སློང་མོ་པ་རྣམས་ག་ལ་བ་དེར་སོང་སྟེ་ཕྱིན་ནས་སློང་མོ་དེ་བྱིན་པ་དང་། བྲམ་ཟེའི་ཁྱེའུ་དེ་རྣམས་སློང་མོ་ལེན་པར་མི་བྱེད་དོ།། ཇི་ཙམ་ན་བྲམ་ཟེ་སེར་སྐྱས་ཐོས་སོ།། དེ་ནས་བྲམ་ཟེ་སེར་སྐྱས་བྲམ་ཟེའི་ཁྱེའུ་དེ་རྣམས་ལ་འདི་སྐད་ཅེས་སྨྲས་སོ།། ཅི
33b5 འདོད་དེ་རྣམས་ཀྱིས་འདི་སྐད་ཅེས་སྨྲས་སོ། ། བུ་མོའི་སློང་མོ་བདག་ལ་དགོས་ཀྱི། ཕྱེའི་སློང་མོ་ནི་མ་ཡིན་ནོ།། དེ་ནས་བྲམ་ཟེ་སེར་སྐྱ་ཁྲོས་ནས་བྲམ་ཟེའི་ཁྱེའུ་དེ་རྣམས་ལ་འདི་སྐད་ཅེས་སྨྲས་སོ།། ངས་ཁྱེད་ལ་བུ་མོའི་སློང་མོ་མི་སྦྱིན་ནོ།། དེ་དག་གིས་འདི་སྐད་ཅེས་སྨྲས
33b6 སོ། ། བདག་ཅག་ནི་རང་གི་དོན་དུ་བུ་མོའི་སློང་མོ་མི་ཚོལ་ལོ།། དེ་ནས་བྲམ་ཟེ་སེར་སྐྱས་བྲམ་ཟེའི་ཁྱེའུ་དེ་རྣམས་ལ་འདི་སྐད་ཅེས་སྨྲས་སོ།། བྲམ་ཟེའི་ཁྱེའུ་དག་ཁོ་བོས་ནི་དོན་དེ་བརྡ་མ་ཕྲད་དོ།། དེ་ནས་བྲམ་ཟེའི་ཁྱེའུ་དེ་རྣམས་ཀྱིས་བྲམ་ཟེ་སེར་སྐྱ་ལ་འདི་སྐད་ཅེས་སྨྲས
33b7 སོ། ། ཤེས་ལྡན་དག་ཅི་ཡུལ་མ་ག་དྷཱ་ན་གྲོང་ཁྱེར་ཤིང་ནྱ་གྲོ་དྷ་ཅན་ཞེས་བྱ་བ་དེ་ན་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ། ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ།
iiif viewer powered by OpenSeadragon
