| e-texts navigator |
| Wylie |
32b1 ཁྱེར་ཀ་པི་ལ་ཞེས་བྱ་བ་དེར་ཕྱིན་ནོ། ། དེ་ན་ཡང་བྲམ་ཟེ་སེར་སྐྱ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་པ་དེས་རིགས་མཉམ་པ
32b2 ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ།། དུས་གཞན་ཞིག་ན་དེའི་ཆུང་མ་དེ་ལ་སེམས་ཅན་ཞིག་ཞུགས་པར་གྱུར་ཏོ།། ཇི་ཙམ་ན་ཟླ་བ་བརྒྱད་དམ། དགུ་འདས་ཏེ་བཙས་པ་ལས། བུ་མོ་གཟུགས
32b3 བཟང་བ། བལྟ་ན་སྡུག་པ། མཛེས་པ་ཞིག་སྐྱེས་ནས་དེའི་ཉེ་དུ་རྣམས་ཚོགས་ཤིང་འདུས་ཏེ་ཉི་མ་བདུན་གསུམ་ཉི་ཤུ་རྩ་གཅིག་ཏུ་སྦྱིན་པ་དག་ནི་བྱིན། བསོད་ནམས་དག་ནི་བྱས་ནས་མིང་འདོགས་པར་བྱེད་དོ།། ཡུལ་དབུས་ན་ཡང་ལུགས་ཀྱིས་གང་གཟུགས་བཟང་བ་དེ་ལ
32b4 བཟང་མོ་ཞེས་ཟེར་བས་འདི་སྐད་དུ་བུ་མོ་འདི་གཟུགས་བཟང་བ། བལྟ་ན་སྡུག་པ། མཛེས་པ་ཡིན་ལ། འདིའི་ཕ་ཡང་སེར་སྐྱ་ཞེས་བྱ་བ་ཡིན་པས། བུ་མོ་འདི་ཡང་སེར་སྐྱའི་བུ་མོ་བཟང་མོ་ཞེས་བྱ་བར་གདགས་སོ་ཞེས་མིང་བཏགས་སོ།། དེ་ནས་སེར་སྐྱའི
32b5 བུ་མོ་བཟང་མོ་མ་མ་བརྒྱད་ལ་རྗེས་སུ་གཏད་དེ། བརྒྱད་པོ་གང་ཞེ་ན། པང་ན་འཚོ་བའི་མ་མ་གཉིས་དང་། ནུ་མ་བསྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་འགྲོགས་ཀྱི་མ་མ་གཉིས་དང་། ལྕགས་ཀྱི་མདའ་ཐོགས་ཤིང་རྨ
32b6 བྱའི་མདོངས་མང་པོའི་བསྲུང་ཁུག་བཅངས་ནས། འོ་མ་དང་། ཞོ་དང་། མར་དང་ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་དོ།། དེ་ཡང་རྫིང་ན་གནས་པའི་པད་མ་བཞིན་དུ་སྐྱེ་དྲག་པར
32b7 གྱུར་ཏེ། ཇི་ཙམ་ན་ཆེན་མོར་གྱུར་ཏེ། དེ་རྣམས་སྲང་གི་དབུས་སུ་ཕྱིན་ནས་གཟུགས་བརྙན་བཞག་སྟེ། སྤོས་དང་མེ་ཏོག་དང་། བདུག་པ་ལ་སོགས་པ་དང་། རོལ་མོའི་སྒྲ་འབྱིན་པས་མཆོད་པ་དག་བྱེད་ཅིང་། བུ་མོའི་ལྷ་མོ་ཕྱིན་པ་འདི་ལ་བུ་མོ་དག་བཀུར
iiif viewer powered by OpenSeadragon
