| e-texts navigator |
| Wylie |
327a1 སུ་གནང་ངོ་། ། དེ་བཞིན་དུ་མཆིལ་མ་དང་། སྣབས་དང་། སྐྱུགས་པ་དང་། རླུགས་པ་ཞེས་བྱ་བ་ནས། ནད་པ་ཡིན་ན། རྗེས་སུ་གནང་ངོ་ཞེས་བྱ་བའི་བར་རོ།། གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་དགེ་སྐོས་ལ་བརྟེན་ནས་ཤིང་ལ་འཛེག་པའི་བསླབ་པའི་གཞི་བཅའ
327a2 བ་མཛད་པ་དེའི་ཚེ་སྦོམ་དགའ་མོ་བྱ་བ་འགའ་ཞིག་གི་ཕྱིར་ཤིང་ཁར་འཛེག་པ་ན། དེ་ལ་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མ་མཛད་དམ། དེས་འདི་སྐད་ཅེས་དགེ་སློང་རྣམས་ལ་མཛད་ཀྱི། དགེ་སློང་མ་རྣམས་ལ་ནི་མ་ཡིན་ནོ
327a3 ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་ན་བར་ཆུའི་ནང་དུ་བཤང་བ་དང་། གཅི་བ་དང་མཆིལ་མ་དང་། སྣབས་དང་སྐྱུགས་པ་དང་། རླུགས་པ་དོར་བར་མི་བྱ་བ་དང་། གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེག་པར
327a4 བསླབ་པར་བྱའོ་ཞེས་བྱ་བའི་བར་རོ། ། བསླབ་པ་མང་པོ་རྫོགས་།། དགེ་སློང་མའི་འདུལ་བ་རྣམ་པར་འབྱེད་པ་ལས་བསླབ་པ་མང་པོ་རྫོགས་།། །། ད་ནི་རྩོད་པ་ཞི་བར་བྱེད་པ་རྣམས་སྨྲ་བར་བྱ་སྟེ། སྡོམ་ལ། མངོན་སུམ་དང་ནི་དྲན་པ་དང་།། མ་མྱོས་འདུལ་དང་དེའི་ངོ་བོ།། ཚུལ་ཤིང
327a5 མང་པོ་བྲིམ་པ་དང་། ། ཁས་བླང་བ་དང་རྩཝ་བཀྲམ་པའོ།། མངོན་སུམ་གྱིས་འདུལ་བར་འོས་པ་ལ་ནི་མངོན་སུམ་གྱིས་འདུལ་བ་སྦྱིན་ནོ།། དྲན་པས་འདུལ་བར་འོས་པ་ལ་ནི་དྲན་པས་འདུལ་བ་སྦྱིན་ནོ།། མ་མྱོས་པས་འདུལ་བར་འོས་པ་ལ་ནི་མ་མྱོས་པས་འདུལ་བ་སྦྱིན་ནོ།། དེའི་ངོ་བོ་ཉིད་ཚོལ
327a6 དུ་གཞུག་པར་འོས་པ་ལ་ནི་དེའི་ངོ་བོ་ཉིད་ཚོལ་དུ་གཞུག་པ་སྦྱིན་ནོ། ། གང་ཚུལ་ཤིང་མང་པོ་བྲིམ་པར་འོས་པ་ལ་ནི་གང་ཚུལ་ཤིང་མང་པོ་བྲིམ་པ་སྦྱིན་ནོ།། ཁས་བླང་བར་འོས་པ་ལ་ནི་ཁས་བླང་བ་སྦྱིན་ནོ།། རྩཝ་བཀྲམ་པ་ལྟ་བུར་འོས་པ་ལ་ནི་རྩཝ་བཀྲམ་པ་ལྟ་བུ་སྦྱིན་ཏེ། རྩོད་པ
327a7 ཞི་བར་བྱེད་པའི་ཆོས་བདུན་པོ་འདི་དག་གིས་རྩོད་པ་བྱུང་བར་གྱུར་པ་རྣམས་ཆོས་དང་། འདུལ་བ་དང་། སྟོན་པའི་བསྟན་པ་བཞིན་དུ་དུལ་བར་བྱ། ཞི་བར་བྱ། རྣམ་པར་ཞི་བར་བྱ་བར་བསླབ་པར་བྱའོ།། རྩོད་པ་ཞི་བར་བྱེད་པའི་ཆོས་བདུན་རྫོགས་།། །། དགེ
iiif viewer powered by OpenSeadragon
