| e-texts navigator |
| Wylie |
324a1 ཆུའི་འགྲམ་དུ་གཞག་པར་མི་བྱའོ་ཞེས་བྱ་བའི་བར་རོ། ། དེ་དག་ལམ་ཀར་འཇོག་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལམ་ཀར་གཞག་པར་མི་བྱའོ་ཞེས་བྱ་བའི་བར་རོ།། དེ་དག་ལྷུང་བཟེད་བྱེ་མ་དང་བཅས་པའི་ལྕི་བས་རུང་བར་བྱེད་པ
324a2 ན་དེ་དག་རིང་པོ་མ་ལོན་པར་སྐྱ་སྐྱ་བོར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། འོག་གཞི་མ་བཏིང་བའི་ས་ལ་ལྷུང་བཟེད་གཞག་པར་མི་བྱ་བ་དང་། གཡང་སར་མི་གཞག་པ་དང་། འབབ་ཆུའི་འགྲམ་དུ་མི་གཞག་པ་དང་། ལམ་ཀར་མི་གཞག་པ
324a3 དང་། བྱེ་མ་དང་བཅས་པའི་ལྕི་བས་ལྷུང་བཟེད་མི་ཕྱི་བར་བསླབ་པར་བྱའོ་ཞེས་བྱ་བའི་བར་རོ།། ཇི་ཙམ་ན་གཞོན་ནུ་མ་ཞིག་འགྲེང་སྟེ་ལྷུང་བཟེད་འཁྲུ་བ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་འགྲེང་སྟེ་ལྷུང་བཟེད་མ་འཁྲུ་ཤིག། དེས་འདི་སྐད་ཅེས་ཅིར་འགྱུར་ཞེས
324a4 སྨྲ་བ་ན་དེའི་ལྷུང་བཟེད་དེ་ལག་ནས་ལྷུང་ནས་ཆག་པ་དང་། དེ་ལ་འདི་སྐད་ཅེས་འདིར་འགྱུར་རོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲེང་སྟེ་ལྷུང་བཟེད་བཀྲུ་བར་མི་བྱའོ་ཞེས་བྱ་བའི་བར་རོ།། དེ་བཞིན་དུ་སྐོམས་པར་བྱེད་པ་ནས། བཅོམ
324a5 ལྡན་འདས་ཀྱིས་བཀའ་སྩལ་པ། འགྲེང་སྟེ་བསྐམས་པར་མི་བྱའོ་ཞེས་བྱ་བའི་བར་རོ།། དེ་བཞིན་དུ་འཕྱི་བར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲེང་སྟེ་ཕྱི་བར་མི་བྱའོ་ཞེས་བྱ་བའི་བར་རོ།། དེ་བཞིན་དུ་ལྷུང་བཟེད་ཀྱི་སྣོད་དུ་འཇུག་པར་བྱེད
324a6 པ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲེང་སྟེ་ལྷུང་བཟེད་ཀྱི་སྣོད་དུ་གཞུག་པར་མི་བྱའོ་ཞེས་བྱ་བའི་བར་རོ།། དེ་བཞིན་དུ་ལྷུང་བཟེད་ཀྱི་སྣོད་ནས་འབྱིན་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲེང་སྟེ་ལྷུང་བཟེད་བཀྲུ་བ་དང་། བསྐམ
324a7 པ་དང་ཕྱི་བ་དང་། ལྷུང་བཟེད་ཀྱི་སྣོད་དུ་གཞུག་པ་དང་། དབྱུང་བ་མི་བྱ་བར་བསླབ་པར་བྱའོ་ཞེས་བྱ་བའི་བར་རོ།། །། སྡོམ་ལ། འགྲེང་སྟེ་མ་ཡིན་མགོ་གཡོགས་མིན།། གླང་ཆེན་དོ་ཀེར་ལག་ན་མིན།། རྩཝ་དང་ཆུ་ལ་བཤང་མི་བྱ།། ཤིང་ལ་མི་གང་ཙམ་མ་ཡིན།།
iiif viewer powered by OpenSeadragon
