| e-texts navigator |
| Wylie |
323b1 ཅན་ལ་བརྟེན་ནས་ཁྱིམ་གྱི་ནང་དུ་ཟས་ཀྱིས་འབགས་པའི་ཆུ་དབོ་བར་མི་བྱའོ་ཞེས་དགག་པ་མཛད་པ་ཁྱིམ་བདག་གཞན་ཞིག་ལ་བརྟེན་ནས་རྗེས་སུ་གནང་སྟེ་ཁྱིམ་བདག་ཡོད་པ་ལ་དྲིས་ནས་དབོ་བར་བྱའོ། ། དེ་ནས་ཡང་བཅུ་གཉིས་སྡེ་དག་གིས་མ་དྲིས་པར་ཁྱིམ་གྱི་ནང་དུ་འབོ་བར་བྱེད་པ
323b2 ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཡོད་པ་ལ་མ་དྲིས་པར་ཟས་དང་འབགས་པའི་ཆུ་ཁྱིམ་གྱི་ནང་དུ་དབོ་བར་མི་བྱའོ།། ཞེས་བྱ་བའི་བར་རོ།། མཉན་ཡོད་ན་བྲམ་ཟེ་ཞིག་གི་བུ་སེམས་འཁྲུགས་ནས་དེ་མཉན་ཡོད་དུ་སོང་བ་ལས་དགེ་སློང་ཞིག་གི་ལྷུང
323b3 བཟེད་ཀྱི་ཆུས་རེག་པར་བྱས་པ་དང་། རང་གི་སེམས་སླར་རྙེད་པར་གྱུར་ཏོ།། དེ་ནས་ཡང་བྲམ་ཟེ་ཞིག་གི་བུ་སེམས་འཁྲུགས་པ་དང་། དེ་ནས་བྲམ་ཟེ་དེས་བྲམ་ཟེ་དེ་ལས་ཐོས་ནས་དགེ་སློང་མའི་དབྱར་ཁང་དུ་སོང་སྟེ། ཇི་ཙམ་ན་སྦོམ་དགའ་མོ་ལས་ལྷུང་བཟེད་ཀྱི་ཆུ་བསླངས་པ
323b4 དང་། ཞེས་བྱ་བ་ནས་དེས་དགེ་འདུན་གྱི་ཟས་ཀྱི་ལྷག་མས་ལྷུང་བཟེད་བཀང་ནས་བྱིན་པ་དང་། བྲམ་ཟེ་དེས་བདག་གི་བུ་ཤི་བ་ནི་བླའི་མནོམ་པར་ནི་མི་བྱའོ།། ཞེས་བྱས་ཏེ། མ་བླངས་པ་ནས། བཅོམ་ལྡན་འདས་ཀྱིས་བཀའ་སྩལ་པ། གྲལ་ཟླའི་དགེ་སློང་མ་རྣམས་ལ་ཁ་ཟེར་བར
323b5 འདོད་པས་བལྟ་བར་མི་བྱ་བ་དང་། ལག་པས་ཟས་ཀྱིས་འབགས་པས་ཆུ་སྣོད་མི་གཟུང་བ་དང་། ཟས་ཀྱིས་འབགས་པའི་ཆུས་དགེ་སློང་མ་གྲལ་ཟླ་ལ་མི་གཏོར་བ་དང་། ཁྱིམ་བདག་ཡོད་པ་ལ་མ་དྲིས་པར་ཟས་འབགས་པའི་ཆུ་ཁང་པའི་ནང་དུ་མི་དབོ་བ་དང་། ལྷུང་བཟེད་ཀྱི་ནང་དུ་ཟས
323b6 ཀྱི་ལྷག་མ་བླུགས་ཏེ་མི་དོར་བར་བསླབ་པར་བྱའོ་ཞེས་བྱ་བའི་བར་རོ། ། དེ་ནས་བཅུ་གཉིས་སྡེ་དག་འོག་གཞི་མེད་པའི་སར་ལྷུང་བཟེད་འཇོག་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། གཞག་པར་མི་བྱའོ།། དེ་ནས་བཅུ་གཉིས་སྡེ་དག་གིས་གཡང་སར་ལྷུང་བཟེད
323b7 བཞག་པ་དང་དེ་ནས་ལྷུང་བཟེད་ལྷུང་ནས་དུམ་བུར་ཆག་པར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་གཡང་སར་གཞག་པར་མི་བྱའོ་ཞེས་བྱ་བའི་བར་རོ།། དེ་དག་འབབ་ཆུའི་འགྲམ་དུ་འཇོག་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འབབ
iiif viewer powered by OpenSeadragon
