| e-texts navigator |
| Wylie |
320b1 འབྲུ་ནི་འབྱེད་པ་དང་། ། ལག་པ་དང་ནི་ཁ་ཟེར་དང་།། མ་བཏིང་བ་དང་འགྲེང་སྟེ་མིན།། སངས་རྒྱས་བཅོམ་ལྡན་འདས་ཡུལ་བྷར་གའི་ཆུ་སྲིན་བྱིས་པ་གསོད་ཀྱི་རི་འཇིགས་རུང་གི་ཚལ་ཀྱི་ནགས་ན་བཞུགས་སོ།། དེའི་ཚེ་རྒྱལ་བུ་རྟོགས་ལྡན་གྱིས་ཆུ་སྲིན
320b2 བྱིས་པ་གསོད་ཀྱི་རི་ལ་ཁང་པད་མ་དཀར་པོ་སར་པ་ཅན་ཞེས་བྱ་བ་ཞིག་རྩིག་ཏུ་བཅུག་ནས་དེར་སངས་རྒྱས་བཅོམ་ལྡན་འདས་དགེ་སློང་དང་དགེ་སློང་མ་རྣམས་དང་ཐབས་ཅིག་སྤྱན་དྲངས་སོ། ། དེ་ནས་རྒྱལ་བུ་གཞོན་ནུ་རྟོགས་ལྡན་གྱི་འཁོར་ནི་མ་དད་པ་ཡིན་པས
320b3 དེ་དག་གིས་ཁ་ཟས་ཀྱི་གོང་བུ་དྲག་ཏུ་བོར་བས་དགེ་སློང་མ་རྣམས་ཀྱི་ལག་པ་དང་ལྷུང་བཟེད་གཅོག་པར་བྱེད་དོ། ། དེ་ནས་ཡང་ཕྱོགས་གཅིག་ན་བཅུ་གཉིས་སྡེ་དག་འཁོད་པས་དེ་དག་གིས་གཅིག་ལ་གཅིག་འདི་སྐད་ཅེས་གཙུག་དགའ་མོ། ཉེ་དགའ་མོ། སྦོམ
320b4 དགའ་མོ། ། བདག་ཅག་གིས་བུ་གསོད་མོའི་བུ་འདི་དག་བསླབ་པར་བྱའོ་ཞེས་སྨྲས་ནས་གང་གི་ཚེ་ཁ་ཟས་འོང་བ་དེའི་ཚེ་ལྷུང་བཟེད་བཟེད་ནས་ཕྱིར་བཀྱེད་པ་དང་འབྲས་ཆན་དེ་དག་ས་ལ་བོ་བ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པ་ནས། བཅོམ་ལྡན་འདས་ཀྱིས
320b5 བཀའ་སྩལ་པ། ལེགས་པར་ཁ་ཟས་བླང་བར་བྱའོ།། དེ་བཞིན་དུ་ཁྱིམ་ཞིག་ཏུ་སྤྱན་དྲངས་པ་དང་ཞེས་བྱ་བའི་བར་དུ་སྟེ། འབྲས་ཆན་དང་ཚོད་མ་ཇི་སྙེད་ཀྱིས་ལྷུང་བཟེད་ནས་ས་ལ་འབོ་བ་དེ་སྙེད་བླངས་ནས། བཅོམ་ལྡན་འདས་ཀྱིས་བཀའ་སྩལ་པ། མུ
320b6 དང་ཁ་ད་ཆད་མ་ཡིན་པར་ཁ་ཟས་བླང་བར་བྱའོ། ། མཉན་ཡོད་དུ་ཁྱིམ་བདག་ཅིག་གིས་ཞེས་བྱ་བ་ནས་ཁྱིམ་དུ་སྤྱན་དྲངས་སོ་ཞེས་བྱ་བའི་བར་ཏེ། བཅུ་གཉིས་སྡེ་དེ་དག་ལ་འབྲས་ཆན་དང་ཚོད་མ་མཉམ་པར་བྲིམས་པ་ན་ལྷག་པར་སློང་བར་བྱེད་པ་ནས། བཅོམ
320b7 ལྡན་འདས་ཀྱིས་བཀའ་སྩལ་པ། ཟན་འབྲས་ཆན་དང་མཉམ་པར་བཟའ་བར་བྱའོ།། དེ་བཞིན་དུ་ཡང་ཁྱིམ་བདག་ཅིག་གི་ཁྱིམ་དུ་སྤྱན་དྲངས་པ་དང་ཞེས་བྱ་བའི་བར་ཏེ། དེ་ནས་ཡང་འབྲས་ཆན་ནི་མང་ལ་ཚོད་མ་ནི་ཆེས་ཉུང་བ་དང་། དེ་དག་འབྲས་ཆན
iiif viewer powered by OpenSeadragon
