| e-texts navigator |
| Wylie |
320a1 དེ་ནས་བཅུ་གཉིས་སྡེ་དག་གར་ལ་ལྟ་བ་དག་འདི་ལྟར་འཁོད་དོ་ཞེས་སྟན་ཅིག་ལ་དཀུ་དང་དཀུར་སྤྲད་ནས་འདུག་ཅེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། འདུག་པར་མི་བྱའོ།། ཞེས་བྱ་བའི་བར་རོ།། དེ་ནས་བཅུ་གཉིས་སྡེ
320a2 དག་སེམས་ཁོང་དུ་ཆུད་པ་དག་འདི་ལྟར་འཁོད་དོ་ཞེས་ལོང་བུའི་སྟེང་དུ་ལོང་བུ་བཞག་སྟེ་འདུག་ཅེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། འདུག་པར་མི་བྱའོ་ཞེས་བྱ་བའི་བར་རོ།། དེ་ནས་བཅུ་གཉིས་སྡེ་དག་རྐང་པ་བཀུག་སྟེ་འདུག་པ་དང་། དེ་ནས་བྲམ་ཟེ
320a3 དང་ཁྱིམ་བདག་གི་ཆུང་མ་དག་འོངས་ནས་རྐང་པ་ལ་ཕྱག་བྱེད་པ་ན་དེ་དག་གིས་རྐང་པ་ཕྱེ་བ་དང་། དེ་དག་གིས་མགོ་བོ་ས་ལ་ཐུག་ནས་སྨོད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། རྐང་པ་བཀུག་སྟེ་འདུག་པར་མི་བྱའོ།། དེ་ནས་བཅུ་གཉིས་སྡེ
320a4 དག་ཁྱིམ་གྱི་ནང་དུ་རྐང་པ་གདངས་ནས་འདུག་པ་དང་། བྲམ་ཟེ་དང་ཁྱིམ་བདག་གི་ཆུང་མ་དེ་དག་འོངས་ནས་རྐང་པ་ལ་ཕྱག་བྱས་པ་དང་། དེ་ནས་བཅུ་གཉིས་སྡེ་དག་གིས་དེ་དག་ལ་ནད་མེད་པར་གྱུར་ཅིག་ཅེས་བྱ་བའི་ཚིག་ཕྱེད་སྨྲས་པ་ན། འདི་སྐད་ཅེས་དེ་ཅིའི
320a5 ཕྱིར་ནད་མེད་པར་གྱུར་ཅིག་ཅེས་རྫོགས་པར་མི་གསུང་ཞེས་སྨྲས་པ་དང་། བཅུ་གཉིས་སྡེ་དག་གིས་འདི་སྐད་ཅེས་འདི་ལྟར་ཁྱེད་ཀྱིས་རྐང་པ་ཡ་གཅིག་ལ་ཕྱག་བྱས་ཀྱིས་རྐང་པ་ཡ་གཅིག་ལ་ཡང་ཕྱག་བྱོས་ཤིག་དང་བྱའོ་ཞེས་སྨྲས་པ་ན་སྨོད་པར་བྱེད་པ་ནས།
320a6 བཅོམ་ལྡན་འདས་ཀྱིས་བཀའ་སྩལ་པ། རྐང་པ་གདངས་ཏེ་འདུག་པར་མི་བྱའོ།། དེ་ནས་བཅུ་གཉིས་སྡེ་དག་ཁྱིམ་གྱི་ནང་དུ་རྐང་པ་ཧ་ཅང་བཀུག་སྟེ་འདུག་པ་དང་། ཇི་ཙམ་ན་བྲམ་ཟེ་དང་ཁྱིམ་བདག་གི་ཆུང་མ་དག་ཕྱག་བྱེད་པ་ན་སྨོད་པར་བྱེད་པ་ནས། བཅོམ་ལྡན་འདས
320a7 ཀྱིས་བཀའ་སྩལ་པ། དཀུ་དང་དཀུར་མི་སྤྲད་པ་དང་། ལོང་བུའི་སྟེང་དུ་ལོང་བུ་མི་གཞག་པ་དང་། རྐང་པ་མི་དགུག་པ་དང་། རྐང་པ་མི་གདང་བར་ཁྱིམ་གྱི་ནང་དུ་འདུག་པར་བསླབ་པར་བྱའོ།། །། སྡོམ་ལ། ལེགས་པར་བླང་དང་མ་འོངས་དང་།། ཙུག་ཙུག
iiif viewer powered by OpenSeadragon
