| e-texts navigator |
| Wylie |
319b1 ནས། བཅོམ་ལྡན་འདས་ཀྱིས་བཀའ་སྩལ་པ། ལུས་མི་སྒྱུར་བ་དང་། ལག་པ་མི་དཀྱོག་པ་དང་། མགོ་མི་བསྒྱུར་བ་དང་། ལག་པ་མི་སྦྲེལ་བ་དང་། ཕྲག་པ་མི་སྤྲད་པར་ཁྱིམ་གྱི་ནང་དུ་འཇུག་པ་དང་། འདུག་པར་བསླབ་པར་བྱའོ་ཞེ་བྱ་བའི་བར་རོ།།
319b2 དེ་ནས་བཅུ་གཉིས་སྡེ་དག་བྲམ་ཟེ་དང་། ཁྱིམ་བདག་དག་གིས་ཁྱིམ་དུ་མ་བསྒོ་བར་སྟན་དག་ལ་འདུག་པ་དང་དེ་དག་སྨོད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། འདུག་པར་མི་བྱའོ།། གང་གི་ཚེ་བཅོམ་ལྡན་འདས་ཀྱིས་འཆར་ཀ་ལ
319b3 བརྟེན་ཏེ་སྟན་ལ་སོ་སོར་བརྟགས་ཏེ་འདུག་པར་བྱའོ་ཞེས་བསླབ་པའི་གཞི་བཅའ་བ་མཛད་པ་དང་། དེ་ནས་ཡང་བཅུ་གཉིས་སྡེ་དག་ཁྱིམ་གྱི་ནང་དུ་སྟན་ལ་མ་བརྟགས་པར་འདུག་པ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་འདུག་པར་མི
319b4 བྱའོ། ། གང་གི་ཚེ་བཅོམ་ལྡན་འདས་ཀྱིས་སེར་སྐྱའི་གཞིར་འཆར་ཀ་ལ་བརྟེན་ཏེ་ལུས་ཐམས་ཅད་ཀྱི་ལྗིད་ཀྱིས་མནན་ཏེ་འདུག་པར་མི་བྱའོ་ཞེས་བསླབ་པའི་གཞི་བཅའ་བ་མཛད་པ་དང་། དེ་ནས་བཅུ་གཉིས་སྡེ་དག་ཁྱིམ་གྱི་ནང་དུ་ལུས་ཐམས་ཅད་ཀྱི
319b5 ལྗིད་ཀྱིས་མནན་ཏེ་འདུག་པ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་འདུག་པར་མི་བྱའོ།། དེ་ནས་བཅུ་གཉིས་སྡེ་དག་གཡོན་ཅན་དག་འདི་ལྟར་འདུག་གོ་ཞེས་ཁང་པའི་ནང་དུ་རྐང་པ་བསྣོལ་ནས་འདུག་ཅེས་བྱ་བ་ནས། བཅོམ་ལྡན་འདས
319b6 ཀྱིས་བཀའ་སྩལ་པ། འདུག་པར་མི་བྱའོ་ཞེས་བྱ་བའི་བར་རོ།། དེ་ནས་བཅུ་གཉིས་སྡེ་དག་ནོར་ཅན་དང་། ཚོང་དཔོན་དག་འདི་ལྟར་འདུག་གོ་ཞེས་ཁྱིམ་གྱི་ནང་དུ་བརླ་བསྣོལ་ཏེ་འདུག་ཅེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་གྱི
319b7 ནང་དུ་མ་བསྒོ་བར་སྟན་ལ་འདུག་པར་མི་བྱ་བ་དང་། སོ་སོར་མ་བརྟགས་པ་མ་ཡིན་པ་དང་། ལུས་ཐམས་ཅད་ཀྱི་ལྗིད་ཀྱིས་མི་མནན་པ་དང་། རྐང་པ་མི་བསྣོལ་བ་དང་། བརླ་མི་བསྣོལ་བར་ཁྱིམ་གྱི་ནང་དུ་འདུག་པར་བསླབ་པར་བྱའོ་ཞེས་བྱ་བའི་བར་རོ།།
iiif viewer powered by OpenSeadragon
