| e-texts navigator |
| Wylie |
317b1 ཀྱིས་ཆོས་གོས་དང་ཤམ་ཐབས་བགོས་སོ། ། དེ་ནས་དུས་གཞན་ཞིག་ན་དགེ་སློང་མ་བཅུ་གཉིས་སྡེ་དག་ཤམ་ཐབས་ཧ་ཅང་རྩེངས་པར་གྱོན་པ་དང་། དེ་དག་ལ་དགེ་སློང་མ་རྣམས་ཀྱིས་སྨྲས་པ། ཁྱེད་ཅག་ཅིའི་ཕྱིར་ཤམ་ཐབས་ཧ་ཅང་རྩེངས་པར་གྱོན། དེ་དག
317b2 གིས་འདི་སྐད་ཅེས་ཁོ་མོ་ཅག་ཁྱིམ་པ་ན་འདི་ལྟར་གོམས་སོ་ཞེས་སྨྲས་པ་ནས་བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་དང་ཤམ་ཐབས་ཧ་ཅང་རྩེངས་པར་བགོ་བར་མི་བྱའོ།། དེ་བཞིན་དུ་ཤམ་ཐབས་ཧ་ཅང་འཇོལ་བར་བགོ་བར་མི་བྱའོ།། ཞེས
317b3 དེ་ལྟར་བསླབ་པའི་གཞི་བཅའ་བར་མཛད་པ་དང་། དེ་དག་ཤམ་ཐབས་གྱོན་པ་ན་གློ་དག་ཏུ་ལྟེབས་པར་བྱེད་ནས་དེ་དག་ལ་དགེ་སློང་མ་རྣམས་ཀྱིས་སྨྲས་པ། ཁྱེད་ཅག་ཅིའི་ཕྱིར་ཤམ་ཐབས་གྱོན་པ་ན་གློ་དག་ཏུ་ལྟེབས་པར་བྱེད། དེ་དག་གིས་འདི་སྐད་ཅེས་སྨྲས
317b4 སོ། ། ཁྱིམ་པ་མོ་དག་འདི་ལྟར་གྱོན་ནོ།། དེ་དག་ལ་དགེ་སློང་མ་རྣམས་ཀྱིས་ཅི་ཁྱེད་ཅག་ཁྱིམ་པ་མོ་ཡིན་ནམ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤམ་ཐབས
317b5 ཧ་ཅང་རྩེངས་པ་མ་ཡིན་པ་དང་། ཧ་ཅང་འཇོལ་བ་མ་ཡིན་པ་དང་། ཤམ་ཐབས་དང་ཆོས་གོས་ཟླུམ་པོར་བགོ་བར་བསླབ་པར་བྱའོ།། །། གླེང་གཞི་ནི་མཉན་ཡོད་ནའོ།། དེ་ནས་བཅུ་གཉིས་སྡེ་དག་ཆོས་གོས་གླང་པོ་ཆེའི་སྣ་ལྟར་གྱོན་པ་དང་། དེ
317b6 དག་ལ་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་དག་ཁྱེད་ཅིའི་ཕྱིར་ཆོས་གོས་གླང་པོ་ཆེའི་སྣ་ལྟར་གྱོན། དེ་དག་གིས་འདི་སྐད་ཅེས་ནོར་ཅན་དང་། ཚོང་དཔོན་དང་། དེད་དཔོན་དག་འདི་ལྟར་གྱོན་ནོ་ཞེས་སྨྲས་པ་ནས་བཅོམ་ལྡན་འདས་ཀྱིས་བཀའ་སྩལ་པ།
317b7 ཆོས་གོས་དང་ཤམ་ཐབས་གླང་པོ་ཆེའི་སྣ་ལྟར་མ་ཡིན་པ་དང་། ཏ་ལའི་ལོ་མ་ལྟར་བལྟབ་པ་མ་ཡིན་པ་དང་། འབྲུའི་ཕུར་མ་ལྟར་མ་ཡིན་པ་དང་། སྦྲུལ་མགོའི་གདེངས་ཀ་ལྟར་མ་ཡིན་པ་དང་། སྦྲུལ་མགོའི་གདེངས་ཀ་དགུ་པོ་ལྟར་མ་ཡིན་པར་བགོ་བར་བྱའོ།། །།
iiif viewer powered by OpenSeadragon
