| e-texts navigator |
| Wylie |
314a1 སྩལ་པ་བསླང་བར་མི་བྱའོ། ། ཇི་ཙམ་ན་དགེ་སློང་མ་ནད་པ་ཞིག་ཡོད་པ་དེ་ལ་སྨན་པས་འོ་མ་སྟེན་ཅིག་ཅེས་བསྟན་པ་དང་། དེས་འདི་སྐད་ཅེས་སྨྲས་སོ།། བཞིན་ཁོ་མོ་ཤི་ཟིན་ནོ།། སྨན་པས་སྨྲས་པ། ཅིའི་ཕྱིར། དེས་འདི་སྐད་ཅེས་སྨྲས་སོ།། བཅོམ་ལྡན
314a2 འདས་ཀྱིས་བཀག་གོ། ། སྨན་པས་སྨྲས་པ། ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་རྗེས་སུ་གནང་བར་འགྱུར་རོ།། ཞེས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྨན་པས་བསྟན་ན་ནད་ཀྱི་སྨན་དུ་ལོངས
314a3 སྤྱད་པར་བྱའོ། ། དེ་ནས་སྦོམ་དགའ་མོ་ན་ཡང་རུང་མི་ན་ཡང་རུང་གཞན་གྱི་ཁྱིམ་དག་ནས་འོ་མ་བསླངས་ནས་ལོངས་སྤྱོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང
314a4 དགེ་སློང་མ་གང་མི་ན་བར་རང་གི་དོན་དུ། ཁྱིམ་དག་ཏུ་འོ་མ་བསླངས་ནས་འཆའ་འམ་ཟ་ན་དགེ་སློང་མ་དེས་དབྱར་ཁང་དུ་སོང་ནས་དགེ་སློང་མ་རྣམས་ལ་འཕགས་མ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར
314a5 བྱ་སྟེ། ཆོས་འདི་ནི་སོ་སོར་བཤགས་པར་བྱ་བའོ།། ཡང་གང་ཞེས་བྱ་བ་ནི་སྦོམ་དགའ་མོའོ།། རང་གི་དོན་དུ་ཞེས་བྱ་བ་ནི་རང་གི་ལུས་ཀྱིའོ།། མི་ན་བར་ཞེས་བྱ་བ་ནི་ནད་ཀྱིས་མ་ཐེབས་པར་རོ།། ཁྱིམ་དག་ཏུ་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དག་ཏུའོ།། འོ་མ་ཞེས་བྱ་བ་ལ
314a6 འོ་མ་ནི་ལྔ་སྟེ། བའི་འོ་མ་དང་། མ་ཧེའི་འོ་མ་དང་། རྔ་རྨོའི་འོ་མ་དང་། རའི་འོ་མ་དང་། ལྔ་པ་ནི་ལུག་གི་འོ་མའོ།། བསླངས་ནས་ཞེས་བྱ་བ་ནི་གསོལ་བ་བཏབ་ནས་སོ།། འཆའ་འམ་ཟ་ན་ཞེས་བྱ་བ་ནི་ལྐོག་མར་ཁམ་གྱིས་མིད་པའོ།། དགེ་སློང་མ་དེས་ཞེས་བྱ་བ་ནི་གང་ཡིན
314a7 པའི་དགེ་སློང་མ་དེས་སོ། ། དབྱར་ཁང་དུ་སོང་ནས་ཞེས་བྱ་བ་ནི་གཙུག་ལག་ཁང་དུའོ།། དགེ་སློང་མ་རྣམས་ལ་ཞེས་བྱ་བ་ནི་ཆོས་འདི་པ་དག་ལའོ།། སོ་སོར་བཤགས་པར་བྱའོ་ཞེས་བྱ་བ་ནི་མཐོལ་བར་བྱ་བའོ།། འཕགས་མ་སྨད་པའི་གནས་ཞེས་བྱ་བ་ནི་དགེ་སློང་མས་དེ་བྱ་བ་མ་ཡིན
iiif viewer powered by OpenSeadragon
