| e-texts navigator |
| Wylie |
312b1 ཞེས་བྱ་བ་ནི་བཅུ་གཉིས་སྡེ་དག་གོ། ། པུ་ཤེལ་ཙེས་ཞེས་བྱ་བ་ནི་བི་ར་ཎའི་རྩ་བས་སོ།། སྐྲའི་བྱི་དོར་བྱེད་ན་ཞེས་བྱ་བ་ནི་མགོའི་སྐྲ་འཆོས་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་པུ་ཤེལ་ཙེས་སྐྲའི་བྱི་དོར་བྱེད་ན
312b2 ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་བརྒྱད་པའི་གཉིས་པའོ།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་པུ་ཤེལ་ཙེས་སྐྲའི་བྱི་དོར་མི་བྱའོ།། ཞེས་དགག་པ་མཛད་པ་དེའི་ཚེ་སོ་བྱི་དོར་བྱེད་པ་དང་། ཞེས་བྱ་བ་ནི་བསླབ་པ་བཅའ་བའི
312b3 བར་དུ་མཛད་དེ། ཡང་དགེ་སློང་མ་གང་སོ་སྐྲའི་བྱི་དོར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། སོ་ཞེས་བྱ་བ་ནི་སོ་སོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། ཞེས་བྱ་བའི་བར
312b4 གོང་ནས་འབྱུང་བ་བཞིན་ནོ། ། ལྟུང་བྱེད་ཉི་ཤུ་བརྒྱད་པའི་གསུམ་པའོ།། །། གླེང་གཞི་ནི་མཉན་ཡོད་ནའོ།། ཡང་རྩཝའི་ཐུམ་པོས་སྐྲའི་བྱི་དོར་བྱེད་པ་དང་། ཞེས་བྱ་བའི་བར་གྱི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས།
312b5 བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རྩཝའི་ཐུམ་པོས་སྐྲའི་བྱི་དོར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། རྩཝའི་ཐུམ་པོས་ཞེས་བྱ་བ་ནི་སྡོང་བུ་གཤིབས་པས་སོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན།
312b6 ཞེས་བྱ་བའི་བར་གོང་ནས་འབྱུང་བ་བཞིན་ནོ།། ལྟུང་བྱེད་ཉི་ཤུ་བརྒྱད་པའི་བཞི་པའོ།། །། གླེང་གཞི་ནི་མཉན་ཡོད་ནའོ།། ཡང་སོ་དང་། རྩཝའི་ཐུམ་པོས་སྐྲའི་བྱི་དོར་བྱེད་པའི་བར་དུ་བྱ་སྟེ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སོ
312b7 དང་རྩཝའི་ཐུམ་པོས་སྐྲའི་བྱི་དོར་བྱེད་ན་ལྟུང་བྱེད་དོ། ། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། སོ་དང་རྩཝའི་ཐུམ་པོས་ཞེས་བྱ་བ་ནི་གཉི་གས་སོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། ཞེས་བྱ་བའི་བར་དུ་གོང་ནས་འབྱུང་བ
iiif viewer powered by OpenSeadragon
