| e-texts navigator |
| Wylie |
311b1 ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རོལ་མོ་སློབ་ཏུ་འཇུག་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། སློབ་ཏུ་འཇུག་ན་ཞེས་བྱ་བ་ནི་འདོད་པའི་ཡོན་ཏན་དང་ལྡན་པའི་སྒྲ་ལའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང
311b2 བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རོལ་མོ་སློབ་ཏུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་ཉི་ཤུ་བདུན་པའི་བཅུ་པའོ།། །། གླེང་གཞི་ནི་མཉན་ཡོད་ནའོ།། དེ་བཞིན་དུ་རོལ་མོ་སྟོན་པ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང
311b3 དགེ་སློང་མ་གང་རོལ་མོ་སྟོན་ན་ལྟུང་བྱེད་དོ། ། ཡང་གང་ཞེས་བྱ་བ་ནི་སྦོམ་དགའ་མོའོ།། ལྟུང་བའི་རིམ་པ་ནི་གོང་མ་ཇི་ལྟ་བ་དེ་བཞིན་དུ་རྗེས་སུ་མཐུན་པར་བྱའོ།། ལྟུང་བྱེད་ཉི་ཤུ་བདུན་པའི་བཅུ་གཅིག་པའོ།། །། གླེང་གཞི་ནི་མཉན་ཡོད་ནའོ།། དེ་བཞིན་དུ་རོལ་མོ་ལ་ལྟར་འགྲོ་བ་ཞེས་བྱ
311b4 བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རོལ་མོ་ལ་ལྟར་འགྲོ་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། ལྟུང་བའི་རིམ་པ་ནི་གོང་མ་ཇི་ལྟ་བ་དེ་བཞིན་དུ་རྗེས་སུ་མཐུན་པར་བྱའོ།། ལྟུང་བྱེད་ཉི་ཤུ་བདུན་པའི་ཚིགས་སུ་བཅད་པའི་སྡོམ་རྫོགས་།། །།
311b5 སྡོམ་ནི། དགེ་སློང་བཅས་པའི་གནས་དག་ནས།། འབའ་ཞིག་བཤང་བར་འགྲོ་མི་བྱ།། པུ་ཤེལ་ཙེ་དང་སོ་དང་།། རྩཝ་ཐུམ་སྐྲ་བརྙན་བཅང་མི་བྱ།། གླེང་གཞི་ནི་མཉན་ཡོད་ནའོ།། དེ་ནས་གཙུག་དགའ་མོས་སྐྱེས་པ་ཞིག་ལ་འདི་སྐད་ཅེས་ཚུར་ཤོག་འདི་དང་འདི་དག་བྱའོ།། ཞེས་སྨྲས་ཏེ།
311b6 ཇི་ཙམ་ན་དབྱར་ཁང་དུ་ཤོག་ཤིག་པའི་བརྡ་བྱས་སོ།། དེ་ནས་སྐྱེས་པ་དེ་ནུབ་མོ་དབྱར་ཁང་དུ་འོངས་པ་དང་། དེས་དེ་ཆབ་ཀུང་སར་བཞག་ནས་བྱ་བ་མང་པོ་དང་། སྒྲུབ་པ་མང་པོ་གང་ཡིན་པ་དེ་དག་བྱས་ནས། ཆབ་ཀུང་སར་སོང་སྟེ་སོན་ནས་སྐྱེས་པ་དེ་ལ་འདི་སྐད་ཅེས་སྨྲས་སོ་གནས་འདི་ནི་མི
311b7 གཙང་གིས་གནས་གཞན་དུ་དོང་ངོ་། ། དེས་འདི་སྐད་ཅེས་སྨྲས་སོ།། གང་དུ་གཙུག་དགའ་མོས་འདི་སྐད་ཅེས་སྨྲས་ཏེ། ཁྱོད་ཀྱི་ཁྱིམ་དུའོ།། དེ་ནས་སྐྱེས་པ་དེས་འདི་སྐད་ཅེས་སྨྲས་སོ།། ཇི་ལྟར་འདོང་གཙུག་དགའ་མོས་འདི་སྐད་ཅེས་སྨྲས་ཏེ། ཀྱེ་རེ་ཞིག་ཁོ་མོའི་ཕྲག་པ་ལ་ཞོན་ཅིག
iiif viewer powered by OpenSeadragon
