| e-texts navigator |
| Wylie |
311a1 གླེང་གཞི་ནི་མཉན་ཡོད་ནའོ།། གང་གི་ཚེ་དགའ་སྡེ་གཉིས་ལས་གླེངས་ནས་དེ་ནས་བྲམ་ཟེའི་དགའ་སྡེ་རྣམས་གླུའི་ཆེད་དུ་སྦོམ་དགའ་མོ་གང་ན་བ་དེར་དོང་སྟེ་ཞེས་བྱ་བ་ནས། འཕགས་མ་བདག་ཅག་ལ་ཡང་གླུ་སློབས་ཤིག་ཅེས་བྱ་བའི་བར་རོ།། དེ་ཡང་དྲུག་ལྡན་དང
311a2 ཞེས་བྱ་བ་ནས། ཤེས་གསལ་ཞེས་བྱ་བ་དང་། ཀཻ་ཤི་ཀེ་ཞེས་བྱ་བ་དང་། ས་འཛིན་པ་དག་གི་བར་དེ་ལྟ་བུ་རོལ་མོའི་དབྱངས་བདུན་རྒྱས་པར་བསླབས་པ་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་སློབ་ཏུ་འཇུག་ན་ལྟུང་བྱེད་དོ།། ཡང་གང་ཞེས
311a3 བྱ་བ་ནི་སྦོམ་དགའ་མོའོ། ། གླུ་ཞེས་བྱ་བ་ནི་ཁར་འབྱིན་པའོ།། སློབ་ཏུ་འཇུག་ན་ཞེས་བྱ་བ་ནི་སྟོན་པར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གླུ་སློབ་ཏུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང
311a4 བྱེད་ཉི་ཤུ་བདུན་པའི་བདུན་པ་རྫོགས་། ། །། གླེང་གཞི་ནི་མཉན་ཡོད་ནའོ།། དེ་བཞིན་དུ་གླུ་སྟོན་པ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་སྟོན་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། ལྟུང་བའི་རིམ་པ་ནི་གོང་མ་ཇི་ལྟ་བ་དེ
311a5 བཞིན་དུ་རྗེས་སུ་མཐུན་པར་བྱའོ། ། ལྟུང་བྱེད་ཉི་ཤུ་བདུན་པའི་བརྒྱད་པའོ།། །། གླེང་གཞི་ནི་མཉན་ཡོད་ནའོ།། དེ་བཞིན་དུ་གླུ་ལ་ལྟར་འགྲོ་བ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་ལ་ལྟར་འགྲོ་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ
311a6 དགའ་མོའོ། ། ལྟུང་བའི་རིམ་པ་ནི་གོང་མ་ཇི་ལྟ་བ་དེ་བཞིན་དུ་རྗེས་སུ་མཐུན་པར་བྱའོ།། ལྟུང་བྱེད་ཉི་ཤུ་བདུན་པའི་དགུ་པའོ།། །། གླེང་གཞི་ནི་མཉན་ཡོད་ནའོ།། ཞེས་བྱ་བ་ནས་རྒྱལ་རིགས་ཀྱི་དགའ་སྡེ་དག་རོལ་མོའི་ཆེད་དུ་སྦོམ་དགའ་མོ་གང་ན་བ་དེར་སོང་སྟེ་ཕྱིན་ནས་འདི་སྐད
311a7 ཅེས་སྨྲས་སོ། ། འཕགས་མ་བདག་ཅག་ལ་རོལ་མོ་དག་སློབས་ཤིག་དེས་པི་བང་དང་། གླིང་བུ་དང་། རྫ་རྔ་དང་། པི་བང་རྒྱུད་གཅིག་པ་དང་། བ་བྷི་ས་ཀེ་དང་། ལྕགས་ཀྱི་སིལ་ཀྲོལ་དང་། ཤིན་ཏུ་དབྱངས་སྙན་ལ་སོགས་པ་དབྱངས་བདུན་པོ་དག་བསླབས་ནས། ཞེས་བྱ་བ
iiif viewer powered by OpenSeadragon
