| e-texts navigator |
| Wylie |
310a1 བ་ནི་གོང་མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཇུག་པའི་ཁྲུས་ལ་ལག་པ་སྦྲེལ་ནས་ལུས་ཁྲུས་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་ཉི་ཤུ་བདུན་པའི་གསུམ་པ་རྫོགས་།། །། གླེང་གཞི་ནི་མཉན་ཡོད
310a2 ནའོ། ། དེའི་ཚེ་མཉན་ཡོད་ན་དགའ་སྡེའི་ཚོགས་གཉིས་པོ་གཅིག་ནི་རྒྱལ་རིགས་ཀྱི་དགའ་སྡེའོ།། ཅིག་ཤོས་ནི་བྲམ་ཟེའི་དགའ་སྡེའོ།། དེ་ལ་རྒྱལ་རིགས་ཀྱི་དགའ་སྡེ་ནི་གཡུལ་ལ་བྱང་བ་ཡིན་ནོ།། བྲམ་ཟེའི་དགའ་སྡེ་ནི་གར་ལ་བྱང་བ་ཡིན་ནོ།། གང་གི་ཚེ་དགའ་སྡེའི་ཚོགས
310a3 གཉིས་ལས་གཡུལ་འགྱེད་པས་འགྲན་པ་དེའི་ཚེ་རྒྱལ་རིགས་ཀྱི་དགའ་སྡེ་རྒྱལ་བར་འགྱུར་ལ། གང་གི་ཚེ་གར་གྱི་ཚེ་ནི་བྲམ་ཟེའི་དགའ་སྡེ་རྒྱལ་བར་འགྱུར་རོ།། དེ་ནས་རྒྱལ་རིགས་ཀྱི་དགའ་སྡེ་རྣམས་འདི་སྙམ་དུ་སེམས་ཏེ།། བདག་ཅག་གིས་སུ་ཞིག་ལ་གར་བསླབ་སྙམ
310a4 པ་ལས་དེ་དག་འདི་སྙམ་དུ་སེམས་ཏེ། འཕགས་མ་སྦོམ་དགའ་མོ་འདི་ནི་ཤཱཀྱའི་རིགས་ལས་རབ་ཏུ་བྱུང་བ་བཟོའི་གནས་ཐམས་ཅད་དང་། ལས་ཀྱི་གནས་ཐམས་ཅད་ལ་བྱང་བ་ཡིན་ནོ་སྙམ་དུ་བསམ་ནས། སྦོམ་དགའ་མོ་གང་ན་བ་དེར་སོང་སྟེ་ཕྱིན་པ་དང་། སྦོམ་དགའ
310a5 མོ་ལ་འདི་སྐད་ཅེས་སྨྲས་སོ། ། འཕགས་མ་ཁྱོད་གར་ལ་བྱང་བ་ཅུང་ཟད་མངའམ། དེས་འདི་སྐད་ཅེས་སྨྲས་སོ།། ཁོ་མོས་བཟོའི་གནས་དང་། ལས་ཀྱི་གནས་གང་ལ་མ་བྱང་བ་དེ་གང་ཞིག་ཡོད། དེ་དག་གིས་འདི་སྐད་ཅེས་སྨྲས་སོ།། རེ་ཞིག་བདག་ཅག་གིས་གླར
310a6 བཅའ་བ་སྦྱིན་གྱིས་བདག་ཅག་ལ་གར་སློབས་ཤིག། དེས་སྨྲས་པ། འདི་ལྟར་ལག་པ་སྒྱུར་ཅིག། འདི་ལྟར་རྐེད་པ་སྒྱུར་ཅིག། འདི་ལྟར་རྐང་པ་ཞོག་ཤིག་ཅེས་བྱ་བ་ནས། རྒྱལ་རིགས་ཀྱི་དགའ་སྡེ་རྣམས་གར་སློབ་ཏུ་བཅུག་གོ་ཞེས་བྱ་བའི་བར་རོ།། དེ་ནས་རྒྱལ་རིགས
310a7 ཀྱི་དགའ་སྡེ་དེ་དག་གིས་བྲམ་ཟེའི་དགའ་སྡེ་རྣམས་གར་གྱིས་ཕམ་པར་བྱས་སོ། ། དེ་ནས་བྲམ་ཟེའི་དགའ་སྡེ་རྣམས་ཀྱིས་འདི་སྐད་ཅེས་སྨྲས་སོ།། ཁྱེད་ཅག་ལ་སུས་བསླབས། དེ་དག་གིས་འདི་སྐད་ཅེས་སྦོམ་དགའ་མོས་སོ་ཞེས་སྨྲས་པ་ན། དེ་དག་ཤཱཀྱའི་སྲས་ཀྱི་དགེ
iiif viewer powered by OpenSeadragon
