| e-texts navigator |
| Wylie |
307b1 མ་མཉེད་དུ་གཞུག་གོ་སྙམ་ནས་དེ་རང་ལ་དགེ་སློབ་མ་མཉེད་དུ་བཅུག་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ
307b2 མཛད་དེ། ཡང་དགེ་སློང་མ་གང་དགེ་སློང་མ་མཉེད་དུ་འཇུག་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། དགེ་སློབ་མ་ཞེས་བྱ་བ་ནི་ཆོས་འདུལ་བ་འདི་ལ་དགེ་སློབ་མར་འགྱུར་བའི་བསླབ་པ་ལ་སློབ་པར་འགྱུར་བའོ།། རང་ལ་མཉེད་དུ་འཇུག་ན་ཞེས་བྱ
307b3 བ་ནི་ལུས་མཉེད་དུ་འཇུག་ནའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རང་ལ་དགེ་སློབ་མ་མཉེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་ཉི་ཤུ་ལྔ་པའི་བཞི་པ་རྫོགས
307b4 ། ། །། གླེང་གཞི་ནི་མཉན་ཡོད་ནའོ།། དེ་བཞིན་དུ་གཞོན་ནུ་མ་ལ་ཡང་རྒྱས་པར་བརྗོད་པར་བྱ་སྟེ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རང་ལ་གཞོན་ནུ་མ་མཉེད་དུ་འཇུག་ན་ལྟུང་བྱེད་དོ།། ཡང་གང་ཞེས་བྱ་བ་ནི
307b5 སྦོམ་དགའ་མོའོ། ། གཞོན་ནུ་མ་ཞེས་བྱ་བ་ནི་དགེ་ཚུལ་མའོ།། རང་ལ་མཉེད་དུ་འཇུག་ན་ཞེས་བྱ་བ་ནི་ལུས་མཉེད་དུ་འཇུག་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རང
307b6 ལ་དགེ་ཚུལ་མ་མཉེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་ལྔ་པའི་ཚིགས་སུ་བཅད་པའི་སྡོམ་རྫོགས་།། །། སྡོམ་ནི། ཁྱིམ་པ་མོ་ཡང་མཉེད་མི་གཞུག། ཀུན་དུ་རྒྱུ་མོའང་དེ་བཞིན་ནོ།། དྲི་དང་ཏིལ་གྱི་ཚིགས་མ
307b7 དང་། ། གནིག་པའི་རྫས་ཀྱིས་ཕྱི་བའོ།། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོས་བསམས་པ། བཅོམ་ལྡན་འདས་ཀྱིས་གཞོན་ནུ་མའི་བར་གྱིས་མཉེད་དུ་གཞུག་པ་བཀག་གིས། མ་ལ་བདག་གིས་ཁྱིམ་པ་མོ་མཉེད་དུ་གཞུག་གོ་སྙམ་ནས་དེས
iiif viewer powered by OpenSeadragon
