| e-texts navigator |
| Wylie |
307a1 དུ་མཛད་དེ། ཡང་དགེ་སློང་མ་གང་ཤེས་བཞིན་དུ་བུད་མེད་སྨད་འཚོང་མ་རབ་ཏུ་འབྱིན་ན་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ།། ཤེས་བཞིན་དུ་ཞེས་བྱ་བ་ནི་རང་གིས་སམ། གཞན་གྱིས་སྨྲས་པར་གྱུར་པའོ།། བུད་མེད་སྨད་འཚོང
307a2 མ་ཞེས་བྱ་བ་ནི་ཀུན་གྱིས་སྤྱད་པར་བྱ་བའོ། ། རབ་ཏུ་འབྱིན་ན་ཞེས་བྱ་བ་ནི་ཆོས་འདུལ་བ་འདི་ལའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་བུད་མེད་སྨད་འཚོང་མ་ཞེས་རབ་ཏུ་འབྱིན་ན་ཐམས་ཅད་དུ་ལྟུང
307a3 བྱེད་དུ་འགྱུར་རོ། ། གལ་ཏེ་ཡུལ་གཞན་དུ་བཀར་ནས་རབ་ཏུ་འབྱིན་ན་ལྟུང་བ་མེད་དོ།། ལྟུང་བྱེད་ཉི་ཤུ་ལྔ་པའི་གཉིས་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོས་རང་ལ་དགེ་སློང་མ་དག་མཉེད་དུ་བཅུག་པ་དང་། དེ་ལ་དགེ་སློང་མ
307a4 རྣམས་ཀྱིས་སྨྲས་པ། དུར་ཁྲོད་སྟེན་པ་འདི་མཉེས་ཏེ་ཅི་ཞིག་བྱ། དེས་འདི་སྐད་ཅེས་པགས་པའི་མདོག་འདི་འཚེར་ཞིང་གསལ་བར་བྱེད་བྱས་པ་དང་། རྒྱན་པོ་པ་དང་ནལ་ཕྲུག་རྣམས་ཀྱི་སྙིང་འགས་པར་འགྱུར་རོ་ཞེས་བྱ་བའི་བར་དུ་སྨྲས་པའི་སྐབས་དེ་དགེ་སློང་མ
307a5 རྣམས་ཀྱིས་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རང་ལ་དགེ་སློང་མ་དག་མཉེད་དུ་འཇུག་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ
307a6 མོའོ། ། དགེ་སློང་མ་ཞེས་བྱ་བ་ནི་ཆོས་འདི་པའོ།། རང་ལ་མཉེད་དུ་འཇུག་ན་ཞེས་བྱ་བ་ནི་ལུས་མཉེད་དུ་འཇུག་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རང་ལ་མཉེད་དུ་འཇུག་ན་ཐམས་ཅད
307a7 དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་ལྔ་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོས་བསམས་པ། བཅོམ་ལྡན་འདས་ཀྱིས་དགེ་སློང་མ་དག་གིས་མཉེ་བར་མི་བྱའོ།། ཞེས་གསུངས་པས་མ་ལ་བདག་གིས་དགེ་སློང
iiif viewer powered by OpenSeadragon
