| e-texts navigator |
| Wylie |
306a1 ན་ཐམས་ཅད་དུ་ལྟུང་བྱེད་དུ་འགྱུར་རོ། ། གལ་ཏེ་སོ་སོའི་གནས་དབེན་པར་ཤུར་བུ་དང་། ལྕག་ཕོད་དང་རྒྱ་ཅང་གི་ཕྱིར་ནི་ལྟུང་བ་མེད་དོ།། ལྟུང་བྱེད་ཉི་ཤུ་བཞི་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་གཙུག་དགའ
306a2 མོས་མཆིལ་ལྷམ་བགོས། གདུགས་ཐོགས་ཏེ་བསོད་སྙོམས་ལ་རྒྱུ་བ་ན་དེ་སྐྱེ་བོ་མང་པོ་དགོད་ཅིང་བྲམ་ཟེ་དང་། ཁྱིམ་བདག་རྣམས་འཕྱ་བའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི
306a3 བར་དུ་མཛད་དེ། ཡང་དགེ་སློང་མ་གང་གདུགས་དང་། མཆིལ་ལྷམ་ཐོགས་ན་ལྟུང་བྱེད་དོ།། ཡང་གང་ཞེས་བྱ་བ་ནི་གཙུག་དགའ་མོའོ།། གདུགས་ཞེས་བྱ་བ་ནི་ཚ་བའི་སྐྱབས་སོ།། མཆིལ་ལྷམ་ཞེས་བྱ་བ་ནི་ལྷམ་མོ།། ཐོགས་ན་ཞེས་བྱ་བ་ནི་བདག་ཉིད་དོ།། ལྟུང
306a4 བྱེད་དོ་ཞེས་བྱ་བ་ནི་གོང་མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གདུགས་དང་མཆིལ་ལྷམ་ཐོགས་ན་ཐམས་ཅད་དུ་ལྟུང་བྱེད་དུ་འགྱུར་རོ།། དབྱར་ཁང་དུ་གནས་མལ་བསྲུང་བའི་ཕྱིར་མཆིལ་ལྷམ་འཆང་བ་ལ་ལྟུང་བ་མེད
306a5 དོ། ། ལྟུང་བྱེད་ཉི་ཤུ་བཞི་པའི་ཚིགས་སུ་བཅད་པའི་སྡོམ་རྫོགས་།། །། སྡོམ་ནི། དཔུང་པར་ཕོལ་མིག་བྱུང་བ་དང་།། སྨད་འཚོང་མ་ཡི་དགེ་སློང་མ།། དགེ་སློང་མ་དང་དགེ་སློབ་མ།། དགེ་ཚུལ་མ་ཡིས་མཉེ་མི་བྱ།། གླེང་གཞི་ནི་མཉན་ཡོད་ནའོ།། དེ་ནས་གཙུག
306a6 དགའ་མོའི་དཔུང་པར་ཕོལ་མིག་བྱུང་ནས་དེ་སྨན་པས་བཅིངས་ཏེ། དེ་ལྟར་བཅིངས་ཟིན་པ་དང་། དེའི་འོག་ཏུ་འདི་སྐད་ཅེས་བཞིན་བཅིང་བ་ཧ་ཅང་དམ་ཆེས་སོ་ཞེས་སྨྲས་སོ།། ལྷོད་པར་བྱས་པ་དང་། ཧ་ཅང་ལྷོད་ཆེས་སོ་ཞེས་དེ་ལྟར་འཆིང་དུ་འཇུག་ཅིང
306a7 འགྲོལ་དུ་འཇུག་པ་དང་། དེ་ནས་སྨན་པ་དེས་འདི་སྐད་ཅེས་སྨྲས་སོ།། ཁྱོད་འོན་ཀྱང་མ་མཐོང་ཡང་བླ། ཕོལ་མིག་ཀྱང་མ་སོས་སུ་ཟད་མོད་ཅེས་སྨྲས་ནས་སོང་ངོ་།། དེ་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་ཅིའི་ཕྱིར་ཁྱོད་དེ་ལྟར་བྱེད། དེས་འདི་སྐད་ཅེས
iiif viewer powered by OpenSeadragon
