| e-texts navigator |
| Wylie |
305b1 སྟན་སྐྱེད་དུ་བཅུག་ཅིང་ཞེས་བྱ་བ་ནི་ཕྱི་བཞིན་ཁྱེར་དུ་བཅུག་ཅིང་ངོ་།། ཉམས་སུ་མྱོང་བར་བྱེད་ཅེས་བྱ་བ་ནི་རང་གིར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་རྣམས་ལས་སྟན་སྐྱེད་པ
305b2 ཉམས་སུ་མྱོང་བར་བྱེད་ན་ཐམས་ཅད་ལྟུང་བྱེད་དུ་འགྱུར་རོ། ། གལ་ཏེ་རྒས་པ་སྦྱོར་མི་བཟོད་པའམ། ནད་པ་ཞིག་ཆོས་འཆད་པ་ཡིན་ན་ལྟུང་བ་མེད་དོ།། ལྟུང་བྱེད་ཉི་ཤུ་བཞི་པའི་གཉིས་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་གཙུག
305b3 དགའ་མོས་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ་ཁྱིམ་བདག་ཅིག་གི་ཁྱིམ་དུ་བསོད་སྙོམས་ལ་ཞུགས་ནས་ཁྱིམ་བདག་གི་ཆུང་མ་དེ་ལ་འདི་སྐད་ཅེས་སྨྲས་སོ། ། མཚན་མ་བསོད་སྙོམས་བྱིན་ཅིག། དེས་འདི་སྐད་ཅེས་སྨྲས་སོ།། འཕགས
305b4 མ་བདག་སྐུད་པ་འཁལ་བས་གློ་བ་བྲེལ་ལོ། ། གཙུག་དགའ་མོས་འདི་སྐད་ཅེས་སྨྲས་སོ།། ཁྱོད་སོང་ལ་བསོད་སྙོམས་ཁྱེར་ཏེ་ཤོག་ཤིག་དང་། ཁོ་མོས་བཀལ་ལོ་ཞེས་བསོད་སྙོམས་ཀྱི་ཕྱིར་བཀལ་ཏོ་དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཁྱིམ་དེར་བསོད་སྙོམས
305b5 ལ་ཞུགས་ཏེ་འདི་སྐད་ཅེས་སྨྲས་སོ། ། ཕུ་ནུ་མོ་བསོད་སྙོམས་བྱིན་ཅིག། ཁྱིམ་བདག་གི་ཆུང་མས་འདི་སྐད་ཅེས་སྨྲས་སོ།། འཕགས་མ་སྐུད་པ་ཅིག་ཁོལ་མཛོད་ཅིག་དང་། དེའི་བར་དུ་བསོད་སྙོམས་འཚལ་ཏེ་མཆིའོ།། སྐྱེ་དགུའི་བདག་མོ་ཆེན་མོས་འདི་སྐད་ཅེས
305b6 སྨྲས་སོ། ། ཕུ་ནུ་མོ་ཁོ་མོ་ཁྱིམ་པར་གྱུར་པ་ན་ཡང་འཁལ་མ་མྱོང་ན། ད་རབ་ཏུ་བྱུང་ནས་འཁལ་ལམ་དེ་ལྟ་མོད་ཀྱི་ཞེས་བྱ་བ་དང་། བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྐུད་པ་འཁལ་ན་ལྟུང་བྱེད་དོ།།
305b7 ཡང་གང་ཞེས་བྱ་བ་ནི་གཙུག་དགའ་མོའོ།། སྐུད་པ་ཞེས་བྱ་བ་ནི་བདུན་པོ་གང་ཡང་རུང་བའོ།། འཁལ་ན་ཞེས་བྱ་བ་ནི་ཕུང་བུར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྐུད་པ་འཁལ
iiif viewer powered by OpenSeadragon
