| e-texts navigator |
| Wylie |
304b1 རྔོ་མི་ཐོག་ལགས་མོད། སྦོམ་དགའ་མོས་ཡང་འདི་སྐད་ཅེས་སྨྲས་སོ།། ཅི་ཁྱོད་ཀྱང་ཁབ་ཇི་ལྟ་བར་ལས་སྣ་གཅིག་པ་ཡིན་ནམ། ཁྱིམ་བདག་གི་ཆུང་མས་ཀྱང་འདི་སྐད་ཅེས་སྨྲས་སོ།། འཕགས་མ་ཁྱོད་འདི་ལ་བྱང་བ་ཅུང་ཟད་མངའམ། སྦོམ་དགའ་མོས་ཀྱང་འདི
304b2 སྐད་ཅེས་སྨྲས་སོ། ། ཁོ་མོས་བཟོའི་གནས་དང་། ལས་ཀྱི་གནས་གང་ལ་མ་བྱང་བ་གང་ཞིག་ཡོད། དེ་ནས་ཁྱིམ་བདག་གི་ཆུང་མ་དེས་སྦོམ་དགའ་མོ་ལ་འདི་སྐད་ཅེས་སྨྲས་སོ།། འཕགས་མ་བདག་གི་གོ་རེ་ལོང་མཛོད་ཅིག། དེས་འདི་སྐད་ཅེས་སྨྲས་སོ།། ཁོ་མོ་ལ
304b3 སུས་བསོད་སྙོམས་སྦྱིན་པར་འགྱུར། ཁྱིམ་བདག་གི་ཆུང་མས་འདི་སྐད་ཅེས་སྨྲས་ཏེ་བྱ་བ་ནས། ཁང་སྐྱོང་ལ་ཡང་དབུལ་ལོ་ཞེས་བྱ་བའི་བར་རོ།། དེ་ནས་སྦོམ་དགའ་མོས་ལྷུང་བཟེད་མཐའ་གཅིག་ཏུ་བཞག་ནས་གོས་དག་བརྫེས་ཏེ་ཁྱིམ་དེ་ཐམས་ཅད་ཆག་ཆག
304b4 ལེགས་པར་བཏབ། ཕྱག་དར་ལེགས་པར་བྱས་ནས་མལ་བཅས། ལྕགས་ཀྱི་སྣོད་དང་། དངུལ་གྱི་སྣོད་དང་། གསེར་གྱི་སྣོད་དག་བྱི་དོར་བྱས་ནས་བཞག་སྟེ། ཁྱིམ་དེ་ཐམས་ཅད་ཤིན་ཏུ་མཛེས་པར་བྱས་སོ།། དེ་ཡང་བསོད་སྙོམས་ཀྱིས་ཁུར་བསླང
304b5 ནས་དབྱར་ཁང་དུ་སོང་ངོ་། ། དེ་ནས་ཁྱིམ་བདག་དེས་མཐོང་ནས་འདི་སྐད་ཅེས་སྨྲས་སོ།། བཟང་མོ་ཁྱོད་ཀྱིས་དེ་རིང་ཁྱིམ་གྱི་བྱི་དོར་གཙང་གཙང་ལྟར་བྱས་སོ།། དེས་འདི་སྐད་ཅེས་སྨྲས་ཏེ་ཞེས་བྱ་བ་ནས། འཕགས་མ་སྦོམ་དགའ་མོས་བགྱིས་ཀྱི་བདག་གིས་མ
304b6 བགྱིས་སོ། ། དེས་འདི་སྐད་ཅེས་སྨྲས་སོ།། ཁྱོད་ཀྱིས་དེ་ལ་ཉི་མ་རེ་རེ་ཞིང་བསོད་སྙོམས་བྱིན་ཅིག་དང་། ཁྱོད་ཀྱི་ཁྱིམ་གྱི་གོ་རེ་ལོང་བྱེད་པར་འགྱུར་རོ།། དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་ཁྱིམ་དེར་བསོད་སྙོམས་ལ་ཞུགས་པ་དང་། དེ
304b7 ནས་ཁྱིམ་བདག་གི་ཆུང་མ་དེས་སྐྱེ་དགུའི་བདག་མོ་ཆེན་མོ་ལ་འདི་སྐད་ཅེས་སྨྲས་སོ། ། འཕགས་མ་བདག་གི་ཁྱིམ་གྱི་གོ་རེ་ལོང་མཛོད་དེ་སྩོལ། དེས་འདི་སྐད་ཅེས་སྨྲས་སོ།། ཕུ་ནུ་མོ་ཁོ་མོས་ཟས་གཙང་གི་ཁྱིམ་གྱི་གོ་རེ་ལོང་ཡང་མ་བྱས་ན་ད་རབ་ཏུ་བྱུང་ནས
iiif viewer powered by OpenSeadragon
