| e-texts navigator |
| Wylie |
302b1 བར་དུ་མཛད་དེ། ཡང་དགེ་སློང་མ་གང་འཐབ་མོ་ཉེ་བར་ཞི་བར་བྱ་བའི་མཐུ་ཡོད་པར་གྱུར་ལ་ཉེ་བར་ཞི་བར་མི་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། མཐུ་ཡོད་པར་གྱུར་ལ་ཞེས་བྱ་བ་ནི་མཐུ་དང་ལྡན་པའོ།། འཐབ་མོ་ཞེས་བྱ་བ་ནི་མཚང་འདྲུ
302b2 བའོ། ། ཉེ་བར་ཞི་བ་ཞེས་བྱ་བ་ནི་རབ་ཏུ་ཞི་བའོ།། ཉེ་བར་ཞི་བར་མི་བྱེད་ན་ཞེས་བྱ་བ་ནི་མི་ཟློག་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཐབ་མོ་དང་མཚང་འདྲུ་བ་ཉེ་བར་ཞི་བར་བྱ་བར་ནུས་ཤིང
302b3 མཐུ་ཡོད་པར་གྱུར་ལ་ཉེ་བར་ཞི་བར་མི་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་གསུམ་པའི་དང་པོ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོས་དབྱར་ཁང་དུ་སྒོ་བཅད་ནས་ལྡེ་མིག་ཁྱེར་ཏེ་ལྗོངས་རྒྱུ་ཞིང་སོང་བ་ལས་དབྱར
302b4 ཁང་དེར་མེ་ཤོར་ཏེ། དགེ་སློང་མ་རྣམས་ཀྱིས་གསད་པར་འདོད་ན་སྒོ་དབྱེར་ལྡེ་མིག་མ་རྙེད་ནས་མེས་ཚིག་པར་གྱུར་པ་དེའི་ཚེ་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས
302b5 བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དབྱར་ཁང་མ་བཅོལ་བར་ལྗོངས་རྒྱུ་ཞིང་འགྲོ་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། དབྱར་ཁང་ཞེས་བྱ་བ་ནི་གཙུག་ལག་ཁང་ངོ་།། མ་བཅོལ་བར་ཞེས་བྱ་བ་ནི་དགེ
302b6 སློང་མ་རྣམས་ལ་ལྡེ་མིག་མ་གཏད་པར་རོ། ། ལྗོངས་རྒྱུ་ཞིང་འགྲོ་བ་ན་ཞེས་བྱ་བ་ནི་མཚམས་ཀྱི་ཕྱི་རོལ་དུ་འགྲོ་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་མཚམས་ཀྱི་ནང་ལ་མཚམས་ཀྱི་ནང་དུ
302b7 འདུ་ཤེས་པས་དགེ་སློང་མ་རྣམས་ལ་ལྡེ་མིག་མ་གཏད་པར་མཚམས་ཀྱི་ཕྱི་རོལ་དུ་བྱུང་ན་ལྟུང་བྱེད་དོ། ། དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ་དགེ་སློང་མས་མཚམས་ཀྱི་ཕྱི་རོལ་ལ་མཚམས་ཀྱི་ནང་དུ་འདུ་ཤེས་པས། དགེ་སློང་མ་རྣམས་ལ་ལྡེ་མིག་མ་གཏད
iiif viewer powered by OpenSeadragon
