| e-texts navigator |
| Wylie |
301a1 དུས་ལ་བབ་ཀྱིས་སྲ་བརྐྱང་བྱིན་ཅིག། དེས་འདི་སྐད་ཅེས་སྨྲས་སོ།། འཕགས་མ་བདག་ནི་བྲོ་འཚལ་བ་ཞིག་སྟེ་ཅི་ཡང་མ་མཆིས་སོ།། དེ་ནས་སྦོམ་དགའ་མོས་འདི་སྐད་ཅེས་སྨྲས་སོ།། ཁོ་མོས་ཁྱོད་ལ་བསྟན་གྱིས་བཞིན་ཚོང་ཁང་ནས་སྐྱིན་པོ་ལོང་ལ
301a2 ཕྱིས་སྐྱིན་པ་བྱིན་ཅིག། དེ་ནས་སྦོམ་དགའ་མོས་ཉམ་ཆུང་ངུ་སྲ་བརྐྱང་ལ་རྗེས་སུ་ཡི་རང་བ་བྱེད་དུ་བཅུག་ནས་བླངས་ཏེ་དབྱར་ཁང་དུ་སོང་ངོ་།། དེ་ནས་ཁྱིམ་བདག་དེ་དུས་གཞན་ཞིག་ན་ཚོང་པ་དེས་བཟུང་ནས་ཀཱར་ཥཱ་པ་ཎ་དག་མ་བྱིན་གྱི་བར་དུ་གར་ཡང་མ་འགྲོ་ཤིག་ཅེས་བཟུང་ངོ
301a3 དེ་ནས་ནེའུ་ཟླ་དག་གིས་ཁྱིམ་བདག་དེ་ལ་སྨྲས་པ། གནས་འདི་ན་ཅི་བྱེད། དེས་འདི་སྐད་ཅེས་བུ་ལོན་པ་དག་གིས་བཟུང་ངོ་།། ཞེས་སྨྲས་སོ། དེ་དག་གིས་འདི་སྐད་ཅེས་སྨྲས་སོ།། ཁྱོད་ཅིའི་ཕྱིར་བུ་ལོན་པ་དག་གིས་བཟུང་། དེས་སྐབས་དེ་རྒྱས་པར་སྨྲས་པ་དང་། དེ
301a4 དག་འདི་སྐད་ཅེས་ཤཱཀྱའི་སྲས་ཀྱི་དགེ་སྦྱོང་རྣམས་ཀྱིས་དགེ་སྦྱོང་གི་ཚུལ་དང་ཚངས་པའི་ཚུལ་ནི་ཚིག་པ་ཡིན་ཏེ། གང་གི་ཕྱིར་ནད་པ་ལ་ཡང་རྗེས་སུ་ཡི་རང་བར་བྱེད་དུ་འཇུག་གོ་ཞེས་ཁ་ཟེར་བར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས
301a5 ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཉམ་ཆུང་ངུ་ལ་སྲ་བརྐྱང་འབུལ་དུ་འཇུག་གམ། རྗེས་སུ་ཡི་རང་བར་བྱེད་དུ་འཇུག་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། ཉམ་ཆུང་ངུ་ཞེས་བྱ་བ
301a6 ནི་ནད་པའོ། ། སྲ་བརྐྱང་འབུལ་དུ་འཇུག་གམ་ཞེས་བྱ་བ་ནི་དགེ་འདུན་གྱི་ཆོས་གོས་སོ།། རྗེས་སུ་ཡི་རང་བར་བྱེད་དུ་འཇུག་ན་ཞེས་བྱ་བ་ནི་སྐྱིན་པོ་ལེན་དུ་འཇུག་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ
301a7 ཅུང་ཟད་ཉམ་ཆུང་ངུ་ལ་སྲ་བརྐྱང་རྗེས་སུ་ཡི་རང་བར་བྱེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་གཉིས་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་གནས་སུ་སྲ་བརྐྱང་བཏིང་བ་ལས་དགེ་སློང་མ་ཆོམ་རྐུན
iiif viewer powered by OpenSeadragon
