| e-texts navigator |
| Wylie |
299b1 བྱེད་ན་ཞེས་བྱ་བ་ནི་སྟོན་པའི་བསླབ་པ་ཉམས་སུ་མྱོང་བར་མི་བྱེད་ནའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཚེས་ལྔ་ལྔ་ཞིང་ཆོས་གོས་བྱིན་གྱིས་བརླབ་པ་ཉམས་སུ་མྱོང་བར་མི་བྱེད་ན་ཐམས
299b2 ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་གཅིག་པའི་གསུམ་པ་རྫོགས་།། །། གླེང་གཞི་ནི་རྒྱལ་པོའི་ཁབ་ནའོ།། གང་གི་ཚེ་སྦོམ་དགའ་མོས་གར་མཁན་མོ་ལས་གླར་བཅའ་བ་བླངས་ཏེ་ཆོས་གོས་བྱིན་པ་དང་། དེས་བགོས་ནས་གར་བྱས་ཏེ་དེ་ཉིད་དུ་དྲུག་སྡེ་དག་སུན
299b3 ཕྱུང་ངོ་། ། དེ་ནས་དྲུག་སྡེ་རྣམས་ཀྱིས་ཐོས་ནས་སྦོམ་དགའ་མོའི་དྲུང་དུ་སོང་སྟེ། སྦོམ་དགའ་མོ་དང་གཏུགས་ནས་སྣད་པར་བརྡེགས་སོ།། དེ་ཡང་མིག་ཕུབས་སྐྲངས་ཤིང་དབྱར་ཁང་དུ་སོང་བ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། ཁྱོད་སུས་བརྡེགས།
299b4 དེས་འདི་སྐད་ཅེས་སྨྲས་སོ།། ཁོ་མོ་མིང་པོ་དག་གིས་བརྡེགས་ཀྱིས་མི་དགར་མ་བྱེད་ཅིག། དེ་དག་གིས་འདི་སྐད་ཅེས་སྨྲས་སོ།། ཅིའི་ཕྱིར་དེས་སྐབས་དེ་རྒྱས་པར་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།།
299b5 དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་པ་མོ་ལ་དགེ་སྦྱོང་གིས་ཆོས་གོས་བྱིན་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། ཁྱིམ་པ་མོ་ཞེས་བྱ་བ་ནི་ཁྱིམ་ན་གནས་པའོ།། དགེ་སྦྱོང
299b6 གི་ཆོས་གོས་ཞེས་བྱ་བ་ནི་ངུར་སྨྲིག་གོ། ། སྦྱིན་ན་ཞེས་བྱ་བ་ནི་གཏོང་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སྦྱོང་གི་ཆོས་གོས་ཁྱིམ་པ་མོ་ལ་བྱིན་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད
299b7 ཉི་ཤུ་གཅིག་པའི་ཚིགས་སུ་བཅད་པའི་སྡོམ་རྫོགས་། ། །། སྡོམ་ནི། སྨེ་གབ་ཚོགས་ཀྱི་སྨེ་གབ་དང་།། བཀྲེན་པ་ཡི་རང་འཇུག་པ་དང་།། སྲ་བརྐྱང་འབྱུང་བར་བྱ་བ་དང་།། གོས་དག་བགོ་བར་བྱ་བའོ།། གླེང་གཞི་ནི་མཉན་ཡོད་ནའོ།། དེ་ནས་བུད་མེད་ནི་སྔོན་གྱི
iiif viewer powered by OpenSeadragon
