| e-texts navigator |
| Wylie |
298a1 བསོད་སྙོམས་ཀྱིས་ཁུར་བསླང་སྟེ་དབྱར་ཁང་དུ་སོང་ངོ་། ། དེ་ནས་ཁྱིམ་བདག་དེ་འོངས་ནས་ཆུང་མ་དེ་ལ་འདི་སྐད་ཅེས་སྨྲས་སོ།། བཟང་མོ་ཁྱོད་ཀྱིས་དེ་རིང་ཁྱེའུ་ཁྲུས་བྱས་པ་ལེགས་སོ།། འོར་ཆེའོ་ཞེས་བྱ་བ་ནས། སྦོམ་དགའ་མོས་བཀྲུས་སོ་ཞེས་བྱ་བ་དང་། བསོད
298a2 སྙོམས་རབ་ཏུ་མང་དུ་ཕུལ་ལོ་ཞེས་བྱ་བའི་བར་རོ། ། དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ་ཁྱིམ་བདག་གི་ཁྱིམ་དེར་བསོད་སྙོམས་ཀྱི་ཕྱིར་ཞུགས་ནས་འདི་སྐད་ཅེས་སྨྲས་སོ།། མཚན་མ་བསོད
298a3 སྙོམས་བྱིན་ཅིག། དེས་འདི་སྐད་ཅེས་སྨྲས་སོ།། འཕགས་མ་བདག་གི་ཁྱེའུ་ཁྲུས་གྱིས་ལ་སྩོལ་ཅིག། དེ་ནས་སྐྱེ་དགུའི་བདག་མོ་ཆེན་མོས་འདི་སྐད་ཅེས་སྨྲས་སོ།། ཕུ་ནུ་མོ་ཁོ་མོས་བྱང་ཆུབ་སེམས་དཔའ་བཀྲུས་ཏེ། དེ་ལས་ཁྱེའུ་གཞན་ནི་མ་བཀྲུས་སོ།། ཕུ་ནུ་མོ
298a4 ཁྱོད་དགེ་སློང་མ་ཚུལ་ཁྲིམས་དང་ལྡན་པ་ལ་མཆིད་སྩོལ་བའི་ཕྱིར་ཡང་བྲན་མོར་འགྱུར་བའི་ལས་སོགས་སམ། དེ་ལྟ་མོད་ཀྱི་ཕུ་ནུ་མོ་ཁྱོད་ཀྱིས་འདི་ལྟར་དགེ་སློང་མ་ཁྱེའུ་འཁྲུ་བ་ག་ལས་མཐོང་ངམ་ཐོས། དེས་འདི་འདི་སྐད་ཅེས་སྨྲས་སོ།། འཕགས་མ་སྦོམ་དགའ་མོས་བཀྲུས
298a5 སོ། ། སྐྱེ་དགུའི་བདག་མོ་ཆེན་མོས་འདི་སྐད་ཅེས་དེ་ཁོ་ནས་ཁོ་མོ་ཅག་ལ་ཡང་གནས་སྐབས་འདི་བྱུང་ངོ་།། ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ
298a6 བའི་བར་དུ་མཛད་དེ། ཡང་དགེ་སློང་མ་གང་བུ་ལེན་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། བུ་ཞེས་བྱ་བ་ནི་བུ་ཆུང་ངུའོ།། ལེན་ན་ཞེས་བྱ་བ་ནི་རྩེ་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཅི
298a7 ཡང་རུང་བུ་ལེན་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་ཉི་ཤུ་པའི་ཚིགས་སུ་བཅད་པའི་སྡོམ་རྫོགས་།། །། སྡོམ་ནི། ཁྲུས་རས་དག་ནི་བྱ་བ་དང་།། གོས་དག་བཀྲུ་བར་བྱ་བ་དང་།། སྣམ་སྦྱར་དག་ནི་བརྗེ་བ་དང་།། དགེ་ཚུལ་ཆོས་གོས་སྦྱིན་པའོ།། གླེང་གཞི
iiif viewer powered by OpenSeadragon
