| e-texts navigator |
| Wylie |
293b1 འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མེད་པའི་གནས་སུ་གསོ་སྦྱོང་ཉམས་སུ་མྱོང་བར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་ཆོས་འདི་པ་དག་གིའོ།། དགེ་སློང
293b2 མེད་པའི་གནས་སུ་ཞེས་བྱ་བ་ནི་གང་ན་དགེ་སློང་མེད་པར་གྱུར་པའོ། ། གསོ་སྦྱོང་ཞེས་བྱ་བ་ནི་སོ་སོར་ཐར་པ་ཉམས་སུ་མྱོང་བར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མེད་པའི་གནས་སུ
293b3 གསོ་སྦྱོང་ཉམས་སུ་མྱོང་བར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་བཅུ་དགུ་པའི་བཞི་པ་རྫོགས་།། །། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དགེ་སློང་མས་དགེ་སློང་མེད་པའི་གནས་སུ་དབྱར་གནས་པར་ཁས་བླང་བར་མི་བྱའོ་ཞེས
293b4 གསུངས་པ་དང་། དེ་ནས་ཡང་དགེ་སློང་མ་རྣམས་ལྗོངས་ཤིག་ནས་ལྷགས་ནས་དགེ་སློང་མེད་པའི་གནས་སུ་དབྱར་གནས་པར་ཁས་བླངས་ཏེ། དེ་ནས་དེ་དག་གིས་དབྱར་གནས་ནས་མཉན་ཡོད་དུ་ཕྱིན་པ་དང་། ཇི་ཙམ་ན་དགེ་སློང་མ་རྣམས་ཀྱིས་སྨྲས་པ། ཁྱེད་ཅག་གང་དུ་དབྱར་གནས།
293b5 དེ་དག་གིས་འདི་སྐད་ཅེས་སྨྲས་སོ།། གནས་ག་གེ་མོ་ཞིག་ཏུའོ།། དེ་དག་ལ་དགེ་སློང་མ་རྣམས་ཀྱིས་དྲིས་པ། ཅི་རེ་ཞིག་དགེ་སློང་དང་བཅས་པ་ཡིན་ནམ་འོན་ཏེ་དགེ་སློང་མེད་པ་ཡིན། དེ་དག་གིས་འདི་སྐད་ཅེས་དགེ་སློང་མེད་པ་ཡིན་ནོ་ཞེས་སྨྲས་པ་ན་དོན་ཉུང་བའི་དགེ་སློང་མ
293b6 དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མེད་པའི་གནས་སུ་དབྱར་གནས་པར་ཁས་ལེན་ན་ལྟུང་བྱེད་དོ།། ཡང་གང་ཞེས
293b7 བྱ་བ་ནི་ཆོས་འདི་པ་དག་གིའོ། ། དགེ་སློང་མེད་པའི་ཞེས་བྱ་བ་ནི་གང་ན་དགེ་སློང་མེད་པར་གྱུར་པའོ།། གནས་ཞེས་བྱ་བ་ནི་གང་ན་ལས་ཐམས་ཅད་མངོན་པའོ།། དབྱར་གནས་པར་ཁས་ལེན་ན་ཞེས་བྱ་བ་ནི་ཟླ་བ་གསུམ་དམ་འཆའ་བར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང
iiif viewer powered by OpenSeadragon
