| e-texts navigator |
| Wylie |
288b1 ལོན་པ་མིང་འདི་ཞེས་བགྱི་བ་ལ་མཁན་མོ་མིང་འདི་ཞེས་བགྱི་བས་ཚངས་པར་སྤྱད་པ་ཉེ་བར་གནས་པའི་སྡོམ་པ་སྩོལ་བར་མཛད་དོ། ། འདི་ནི་གསོལ་བའོ།། དེ་བཞིན་དུ་ལས་ཀྱང་རྒྱས་པར་བརྗོད་པར་བྱའོ།། དེ་ནས་སྦོམ་དགའ་མོས་ཚངས་པར་སྤྱད་པ་ཉེ་བར་གནས་པའི་སྡོམ་པ
288b2 མ་གསོལ་བར་བསྙེན་པར་རྫོགས་པར་བྱེད་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གཞོན
288b3 ནུ་མ་ལོ་ཉི་ཤུ་ལོན་པ་ཚངས་པར་སྤྱད་པ་ཉེ་བར་གནས་པའི་སྡོམ་པ་མ་གསོལ་བར་བསྙེན་པར་རྫོགས་པར་བྱེད་ན་ལྟུང་བྱེད་དོ། ། ཡང་གང་ཞེས་བྱ་བ་ནི་སྦོམ་དགའ་མོའོ།། གཞོན་ནུ་མ་ཞེས་བྱ་བ་ནི་གཞོན་ནུ་མ་རབ་ཏུ་བྱུང་བའོ།། ལོ་ཉི་ཤུ་ལོན་པ་ཞེས་བྱ་བ་ནི་གང་གི་ལོ་ཉི་ཤུར
288b4 ཚང་བར་གྱུར་པའོ། ། ཚངས་པར་སྤྱད་པ་ཉེ་བར་གནས་པའི་སྡོམ་པ་ཞེས་བྱ་བ་ནི་གསོལ་བ་དང་གཉིས་ཀྱི་ལས་ཀྱིས་སོ།། མ་གསོལ་བར་ཞེས་བྱ་བ་ནི་དགེ་འདུན་ལས་སོ།། བསྙེན་པར་རྫོགས་པར་བྱེད་ན་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་སོ།། ལྟུང་བྱེད་དོ
288b5 ཞེས་བྱ་བ་ནི་གོང་མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གཞོན་ནུ་མ་ལོ་ཉི་ཤུ་ལོན་པ་ཚངས་པར་སྤྱད་པ་ཉེ་བར་གནས་པའི་སྡོམ་པ་མ་གསོལ་བར་དགེ་སློང་མའི་དངོས་པོར་བསྙེན་པར་རྫོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར
288b6 རོ། ། ལྟུང་བྱེད་བཅུ་བདུན་པའི་གཉིས་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས་ནས་སྤྱོད་ཡུལ་དུ་ཞུགས་པ་ན་སྦོམ་དགའ་མོས་ལམ་པོ་ཆེ་ཞིག་ན་བུད་མེད་གཅིག་བུད་མེད་དག་ཅིག་དང་ལྷན་ཅིག་འཐབ་མོ་བྱུང
288b7 བ་མཐོང་ཞིང་། སྦོམ་དགའ་མོས་བུད་མེད་དེ་ཁྲོས་པས་སྐྲ་འགྲེང་བར་གྱུར་པ་མཐོང་ངོ་།། དེ་ནས་སྦོམ་དགའ་མོས་འདི་སྙམ་དུ་བསམས་ཏེ། གང་གི་ཚེ་བདག་འཐབ་མོ་འགྱེད་པའི་གྲོགས་སུ་འགྱུར་བའི་གྲོགས་མོ་ཞིག་བདག་གིས་རྙེད་དོ་སྙམ་དུ་བསམས་ནས། སྦོམ
iiif viewer powered by OpenSeadragon
