| e-texts navigator |
| Wylie |
27a1 མ་དང་། ལོ་མ་ཕུན་སུམ་ཚོགས་ཤིང་འདབ་མ་རྒྱ་ཆེ་ལ་ཡལ་ག་གཡུར་ཟ་བ་ཞིག་ཡོད་དེ། དེའི་མིང་གི་གྲོང་ཁྱེར་ནྱ་གྲོ་དྷ་ཅན་ཞེས་བྱ་བར་ཤེས་སོ།། མས་དེ་ལ་སྨྲས་པ། བུ་ཁྱོད་ཀྱི་ཕ་ཡང་བུ་མེད་པར་གྱུར་ནས་དེས་ཀྱང་ལྷ་བརྒྱ་སྟོང་དུ་མ་ལ་བུའི་ཕྱིར
27a2 གསོལ་བ་བཏབ་བོ། ། འོན་ཀྱང་དེ་ལ་བུ་ཡང་མེད་ཅིང་བུ་མོ་ཡང་མེད་པར་གྱུར་ཏོ།། དེ་ནས་དེས་ནྱ་གྲོ་དྷའི་དྲུང་དུ་སོང་སྟེ་ནྱ་གྲོ་དྷ་ལ་གསོལ་བ་བཏབ་པ་དང་དེ་ནས་ཁྱོད་བྱུང་ངོ་དེའི་ཕྱིར་ཁྱོད་ནྱ་གྲོ་དྷ་ཞེས་བཏགས་སོ།། ཁྱོད་ཀྱང་བུ་མེད་ན་དེ་ཁོ་ན་ལྟར་གྱིས་ཤིག། དེ་ནས་བྲམ་ཟེ་ཤིང
27a3 སཱ་ལ་ཆེན་པོ་ལྟ་བུ་ནྱ་གྲོ་དྷ་ཤིང་ནྱ་གྲོ་དྷ་ག་ལ་བ་དེར་སོང་སྟེ་ཕྱིན་ནས། ཤིང་ནྱ་གྲོ་དྷའི་དྲུང་དུ་ཆག་ཆག་དང་ཕྱག་དར་ལེགས་པར་བྱེད་དུ་བཅུག་སྟེ། སྤོས་དང་། མེ་ཏོག་དང་། བདུག་པས་བཀང་ནས། རྒྱལ་མཚན་དང་། བ་དན་བསྒྲེང་དུ་བཅུག་གོ།། དེ་ནས་བྲམ་ཟེ
27a4 བརྒྱད་བརྒྱ་ལ་ཟན་བྱིན་ཏེ། རས་ཡུག་ཆེན་བསྐོན་ནས། རྗེས་ལ་ཤིང་ལ་གནས་པའི་ལྷ་ལ་གསོལ་བ་བཏབ་པ། བདག་ལ་བུ་རྙེད་པར་སྤྲོ་བ་བསྐྱེད་དུ་གསོལ། གལ་ཏེ་བདག་ལ་བུ་མཆིས་ན་ལོ་གཅིག་བཞིན་འདི་འདྲ་བར་ཁྱོད་ལ་མཆོད་པ་དཔག་ཏུ་མེད་པ་བགྱིའོ།། གལ
27a5 ཏེ་མ་མཆིས་ན་ལྗོན་ཤིང་འདི་པུ་ཤེལ་ཙིའི་རྩ་བ་ཙམ་གྱི་བར་ལུས་པ་ཡང་གཤེགས་ནས་དུམ་བུ་དུམ་བུར་བྱས་ལ་ཞོགས་མ་ཞོགས་མར་བཞོགས་ཏེ་རླུང་དང་ཉི་མ་གཉིས་ལ་བསྐམས་ནས་མེས་བསྲེག་གོ། ། བསྲེགས་ནས་ཐལ་བ་རླུང་ཆེན་པོ་ལ་ཕྱར་བའམ། ཆུ་ཀླུང་ཆེན་པོ
27a6 དྲག་པོར་གཏོར་རོ། ། ལྷ་དེ་ཡང་དབང་ཆུང་བ་ཡིན་པས་གསོལ་བ་བཏབ་པ་ན་ནི་མགུ་བ་དང་། དགའ་བ་དང་། ཡིད་རབ་ཏུ་དགའ་བ་དང་། སྟོབས་དང་ལྡན་པ་ཡིན་ལ། བསྡིགས་པ་ན་ནི་བདག་གནས་ནས་བསྐྲད་པར་མི་འགྱུར་གྲང་ཞེས་འཇིགས་པར་གྱུར་ཏོ།། ལྷ
27a7 དེ་ཡང་རྒྱལ་པོ་ཆེན་པོ་བཞིས་ཀུན་དུ་ཟིན་པ་ཡིན་པས་དེ་རྒྱལ་པོ་ཆེན་པོ་ཡུལ་འཁོར་སྲུང་གི་དྲུང་དུ་སོང་སྟེ་ཕྱིན་ནས་ཡུལ་འཁོར་སྲུང་ལ་སྨྲས་པ། ཉེ་དབང་བདག་གནས་ནས་བསྐྲད་པར་འགྱུར་དུ་མཆིས། གྲོང་ཁྱེར་ཤིང་ནྱ་གྲོ་དྷ་ཅན་ན་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ
iiif viewer powered by OpenSeadragon
