| e-texts navigator |
| Wylie |
279b1 བ་ནི་འཇིགས་པ་དང་བཅས་པར་གྲགས་པའོ། ། ནང་གི་ཡུལ་འཁོར་ཞེས་བྱ་བ་ནི་ཕན་ཚུན་མི་མཐུན་པའི་འོ།། འགྲོ་ན་ཞེས་བྱ་བ་ནི་རྒྱུ་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཕན་ཚུན་མི་མཐུན
279b2 པའི་ཡུལ་འཁོར་གཉིས་སུ་རྒྱུ་ཞིང་འགྲོ་ན་ལྟུང་བྱེད་དོ། ། ལྟུང་བྱེད་བཅུ་བཞི་པའི་གསུམ་པ་རྫོགས་།། །། གླེང་གཞི་ནི་ཡངས་པ་ཅན་ནའོ།། ཡངས་པ་ཅན་པ་དག་གིས་སུ་ཡང་རྒྱལ་པོའི་ཁབ་ཏུ་མ་འགྲོ་ཤིག་ཅེས་དྲིལ་བསྒྲགས་པ་བྱས་སོ་ཞེས་བྱ་བ་ནས། བསླབ་པ་བཅའ
279b3 བའི་བར་དུ་མཛད་དེ། ཡང་དགེ་སློང་མ་གང་དོགས་པ་དང་བཅས་པའི་ལམ་ནས་ཕྱི་རོལ་གྱི་ཡུལ་འཁོར་དུ་རྒྱུ་ཞིང་འགྲོ་ན་ལྟུང་བྱེད་དོ།། གཞུང་གོང་མ་ཇི་ལྟ་བ་བཞིན་དུ་ལྟུང་བ་ནི་རྗེས་སུ་མཐུན་པར་བྱའོ།། ལྟུང་བྱེད་བཅུ་བཞི་པའི་བཞི་པ་རྫོགས་།། །། གླེང་གཞི་ནི་རྒྱལ་པོའི་ཁབ
279b4 ནའོ། ། དེ་ནས་སྦོམ་དགའ་མོ་ལྷ་ཁང་དུ་སོང་ནས་ལྷ་ཁང་པ་དག་དང་། གཞན་ཡང་རྩོད་པ་དག་དང་ལྷན་ཅིག་ཏུ་རྩོད་པ་བྱེད་ཅིང་། དེའི་འོག་ཏུ་ཉི་མ་ཡོལ་ནས་དབྱར་ཁང་དུ་འོངས་ཏེ་རྒྱབ་དང་རྐེད་པ་ཚིར་ཅིག་ཅེས་ཟེར་བ་དང་། དེ་དག་གིས་འདི་སྐད་ཅེས་སྨྲས་སོ།། ཁྱོད་གང་དུ་སོང་། དེས
279b5 འདི་སྐད་ཅེས་སྨྲས་སོ། ། ཁོ་མོས་ལྷ་ཁང་དུ་རྩོད་པ་རྣམས་ཚར་བཅད་དོ།། དེ་དག་གིས་འདི་སྐད་ཅེས་སྨྲས་སོ།། ཁྱོད་ཀྱི་ཕྱི་བཞིན་འབྲང་བའི་དགེ་སྦྱོང་མ་གང་ཞིག། དེས་འདི་སྐད་ཅེས་ཁོ་མོ་འབའ་ཞིག་སོང་ངོ་ཞེས་སྨྲས་པ་ནས། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས
279b6 དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ལྷ་ཁང་དུ་སོང་ནས་རྩོད་པར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། ལྷ་ཁང་དུ་ཞེས་བྱ་བ
279b7 ནི་གཞན་མུ་སྟེགས་ཅན་གྱི་ལྷ་ཁང་ངོ་། ། སོང་ནས་ཞེས་བྱ་བ་ནི་ཞུགས་ནས་སོ།། རྩོད་པར་བྱེད་ན་ཞེས་བྱ་བ་ནི་འཐབ་པར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ལྷ་ཁང་དུ་སོང་ནས་མུ་སྟེགས
iiif viewer powered by OpenSeadragon
