| e-texts navigator |
| Wylie |
276b1 པའི་སྟན་ལ་འདུག་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་བཅུ་གཉིས་པའི་བཞི་པ་རྫོགས་།། །། གླེང་གཞི་ནི་མཉན་ཡོད་ནའོ།། དགེ་སློང་མ་རབ་ཏུ་མང་པོ་ལྗོངས་རྒྱུ་ཞིང་དོང་བ་དང་། ཐ་ག་པ་ཞིག་གི་ཁྱིམ་དུ་ནུབ་མོ་བྲང་བཏབ་སྟེ་འདུག་གོ།། དེའི་འོག་ཏུ་མུན་སྲོས་པ
276b2 དང་ཁྱིམ་བདག་འོངས་ནས་དེས་དགེ་སློང་མ་དེ་དག་མ་མཐོང་མ་ཐོས་སོ། ། དེ་ནས་ཁྱིམ་བདག་དེ་ཆུང་མ་དང་ལྷན་ཅིག་ཀུན་དུ་སྤྱོད་པ་ལ་ཞུགས་པ་ན་དེས་སྐད་ངན་ཤོར་བ་གཞོན་ནུ་རབ་ཏུ་བྱུང་བའི་དགེ་སློང་མ་ཞིག་ཡོད་པ་དེས་ཐོས་ནས་བགད་དོ།། དེ་ནས་ཁྱིམ་བདག་གིས་ཁྱིམ་བདག་གི
276b3 ཆུང་མ་དེ་ལ་འདི་སྐད་ཅེས་སྨྲས་སོ། ། དེ་སུ་ཞིག་དེས་སྨྲས་པ། དགེ་སློང་མའོ།། ཁྱིམ་བདག་དེས་ཐོས་ནས་ཁྲོས་ཏེ་འདི་སྐད་ཅེས་ཅིའི་ཕྱིར་ཁྱོད་ཀྱིས་འཇིག་རྟེན་ལ་ཅོ་འདྲི་བ་རྣམས་ཀྱི་གནས་སྦྱིན་ཞེས་སྨྲས་ནས། དེ་ཁྲོས་ཏེ་ནམ་ཕྱེད་ན་སྒོར་བཏོན་པ་དང་། དེ་དག་གིས་གསོལ
276b4 བ་བཏབ་པ་དང་ཞེས་བྱ་བ་ནས། སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་གྱི་བདག་པོ་ལ་མ་བརྟགས་པར་ཁྱིམ་གྱི་ནང་དུ་ནུབ་མོ་གནས་བཅས
276b5 ཏེ་འདུག་ན་ལྟུང་བྱེད་དོ། ། ཡང་གང་ཞེས་བྱ་བ་ནི་ཆོས་འདི་པའོ།། ཐ་ག་པའི་ཁྱིམ་གྱི་བདག་པོ་ལ་མ་བརྟགས་པར་ཁྱིམ་གྱི་ནང་དུ་ཞེས་བྱ་བ་ནི་ཐག་པའི་ཁྱིམ་དུའོ།། ནུབ་མོ་གནས་བཅས་ཏེ་འདུག་ན་ཞེས་བྱ་བ་ནི་ཉལ་བར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ
276b6 ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྱིམ་གྱི་བདག་པོ་ལ་མ་བརྟགས་པར་ཁྱིམ་གྱི་ནང་དུ་ནུབ་མོ་གནས་འཆའ་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་བཅུ་གཉིས་པའི་ཚིགས་སུ་བཅད་པའི་སྡོམ་རྫོགས་།། །། སྡོམ་ལ། སྔ་ནས
276b7 འདུག་པར་ཤེས་པ་དང་། ། ནད་པའི་རིམ་གྲོ་བྱ་བ་དང་།། དབྱར་ཁང་ནས་ནི་མི་བསྐྲད་དང་།། ཁྲི་དང་གདིང་བ་གཅིག་ལ་མིན།། གླེང་གཞི་ནི་མཉན་ཡོད་ནའོ།། དེའི་ཚེ་སྦོམ་དགའ་མོ་ལྗོངས་རྒྱུ་ཞིང་ཁྱིམ་བདག་ཅིག་གི་ཁྱིམ་དུ་ཞུགས་པ་དང་། དེ་ན་ཡང་དགེ་སློང་མ་སྔ་ནས
iiif viewer powered by OpenSeadragon
