| e-texts navigator |
| Wylie |
276a1 ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཆོས་འཆད་པ་ན་ཁྱིམ་པ་ལ་སྟན་མ་གཏད་པར་བོར་ཏེ་འགྲོ་ན་ལྟུང་བྱེད་དོ།། ཡང་གང་ཞེས་བྱ་བ་ནི
276a2 སྦོམ་དགའ་མོའོ། ། སྟན་མ་གཏད་པར་ཞེས་བྱ་བ་ནི་བདག་པོ་ལ་མ་གཏད་པར་རོ།། འགྲོ་ན་ཞེས་བྱ་བ་ནི་སོང་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྟན་བདག་པོ་ལ་མ་གཏད་པར་འགྲོ་ན་ཐམས་ཅད
276a3 དུ་ལྟུང་བྱེད་དུ་འགྱུར་རོ། ། ལྟུང་བྱེད་བཅུ་གཉིས་པའི་གསུམ་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་ཡུལ་དབུས་པའི་ཡུལ་ཆོས་ཀྱིས་བྲམ་ཟེ་དང་། ཁྱིམ་བདག་རྣམས་ཀྱི་ཁྱིམ་ན་སྟན་བཤམས་པ་དག་མི་རྟུལ་བ་ཡིན་པས་བྲམ་ཟེ་ཞིག་གིས་སྟན
276a4 བཤམས་ནས་དེར་སྲུང་མ་ཞིག་བཞག་གོ། ། སྦོམ་དགའ་མོ་ཡང་ཁྱིམ་དེར་བསོད་སྙོམས་ཀྱི་ཕྱིར་ཞུགས་ཏེ་དེས་འདི་སྐད་ཅེས་སྨྲས་སོ།། མཚན་མ་བསོད་སྙོམས་བྱིན་ཅིག། དེ་ནས་བུད་མེད་དེས་འདི་སྐད་ཅེས་སྨྲས་སོ།། འཕགས་མ་སྟན་སྲུང་ལགས་སོ།།
276a5 ཁོ་མོས་སྲུང་གིས་ཁྱོད་སོང་ལ་བསོད་སྙོམས་ཁྱེར་ཏེ་ཤོག་ཤིག། བུད་མེད་དེ་ཡང་བསོད་སྙོམས་ཀྱི་ཕྱིར་ནང་དུ་ཞུགས་པ་དང་། སྦོམ་དགའ་མོས་ཀྱང་བྲམ་ཟེའི་སྟན་ལ་འདུག་གོ།། བྲམ་ཟེ་དེ་འོངས་ནས་སྦོམ་དགའ་མོ་སྟན་དེའི་སྟེང་ན་འདུག་པ་མཐོང་ནས་སྨོད་པར་བྱེད་དོ་ཞེས
276a6 བྱ་བའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་མ་གནང་བར་ཁྱིམ་གྱི་ནང་དུ་སྟན་ལ་འདུག་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ
276a7 མོའོ། ། མ་གནང་བར་ཞེས་བྱ་བ་ནི་ཁྱིམ་གྱི་བདག་པོ་ལ་མ་བརྟགས་པར་རོ།། ཁྱིམ་གྱི་ནང་དུ་ཁྱིམ་པའི་སྟན་ལ་འདུག་ན་ཞེས་བྱ་བ་ནི་བསྡད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་མ་གནང་བར་ཁྱིམ
iiif viewer powered by OpenSeadragon
