| e-texts navigator |
| Wylie |
275b1 གང་ན་བ་དེར་ཆས་པ་དང་། ཇི་ཙམ་ན་བུ་མོ་དེས་དྲིས་པ་ལས་དེས་ཀྱང་སྨྲས་སོ་ཞེས་བྱ་བ་ནས། བུ་མོ་དེས་དྲིས་པ་ན་ཐ་སྙད་ཇི་ལྟ་བ་བཞིན་དུ་བྲམ་ཟེ་དེས་ཉལ་བར་བརྩམས་སོ་ཞེས་བྱ་བ་ནས། བྲམ་ཟེ་ནི་གཙང་སྦྲ་འདོད་པ་ཡིན་པས་ཆུ་ལེན་པར་བྱེད་པ་ན་ཇི་ཙམ་ན་བྱ་མ་བུམ
275b2 འཁྲོགས་པའི་སྒྲས་བོང་བུ་འདྲོགས་ཏེ། དེ་འདྲོགས་པས་བུ་མོ་དེ་ཆ་བྱད་དེ་ཉིད་ཀྱིས་གྲོང་ཁྱེར་བ་ནས་སྐྱེ་བོའི་ཚོགས་ཆེན་པོས་གད་མོས་བཏབ་པའི་བར་རོ།། དེ་ནས་བྲམ་ཟེ་དེས་དེའི་ཚེ་ཚིགས་སུ་བཅད་དེ་སྨྲས་པ། བྱ་མ་བུམ་ནི་འཁྲོགས་པ་ཡིས།། བོང་བུ་རབ་ཏུ་འདྲོགས
275b3 གྱུར་ཏེ། ། བུད་མེད་འདི་ཡི་ལས་དག་གིས།། བདག་ཀྱང་འདིར་ནི་ངོ་ཚའོ།། དགེ་སློང་དག་ཇི་སྙམ་དུ་སེམས།། བྲམ་ཟེའི་བུ་མོ་གང་ཡིན་པ་དེ་ནི་སྦོམ་དགའ་མོ་འདི་ཉིད་ཡིན་ཏེ་ཞེས་བྱ་བ་ནས། སྔོན་དང་ད་ལྟར་ཡང་ཞེས་བྱ་བའི་བར་རོ།། ལྟུང་བྱེད་བཅུ་གཉིས་པའི
275b4 གཉིས་པ་རྫོགས་། ། །། གླེང་གཞི་ནི་མཉན་ཡོད་ནའོ།། དེ་ནས་ཁྱིམ་བདག་གི་ཆུང་མ་རབ་དུ་མང་པོས་སྦོམ་དགའ་མོ་ལ་འཕགས་མ་ཆོས་བཤད་དུ་གསོལ་ཞེས་གསོལ་བ་བཏབ་པ་དང་། དེས་འདི་སྐད་ཅེས་སྟན་ཤོམས་ཤིག་ཅེས་སྨྲས་སོ།། དེ་དག་གིས
275b5 དེའི་ཆེད་དུ་སྟན་བཤམས་པ་དང་། དེ་སྟན་བཤམས་པ་ཉིད་ལ་འདུག་ནས་ཁ་རྩིག་པ་ལ་བལྟས་ཏེ་མདོ་རིང་པོ་བཟུང་སྟེ་འཆད་པ་ལ་ཞུགས་སོ།། དེ་ནས་བྲམ་ཟེ་དང་། ཁྱིམ་བདག་གི་ཆུང་མ་དེ་དག་འདི་སྙམ་དུ་སེམས་ཏེ། དགེ་སློང་མ་རྣམས་ཀྱི་ལས་ནི་བཀླག་པར་བྱ་བ་དང་།
275b6 དྲན་པར་བྱ་བ་འདི་ཁོ་ནར་ཟད་ཀྱི། བདག་ཅག་ནི་ཁྱིམ་གྱི་བྱ་བ་དག་ཉམས་པར་འགྱུར་རོ་སྙམ་དུ་བསམས་ནས་དོང་ངོ་།། ཕྱི་བཞིན་འབྲང་བའི་དགེ་སློང་མ་དེས་སྨྲས་པ། འཕགས་མ་སུ་ལ་ཆོས་འཆད། དེས་འདི་སྐད་ཅེས་སྨྲས་སོ།། བྲམ་ཟེ་དང་། ཁྱིམ་བདག་གི་ཆུང་མ
275b7 རྣམས་ལའོ། ། དེ་དག་ནི་སྐྱོ་ནས་དོང་ལགས་སོ་ཞེས་བྱ་བ་ནས། སྦོམ་དགའ་མོས་ཀྱང་སྟན་བོར་ཏེ་སོང་ངོ་ཞེས་བྱ་བའི་བར་རོ།། སྟན་དེ་མ་བྱིན་པར་ལེན་པ་དག་གིས་བརྐུས་སོ་ཞེས་བྱ་བ་ནས། བྲམ་ཟེ་དང་། ཁྱིམ་བདག་གི་ཆུང་མ་རྣམས་ཁ་ཟེར་བར་བྱེད་པའི་སྐབས་དེ་བཅོམ
iiif viewer powered by OpenSeadragon
