| e-texts navigator |
| Wylie |
274b1 རྟེན་ཅིང་འཁོད་པ་ལས་ཇི་ཙམ་ན་མཚན་མོ་ནམ་སྲོས་པ་ན་ཆར་ཕབ་ནས་དེ་དག་ཕུགས་ལོགས་སུ་ནུར་ཏེ་ཞུགས་པ་དང་། དེ་ན་ཡང་སྐྱེས་པ་ཞིག་སྔར་ཞུགས་པ་ཞིག་ཡོད་པ་དེས་དགེ་སློང་མ་བཟུང་བ་དང་དེས་ཁུས་བཏབ་པོ།། ཇི་ཙམ་ན་དགེ་སློང་མ་རྣམས་ཀྱིས་གསོལ་བ་བྱས་ཏེ
274b2 བཏང་བ་ནས་མཉན་ཡོད་དུ་ལྷགས་པ་དང་། སྐབས་དེ་དགེ་སློང་མ་རྣམས་ལ་རྒྱས་པར་སྨྲས་པའི་བར་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་བྱུང་བ་དེ་ནི་དགེ་སློང་མ་དག་ཁྱིམ་དུ་མ་བརྟགས
274b3 པར་གནས་འཆའ་བ་ལས་གྱུར་ཏོ་སྙམ་ནས། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གནས་མ་བརྟགས་པར་གནས་སུ་གནས་འཆའ་བར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་ཆོས
274b4 འདི་པ་དག་གིའོ། ། གནས་མ་བརྟགས་པར་ཞེས་བྱ་བ་ནི་བརྟག་པ་མ་བྱས་པར་རོ།། གནས་པར་བྱེད་ན་ཞེས་བྱ་བ་ནི་ཁྱིམ་པའི་ཁྱིམ་དུ་ཉལ་བར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང
274b5 ཟད་མུན་ཁུང་དུ་ཁྱིམ་པའི་ཁྱིམ་དུ་མ་བརྟགས་པར་ཉལ་བར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། ། ལྟུང་བྱེད་བཅུ་གཉིས་པའི་དང་པོ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོ་ཁྱིམ་ཐབ་བྱེས་སུ་སོང་བའི་ཆུང་མ་ཞིག་གི་དྲུང་དུ་སོང་ནས
274b6 དྲིས་པ། ཁྱོད་དེའི་བར་དུ་ཇི་ལྟ་བུ་ཞིག་གིས་ཉོན་མོངས་པ་སེལ་བར་བྱེད། ཁྱོད་ནི་རབ་ཏུ་བྱུང་བ་ལགས་ན་འདི་ཅིར་འཚལ་ཞེས་བྱ་བ་ནས། རྒྱ་སྐྱེགས་བཅངས་པས་ལགས་སོ་ཞེས་བྱ་བའི་བར་རོ།། དེ་ནས་སྦོམ་དགའ་མོས་ཅི་ཙམ་ན་བཙུན་མོ་ཕྲེང་ལྡན་མའི་དྲུང་དུ་སོང་ནས་དྲིས
274b7 པ། བཙུན་མོ་གལ་ཏེ་གསུས་པོ་ཆེ་ཡུལ་གཞན་དུ་གཤེགས་ན་དེའི་བར་དུ་ཇི་ལྟ་བུ་ཞིག་གིས་ཉོན་མོངས་བ་སེལ་བར་མཛད་དེ། དེས་འདི་སྐད་ཅེས་ཁྱོད་ནི་རབ་ཏུ་བྱུང་བ་ཡིན་ན་འདྲི་ཅི་དགོས་ཞེས་བྱ་བ་ནས། རྒྱ་སྐྱེགས་བཅངས་པས་ཡིན་ནོ་ཞེས་བྱ་བའི་བར་རོ།། དེ
iiif viewer powered by OpenSeadragon
