| e-texts navigator |
| Wylie |
274a1 ཅུང་ཟད་སངས་རྒྱས་ལ་མནའ་འདོར་བར་བྱེད་ན་ལྟུང་བྱེད་དོ། ། ཆོས་ལ་ནི་ལྟུང་བྱེད་དོ།། དགེ་འདུན་ལ་ནི་ལྟུང་བྱེད་དོ།། ཚངས་པར་སྤྱོད་པ་ལ་གནས་པ་ལ་ནི་ལྟུང་བྱེད་དོ།། མཁན་མོ་དང་། སློབ་དཔོན་ལ་ནི་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་བཅུ
274a2 གཅིག་པའི་བཞི་པ་རྫོགས་། ། །། གླེང་གཞི་ནི་མཉན་ཡོད་ནའོ།། དེ་ནས་བཅུ་གཉིས་སྡེ་རྣམས་དགེ་སློང་མ་རྣམས་དང་ལྷན་ཅིག་འཐབ་མོ་བྱུང་སྟེ། དེ་དག་འཐབ་མོ་བྱུང་བ་ན་དགེ་སློང་མ་རྣམས་ལ་གླེང་བར་བྱེད་དེ། གང་གི་ཚེ་ལྕོགས་པར་མི་ནུས་པ་དེའི་ཚེ་དེ་དག་དགེ
274a3 སློང་མ་རྣམས་ལ་ཉེས་པར་མཐོང་བས་གླེང་བར་བྱེད། ཉེས་པར་ཐོས་པ་དང་། ཉེས་པར་དོགས་པས་གླེང་བར་བྱེད་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ
274a4 ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་རྣམས་ལ་ཉེས་པར་མཐོང་བ་དང་། ཉེས་པར་ཐོས་པ་དང་། ཉེས་པར་དོགས་པས་གླེང་ན་ལྟུང་བྱེད་དོ།། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། དགེ་སློང་མ་རྣམས་ལ་ཞེས་བྱ་བ་ནི་ཆོས
274a5 འདི་པ་རྣམས་ལའོ། ། ཉེས་པར་མཐོང་བས་གླེང་ན་ལྟུང་བྱེད་དོ།། ཉེས་པར་ཐོས་པ་དང་། ཉེས་པར་དོགས་པས་མ་བརྟགས་པར་གླེང་བར་བྱེད་ན་ཞེས་བྱ་བ་ནི་གཤེ་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང
274a6 མས་ཇི་ཙམ་ཅུང་ཟད་ཉེས་པར་མཐོང་བས་གླེང་ན་ལྟུང་བྱེད་དོ། ། ཉེས་པར་ཐོས་པས་ན་ལྟུང་བྱེད་དོ།། ཉེས་པར་དོགས་པས་ན་ལྟུང་བྱེད་དོ།། ལྟུང་བྱེད་བཅུ་གཅིག་པའི་ཚིགས་སུ་བཅད་པའི་སྡོམ་རྫོགས་།། །། སྡོམ་ལ། མུན་པར་རྒྱ་སྐྱེགས་བཅངས་པ་དང་།། མ
274a7 གཏད་པར་ནི་འགྲོ་བ་དང་། ། ཁྱིམ་པའི་སྟན་ནི་བཤམས་པ་དང་།། དེར་ནི་ཉལ་བར་མི་བྱ་བའོ།། གླེང་གཞི་ནི་མཉན་ཡོད་ནའོ།། དེ་ནས་དགེ་སློང་མ་རྣམས་ལྗོངས་རྒྱུ་བ་ན་རི་འོར་ཞིག་ཏུ་ཕྱིན་ནས་དེ་དག་གིས་དེར་ཁྱིམ་བདག་ཅིག་ལ་གནས་ཞིག་བརྙས་ཏེ། དེ་དག་ནུབ་མོ་དེ་ན
iiif viewer powered by OpenSeadragon
