| e-texts navigator |
| Wylie |
273a1 བར་ཇི་ལྟར་འགྱུར་ཞེ་ན། དགེ་སློང་མ་ཇི་ཙམ་ཅུང་ཟད་གཅིག་པུ་གཉིས་སུ་མེད་པར་གནས་ཁང་དུ་ཉལ་བར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་བཅུ་པའི་ཚིགས་སུ་བཅད་པའི་སྡོམ་རྫོགས་།། །། སྡོམ་ལ། རྣ་བར་གཤུབ་པ་གཉིས
273a2 དང་ནི། ། བདག་ཉིད་ལ་ནི་མཐོ་འཚམས་དང་།། ཚངས་པར་སྤྱོད་ལ་མནའ་མིན་དང་།། ཉེས་པར་མཐོང་བ་མི་གླེང་བའོ།། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོས་སྐྱེས་པ་ཞིག་གི་རྣ་བར་གཤུབས་པ་དང་། བྲམ་ཟེ་དང་། ཁྱིམ་བདག་དག་ན་རེ་གང་གི
273a3 ཕྱིར་རབ་ཏུ་བྱུང་བ་ཡང་ཁྱིམ་ན་གནས་པའི་རྣ་བར་གཤུབ་ལ། ཁྱིམ་ན་གནས་པ་ཡང་གཤུབ་པར་བྱེད་ན་འདི་གཉིས་ལ་ཁྱད་པར་ནི་ཅི་ཞིག་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད་ཅེས་འཕྱ་བར་བྱེད་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ
273a4 བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྐྱེས་པའི་རྣ་བར་གཤུབ་པར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦོམ་དགའ་མོའོ།། རྣ་བར་གཤུབ
273a5 པར་བྱེད་ན་ཞེས་བྱ་བ་ནི་རྣ་བར་གཏམ་སྨྲ་བར་བྱེད་ནའོ། ། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྐྱེས་པའི་རྣ་བར་གཤུབ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་བཅུ་གཅིག་པའི་དང་པོ
273a6 རྫོགས་། ། །། གླེང་གཞི་ནི་མཉན་ཡོད་ནའོ།། དེ་བཞིན་དུ་སྦེད་མ་འཆར་ཀའི་རྣ་བར་གཤུབ་པར་བྱེད་པ་ནས། དོན་ཉུང་བའི་དགེ་སློང་མ་རྣམས་འཕྱ་བར་བྱེད་པའི་བར་གྱི་སྐབས་དེ་བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ
273a7 པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་དང་ལྷན་ཅིག་རྣ་བར་གཤུབ་པར་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་སྦེད་མའོ།། དགེ་སློང་ཞེས་བྱ་བ་ནི་འཆར་ཀའོ།། ལྷན་ཅིག་རྣ་བར་གཤུབ་པར་བྱེད་ན་ཞེས་བྱ་བ་ནི་རྣ་བར་གཏམ་སྨྲ་བར་བྱེད་ནའོ།།
iiif viewer powered by OpenSeadragon
