| e-texts navigator |
| Wylie |
270a1 གོང་མ་བཞིན་ནོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རྗེན་པ་འཚེད་པར་བྱེད་ན་ཐམས་ཅད་དུ་ལྟུང་བྱེད་དོ།། དེ་ནས་དགེ་འདུན་གྱི་བྲེལ་བ་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་དབེན
270a2 པར་འདུག་ནས་བཙོ་བར་བྱ་སྟེ་ལྟུང་བ་མེད་དོ། ། ལྟུང་བྱེད་དགུ་པའི་དང་པོ་རྫོགས་།། །། གླེང་གཞི་ནི་མཉན་ཡོད་ནའོ།། དེའི་ཚེ་ཁྱིམ་བདག་ཅིག་ཆུང་མ་དང་ལྷན་ཅིག་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་ཞེས་བྱ་བ་ནས། དགེ་སློང་མ་རྣམས་ལ་བལྟ
270a3 བའི་ཕྱིར་དབྱར་ཁང་དུ་དོང་ངོ་། ། ཇི་ཙམ་ན་དེ་དེ་ན་ནང་པར་ཐུག་པ་ཞིག་འཐུང་བ་དང་། དགེ་སློང་མ་དེ་ཡང་ཆུ་སྣོད་ཅིག་ཐོགས་ཏེ། མདུན་ན་སྡོད་ཅིང་འདུག་གོ།། དེ་ནས་དགེ་སློང་དེ་དགོད་ནས་འདི་སྐད་ཅེས། ཁོ་བོ་ཁྱིམ་པར་གྱུར་པ་ན་ཁྱོད་དེ་ལྟར་མདུན་ན་སྡོད་དོ
270a4 ཞེས་སྨྲས་པ་དང་། དེས་ཆུ་སྣོད་དེ་ནས་མགོར་གཏོར་ནས་འདི་སྐད་ཅེས་སྨྲས་སོ།། ཁོ་མོ་ཁྱོད་ཀྱི་ཡོན་ཏན་ཡང་དག་པར་སྒྲོགས་ན་ཁྱོད་ཁོ་མོའི་སྐྱོན་རྣམས་ལ་འཇུག་པར་བྱེད་དམ་ཞེས་སྨྲས་ནས་བྲོས་པ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། ཁྱོད་ཀྱིས་ཅིའི་ཕྱིར
270a5 འཁོར་གྱི་གཙོ་བོའི་མགོ་ལ་ཆུས་གཏོར་ཞེས་བྱ་བ་ནས་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང
270a6 མ་གང་ཆུས་འཐོར་ན་ལྟུང་བྱེད་དོ། ། ཡང་གང་ཞེས་བྱ་བ་ནི་ཆོས་འདི་པའོ།། འཁོར་གྱི་གཙོ་བོ་ཞེས་བྱ་བ་ནི་འཁོར་གྱི་མཆོག་གོ།། ཆུས་འཐོར་ན་ཞེས་བྱ་བ་ནི་ཆུས་སོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས
270a7 ཇི་ཙམ་ཅུང་ཟད་འཁོར་གྱི་གཙོ་བོ་ལ་ཆུས་གཏོར་ན་ཐམས་ཅད་དུ་ལྟུང་བྱེད་དུ་འགྱུར་རོ། ། གལ་ཏེ་བརྒྱལ་བ་ལ་གདོང་དུ་ཆུ་ལྕག་གིས་འཐོར་བ་ལ་ནི་ལྟུང་བ་མེད་དོ།། ལྟུང་བྱེད་དགུ་པའི་གཉིས་པ་རྫོགས་།། །། གླེང་གཞི་ནི་མཉན་ཡོད་ནའོ།། དེ་ནས་དབྱར་ཁང
iiif viewer powered by OpenSeadragon
