| e-texts navigator |
| Wylie |
269a1 སུ་བཅད་པའི་སྡོམ་རྫོགས་། ། །། སྡོམ་ནི། རྗེན་པ་བཙོ་བར་མི་བྱ་དང་།། ཆུས་ནི་གཏོར་བར་མི་བྱ་དང་།། སྔོན་པོར་བཤང་བ་མི་དོར་དང་།། རྩིག་པའི་རྒྱབ་ཏུ་མི་དོར་བའོ།། གླེང་གཞི་ནི་མཉན་ཡོད་ནའོ།། གྲོང་ཁྱེར་པ་དག་ལྡུམ་ར་དང་། སྐྱེད་མོས་ཚལ་ལ་དགའ་བས་དེ
269a2 དག་གི་ཀུན་དུ་སྤྱོད་པ་ནི་གང་གི་ཚེ་སྐྱེད་མོས་ཚལ་དག་ཏུ་འདོང་བ་ན་གཡོས་མཁན་གྱིས་བཅའ་བ་འཚེད་པར་བྱེད་པ་ཡིན་པས་དེ་དག་གིས་ཡང་གཡོས་མཁན་ལ་སང་ནང་པར་སྔར་ཤོག་ཤིག་ཅེས་བསྒོ་བ་ལས། དེ་མ་འོངས་པར་སྦོམ་དགའ་མོ་སྔ་དྲོ་ཤམ་ཐབ་བགོས། ཆོས་གོས་དང
269a3 ལྷུང་བཟེད་བླངས་ཏེ་བསོད་སྙོམས་ཀྱི་ཕྱིར་སྤྱོད་ཡུལ་དུ་ཞུགས་ནས་ཁྱིམ་བདག་ཅིག་གི་ཁྱིམ་དུ་ཞུགས་ཏེ་འདི་སྐད་ཅེས་སྨྲས་སོ། ། མཚན་མ་བསོད་སྙོམས་བྱིན་ཅིག། དེས་འདི་སྐད་ཅེས་སྨྲས་སོ།། འཕགས་མ་བདག་གློ་བ་མི་དགའ་བ་ལགས་སོ།། སྦོམ་དགའ་མོས་འདི་སྐད་ཅེས
269a4 སྨྲས་སོ། ། ཁྱོད་ཅི་སྟེ་མི་དགའ། དེས་སྐབས་དེ་རྒྱས་པར་སྨྲས་པ་དང་། དེས་འདི་སྐད་ཅེས་སྨྲས་སོ།། ཅིའི་ཕྱིར་ཁྱོད་རང་ཉིད་མི་འཚེད། དེས་འདི་སྐད་ཅེས་སྨྲས་སོ།། བདག་གིས་རྔོ་མི་ཐོག་ལགས་སོ།། དེ་ནས་སྦོམ་དགའ་མོས་ཁྱིམ་བདག་གི་ཆུང་མ་ལ་འདི་སྐད་ཅེས་སྨྲས་སོ།། ཅི་ཁྱོད
269a5 ཀྱང་ཁབ་བཞིན་དུ་ལས་སྣ་གཅིག་པ་ཞིག་ཡིན་ནམ། དེས་འདི་སྐད་ཅེས་སྨྲས་སོ།། འཕགས་མ་དེ་ལ་མཁྱེན་པ་མངའ་འམ། སྦོམ་དགའ་མོས་འདི་སྐད་ཅེས་སྨྲས་སོ།། ཁོ་མོས་བཟོའི་གནས་དང་། ལས་ཀྱི་གནས་གང་ལ་མཁས་པར་མ་བྱས་པ་དེ་གང་ཞིག་ཡོད། དེ་ནས་ཁྱིམ
269a6 བདག་གི་ཆུང་མ་དེས་དེ་སྦོམ་དགའ་མོ་ལ་འདི་སྐད་ཅེས་སྨྲས་སོ། ། འཕགས་མ་ད་ནི་ཁྱོད་ལ་བདག་གསོལ་བ་འདེབས་ཀྱིས་བཅའ་བ་སྒྲོལ་ལ་བདག་ལ་སྩོལ་ཅིག། དེས་འདི་སྐད་ཅེས་སྨྲས་སོ།། ཁོ་མོ་ལ་སུ་བསོད་སྙོམས་སྟེར་བར་འགྱུར། ཁྱིམ་བདག་གི་ཆུང་མས་འདི་སྐད་ཅེས་སླད
269a7 ཀྱིས་བདག་གིས་ཕྱི་བཞིན་འབྲང་བའི་དགེ་སྦྱོང་མ་ལ་བདག་གིས་སློབ་དཔོན་ལ། བདག་གིས་མཁན་མོ་ལ། བདག་གིས་ཁང་སྐྱོང་མའི་བར་ལ་སླད་ཀྱིས་འབུལ་ལོ་ཞེས་སྨྲས་པ་དང་། དེས་ལྷུང་བཟེད་དང་། ཆོས་གོས་མཐའ་གཅིག་ཏུ་བཞག། གོས་གཞན་དག་བརྫེས་ཏེ་ཞེས
iiif viewer powered by OpenSeadragon
